KISIMNABU 26
26
Israel khangthate kisimna
1 #
Kisim. 1.1-46
Tualeh gawtna aven nuain hichi ahing hi a, Mangpa’n Mosi leh siempu Aaron tapa Eleazar ahoupi a, 2“Israel mipi kikhawmte zousie kum sawmni apat atunglam teng, aphung aphung un, Israel gam a gal kuon thei ding zousie sim in,” achi hi. 3Tuachi’n Mosi leh siempu Eleazar in Moab phaijang a, Jordan gei a Jerikou kungah amaute ahoupi ua; 4“Mipite kum sawmni apat atunglam teng sim un,” Mangpa’n Mosi leh Izipt gam a kipata hing pawtdoh Israel tate thu apieh bangin, achi uhi.
5Reuben Israel ta upa pen: Reuben tate Hanok phung kipatna Hanok mite, Pallu akipat Pallu mite inn kuon. 6Hezron akipat Hezron mite innkuon, Karmi apat Karmi mite innkuon, 7Tamte khu Reuben mite innkuonte ahi uhi, akisim zousie tul sawmli leh tul thum leh za sagi leh sawmthum ahi uhi. 8Pallu tapa Eliab ahi. 9Tualeh Eliab tate, Nemuel,#Nemuel: Jemuel zong aki chi hi (Siem. 46.10 leh Pawt. 6.15) Dathan leh Abiramte ahi uhi, tamte khu Mangpa aphin lai ua Korah toh kithuo a, Mosi leh Aaron kal a mipi kikhawmte lah a tel ahi uhi. 10Tualeh tua mi pawlte ashi lai un, lei in akam akah lai in Korahte toh avaltum khawm a, mei in zani leh sawm nga akahtum laiin: Tuachi’n chiemtena ahing hita uhi. 11Hinanleh Korah tate ashi sih uhi.
12A innkuon dungzui ua, Simeon tapate. Nemuel tapate: Nemuel apat Nemuel mite: Jamin#Jarib (1 Khang. 4.24) apat Jemin mite: Jakin#Jakin: Jakin chi a lamding. apat Jakinmite. 13Jerah apat Jerahmite, Shaul apat Shaulmite, 14Tamte khu Simeon innkuon hahlesuonte ahi ua, tul sawmni leh tul ni leh zani ahi uhi.
15A innkuon dungzui ua Gad tapate: Zephon apat Jephonmite, Haggi apat Haggimite, Shuni apat Shunimite; 16Ozni#Ozni khu Ezbou zong aki chi hi (Siem. 46.16) apat Oznimite, Eri apat Erimite. 17Arod apat Arodmite, Areli apat Arelimite; 18Tamte khu Gad tate hahlesuonte ahi uhi. Akisim na uh dungzuiin, tul sawmli leh zanga ahi uhi. 19Juda tapate khu Er leh Onan ahi ua, Er leh Onan khu Kanaan gamah ashita uhi. 20Tualeh a innkuon bang dungzui ua Juda tapate khu Shelah apat Shelahmite innkuon, Perez apat Perezmite innkuon, Zerah apat Zerahmite innkuon; 21Tualeh Pharez tapate khu Hezron apat Hezronmite innkuon, Hamul apat Hamulmite innkuon ahi uh. 22Tamte Juda innkuonte ahi uhi, akisimna uh dungzuiin tul sawm sagi leh tul guh leh za nga ahi uhi.
23A innkuon bang dungzui ua, Issakar tapate khu Tola apat Tolamite, innkuon, Pua apat Puamite innkuon. 24Jashub apat Jashubmite, innkuon, Shimron apat Shimronmite innkuon. 25Tamte khu Issakar innkuonte akisimna uh dungzuiin tul sawmguh leh tul li leh zathum ahi uhi.
26A innkuon bang dungzui ua Zebulun tapate khu Sered apat Seