EKSODAS 34
34
Pakenabe Tingchudepei
(Deu 10.1-5)
1Tingwang ne Mosabe je, “Keraîbe luigum ze tingchudepei kena gia le lau; dezai nang ne tewpâng’ndibe keraîbe tingchudepei ramme ge sam ramme bambe ze I ne tingchudepei ge raw gai gu lei. 2Hechua dezai kedâ le lau, zai Sinai Loa ’mbe hechua dezai hang ze peloa’ntûm ge a dage wang gai lau. 3Mî je du ning dage nguahang mak ra lei, zai pebâm’nsangne ge kedeiloa ge mî je de ngau mak ra lei; peize melidung mei nune kebuidung mei ze chipau deiloa suage deteu mak ra lei,” ze rang gai de lei. 4Chidadege keraîbe luîrun ze tingchudepei kena gia gai kadai de lei; zai Tingwang ne pechu ranggaibe luigum ze hechuasûn pa chu lu ze Sinai Loa ’mbe hang di de lei, zai tingchudepei kena pe ba ge tei lu ze bam de lei. 5Zai kemâu gene Tingwang wangkeu ze chige pe dage nguasap bam de lei, zai Tingwang ji ze rangba gai de lei. 6Tingwang ne pe suage tatpelapat ze, zai rangba gai ze, “Tingwang, Tingwang â kelunbe benai ngauka’nggiabe ne puibe Rapeu heraitie, zai hungka’ntipbe benai lungsangtewbe Rapeu, 7changsenângme hangge hungkantipbe, hemui-helut benai hedieka’ngkabe zai hemui lun ze, kane tâ-kesiabe tewme je â lun meluisui ze, penui peume gu hemui-helut ziegene penui name peireige zai penui name peireige, rehei kechum riâ zai rehei medai riâ chang ze ’ngkiâmie ze bambe Rapeu lei,” kacheu de lei. 8Chidadege Mosabe kelua ze kedei ’mbe pe peî kei’ngkumkeu lu kakellum de lei. 9Zai pa ne sa ze, “Chunage a peireige nang ne ning suiyi zai â a Wang gau, ning dage I kie lei, aime ze hekuâpheumeube zat chang ze bam leusede, peize a Wang ne anui ruage nguatat lau; zai anui gu hemui-helut ramme benai anui mâu ramme lun gai lau, zai ning gume hangge anui je lu gai lau,” kacheu de lei.
Samhatkaibe Tewrechigaikadaibe
(Eks 23.14-19; Deu 7.1-5; 16.1-17)
10Zai Tingwang ne rang ze, “Pie le lau, I ne samhat lei. Kedeirei leine ge zai heramzat leine ge mâdau tewgaimakbe, ning gu ziemmena leine suage ningdaulakbe tâ ramme tew gai gu lei; zai nang ngualung ze bamme ziemmename leine ne Tingwang tatew ngau gu lei; ning hangge I ne tewgairabe ze â mi kehingbe kau daseu. 11Nemai ge ningchu I samdiegaibe ze rei’mmi lau. Pie le lau, I ne ning suage Amorme, Kanaanme, Hethme, Perizme, Hibme, zai Jebusme je kumtua gai gu lei. 12’Ntîng le lau, nang tatkairabe gu heramdeiname dage nang samria tew gai mak ra chize ne ning dage ’mpia chang mak ra hangge zeu. 13Penui gu herâtewbe-kaira ramme nang tewpâng ra lei, zai penui gu tingchusum ramme tewbet ra lei, zai penui gu herapui luî tewbe ramme bikau ra lei 14(hera kêdabe je nang â kellummakrabe kau daseu, pe ji pelunggailakbe kacheupeu Tingwang â pelunggailakbe Rapeu daseu), 15chidezai heram ge lungme pedeiname dage nang samria tew gai mak ra zai penui râ ramme je penui kellum ze, zai penui râ ramme dage herâtew gai dezai, zai mige ne ningnui je ’nnâ gai dezai pe gu herâtewbe nang teu mak ra hangge, 16zai ning na rehangme hangge penui ne heleume je lu ze, zai penui na ’mpuimi ramme ne penui râ ramme je kellum ze penui ne ning na ’mpeumi ramme je penui râ ramme je kellum ra tewgaimakrabe hangge zeu.
17“Ning hangge hera luî ramme hang nang heki mak ra lei.
18“’Nduihî kaimakbe tingku-ngi ze nang reibam ra lei. Abib kêu ge panehîtit ge I ne samdiegaibe luigum ze ’nduihî kaimakbe tingku ze hezie senane nang teu ra lei; Abib kêu ge Ijipram gene nang zuapat daseu. 19’Mpuimi hena lungkeuraibe leine, ning gu kaurui besei leine, getum benai meli ’nnakeuraibe ramme leine ze a gu lei. 20Hekunmerângne meraibe ze meli’nseipoine ne nang ’nri ra lei, nune nang ne ’nri mak ra zai â pe guang nang tewbet ra lei. Ning name ’mpeumi meraibe leine nang ’nri ra lei. Zai mî de pe barua ze a suage liâ mak ra lei.
21“Hezie serukne nang tâtew ra lei, kane pasenabe mai ge nang sau’ntak ra lei; helupube ting ge benai gatbe ting ge du nang sau bam ra lei. 22Zai ’ntakkak ramme gu hengi (tenit ramme hengi), dekuîmeu getwangbe rachî keraîbe hengi, zai patingkum kamgaibe ge gekumwanggaibe-ngi ze nang reibam ra lei. 23Ning dage ’mpeumi leine kum kat ge luachum, Israelme Rapeu, Tingwang Hera suage liâ ra lei. 24Ning suage heramzat ramme je I ne tuâpat kai gu, zai ning gu heramrai ramme tew’ndi gai gu lei; kum kat ge luachum Tingwang suage liâ ra nang hangdibe luage mî de ning ram sut ra ’nning ra mak lei.
25“’Nduihî kebut kai lu ze a gu herâtewbe hejai ze nang peipat mak ra lei; tat’ntuahengi gu herâtewbe peipatkaibe ze du hechua riâ chang ze ’nsakpat mak ra lei. 26Ning gu kedei gu mâ-hêrachi raîlangbe rachî ramme ze ning Rapeu Tingwang ki ge nang teiwang ra lei. Kemeipoine je bepui tungdui gene nang langteu mak ra lei,” kacheu de lei.
27Zai Tingwang ne Mosabe je rang gai ze, “Aipau sam ramme raw gai lau; aipau sam ramme luigum ze ning dage benai Israelme dage I ne samhat kai de lei,” kacheu de lei. 28Zai pa â Tingwang dage chige bapat hedai muîkeu hedai bam di de lei; pa â tingku du teu mak, zai hedui du sak mak ze bam de lei. Zai tingchudepei kena ge pa ne samhatkaibe sam ramme, hingde kereu ze raw gai de lei.
Sinai Loa gene Mosabe Wangkeube
29Sinai Loa gene Mosabe wangkeu ze, samhatkaibe gu tingchudepei kena pe ba gene tei lu ze kedeiloa gene wangkeube luage, Hera je ’mpau gai lu wangbe ziegene pe ju ze sireba bam lei be Mosabe â chî mak te lei. 30Zai Aaronbe benai ziemmena ’nteumena ne Mosabe je ngau lu dege, pie le lau, pe ju ze sireba bam de lei, zai penui â pe tailam wang’nna hing ze bam de lei. 31Kane Mosabe ne penui je ku de lei; zai Aaronbe benai baudime ruage besuitewme leine pe dage helatwang kadai de lei, zai Mosabe ne penui je ’mpau ze bam de lei. 32Zai chipau chângge, Israelme leine wang’nna di de lei, zai Sinai Loa ge Tingwang ne pechu ranggaibe leine hingde pa ne penui je pei gai bei de lei. 33Zai penui je Mosabe ’mpau kam gai lu dege, lîmnambe paî ne pe ju tapsung de lei; 34kane Tingwang je ’mpau ra Mosabe Tingwang suage tatgut tânege â pa zuapat dai mak tâne lîmnambe paî ze lutua de lei, zai pa zuapat ze pe chu ’ndaikau rang gai mei be Israelme suage saliagaibe luage, 35Mosabe ju sireba bambe Israelme ngau de lei; zai Tingwang je ’mpau ra pa gut dai de mak tâne Mosabe â pe ju ge lîmnambe paî tap kai lu bam ka’nsui de lei.
Currently Selected:
EKSODAS 34: ZEMEBSI
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.
EKSODAS 34
34
Pakenabe Tingchudepei
(Deu 10.1-5)
1Tingwang ne Mosabe je, “Keraîbe luigum ze tingchudepei kena gia le lau; dezai nang ne tewpâng’ndibe keraîbe tingchudepei ramme ge sam ramme bambe ze I ne tingchudepei ge raw gai gu lei. 2Hechua dezai kedâ le lau, zai Sinai Loa ’mbe hechua dezai hang ze peloa’ntûm ge a dage wang gai lau. 3Mî je du ning dage nguahang mak ra lei, zai pebâm’nsangne ge kedeiloa ge mî je de ngau mak ra lei; peize melidung mei nune kebuidung mei ze chipau deiloa suage deteu mak ra lei,” ze rang gai de lei. 4Chidadege keraîbe luîrun ze tingchudepei kena gia gai kadai de lei; zai Tingwang ne pechu ranggaibe luigum ze hechuasûn pa chu lu ze Sinai Loa ’mbe hang di de lei, zai tingchudepei kena pe ba ge tei lu ze bam de lei. 5Zai kemâu gene Tingwang wangkeu ze chige pe dage nguasap bam de lei, zai Tingwang ji ze rangba gai de lei. 6Tingwang ne pe suage tatpelapat ze, zai rangba gai ze, “Tingwang, Tingwang â kelunbe benai ngauka’nggiabe ne puibe Rapeu heraitie, zai hungka’ntipbe benai lungsangtewbe Rapeu, 7changsenângme hangge hungkantipbe, hemui-helut benai hedieka’ngkabe zai hemui lun ze, kane tâ-kesiabe tewme je â lun meluisui ze, penui peume gu hemui-helut ziegene penui name peireige zai penui name peireige, rehei kechum riâ zai rehei medai riâ chang ze ’ngkiâmie ze bambe Rapeu lei,” kacheu de lei. 8Chidadege Mosabe kelua ze kedei ’mbe pe peî kei’ngkumkeu lu kakellum de lei. 9Zai pa ne sa ze, “Chunage a peireige nang ne ning suiyi zai â a Wang gau, ning dage I kie lei, aime ze hekuâpheumeube zat chang ze bam leusede, peize a Wang ne anui ruage nguatat lau; zai anui gu hemui-helut ramme benai anui mâu ramme lun gai lau, zai ning gume hangge anui je lu gai lau,” kacheu de lei.
Samhatkaibe Tewrechigaikadaibe
(Eks 23.14-19; Deu 7.1-5; 16.1-17)
10Zai Tingwang ne rang ze, “Pie le lau, I ne samhat lei. Kedeirei leine ge zai heramzat leine ge mâdau tewgaimakbe, ning gu ziemmena leine suage ningdaulakbe tâ ramme tew gai gu lei; zai nang ngualung ze bamme ziemmename leine ne Tingwang tatew ngau gu lei; ning hangge I ne tewgairabe ze â mi kehingbe kau daseu. 11Nemai ge ningchu I samdiegaibe ze rei’mmi lau. Pie le lau, I ne ning suage Amorme, Kanaanme, Hethme, Perizme, Hibme, zai Jebusme je kumtua gai gu lei. 12’Ntîng le lau, nang tatkairabe gu heramdeiname dage nang samria tew gai mak ra chize ne ning dage ’mpia chang mak ra hangge zeu. 13Penui gu herâtewbe-kaira ramme nang tewpâng ra lei, zai penui gu tingchusum ramme tewbet ra lei, zai penui gu herapui luî tewbe ramme bikau ra lei 14(hera kêdabe je nang â kellummakrabe kau daseu, pe ji pelunggailakbe kacheupeu Tingwang â pelunggailakbe Rapeu daseu), 15chidezai heram ge lungme pedeiname dage nang samria tew gai mak ra zai penui râ ramme je penui kellum ze, zai penui râ ramme dage herâtew gai dezai, zai mige ne ningnui je ’nnâ gai dezai pe gu herâtewbe nang teu mak ra hangge, 16zai ning na rehangme hangge penui ne heleume je lu ze, zai penui na ’mpuimi ramme ne penui râ ramme je kellum ze penui ne ning na ’mpeumi ramme je penui râ ramme je kellum ra tewgaimakrabe hangge zeu.
17“Ning hangge hera luî ramme hang nang heki mak ra lei.
18“’Nduihî kaimakbe tingku-ngi ze nang reibam ra lei. Abib kêu ge panehîtit ge I ne samdiegaibe luigum ze ’nduihî kaimakbe tingku ze hezie senane nang teu ra lei; Abib kêu ge Ijipram gene nang zuapat daseu. 19’Mpuimi hena lungkeuraibe leine, ning gu kaurui besei leine, getum benai meli ’nnakeuraibe ramme leine ze a gu lei. 20Hekunmerângne meraibe ze meli’nseipoine ne nang ’nri ra lei, nune nang ne ’nri mak ra zai â pe guang nang tewbet ra lei. Ning name ’mpeumi meraibe leine nang ’nri ra lei. Zai mî de pe barua ze a suage liâ mak ra lei.
21“Hezie serukne nang tâtew ra lei, kane pasenabe mai ge nang sau’ntak ra lei; helupube ting ge benai gatbe ting ge du nang sau bam ra lei. 22Zai ’ntakkak ramme gu hengi (tenit ramme hengi), dekuîmeu getwangbe rachî keraîbe hengi, zai patingkum kamgaibe ge gekumwanggaibe-ngi ze nang reibam ra lei. 23Ning dage ’mpeumi leine kum kat ge luachum, Israelme Rapeu, Tingwang Hera suage liâ ra lei. 24Ning suage heramzat ramme je I ne tuâpat kai gu, zai ning gu heramrai ramme tew’ndi gai gu lei; kum kat ge luachum Tingwang suage liâ ra nang hangdibe luage mî de ning ram sut ra ’nning ra mak lei.
25“’Nduihî kebut kai lu ze a gu herâtewbe hejai ze nang peipat mak ra lei; tat’ntuahengi gu herâtewbe peipatkaibe ze du hechua riâ chang ze ’nsakpat mak ra lei. 26Ning gu kedei gu mâ-hêrachi raîlangbe rachî ramme ze ning Rapeu Tingwang ki ge nang teiwang ra lei. Kemeipoine je bepui tungdui gene nang langteu mak ra lei,” kacheu de lei.
27Zai Tingwang ne Mosabe je rang gai ze, “Aipau sam ramme raw gai lau; aipau sam ramme luigum ze ning dage benai Israelme dage I ne samhat kai de lei,” kacheu de lei. 28Zai pa â Tingwang dage chige bapat hedai muîkeu hedai bam di de lei; pa â tingku du teu mak, zai hedui du sak mak ze bam de lei. Zai tingchudepei kena ge pa ne samhatkaibe sam ramme, hingde kereu ze raw gai de lei.
Sinai Loa gene Mosabe Wangkeube
29Sinai Loa gene Mosabe wangkeu ze, samhatkaibe gu tingchudepei kena pe ba gene tei lu ze kedeiloa gene wangkeube luage, Hera je ’mpau gai lu wangbe ziegene pe ju ze sireba bam lei be Mosabe â chî mak te lei. 30Zai Aaronbe benai ziemmena ’nteumena ne Mosabe je ngau lu dege, pie le lau, pe ju ze sireba bam de lei, zai penui â pe tailam wang’nna hing ze bam de lei. 31Kane Mosabe ne penui je ku de lei; zai Aaronbe benai baudime ruage besuitewme leine pe dage helatwang kadai de lei, zai Mosabe ne penui je ’mpau ze bam de lei. 32Zai chipau chângge, Israelme leine wang’nna di de lei, zai Sinai Loa ge Tingwang ne pechu ranggaibe leine hingde pa ne penui je pei gai bei de lei. 33Zai penui je Mosabe ’mpau kam gai lu dege, lîmnambe paî ne pe ju tapsung de lei; 34kane Tingwang je ’mpau ra Mosabe Tingwang suage tatgut tânege â pa zuapat dai mak tâne lîmnambe paî ze lutua de lei, zai pa zuapat ze pe chu ’ndaikau rang gai mei be Israelme suage saliagaibe luage, 35Mosabe ju sireba bambe Israelme ngau de lei; zai Tingwang je ’mpau ra pa gut dai de mak tâne Mosabe â pe ju ge lîmnambe paî tap kai lu bam ka’nsui de lei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zeme Naga CL Bible - KEMCI BIBLE
Copyright © 2013 by The Bible Society of India
Used by permission. All rights reserved worldwide.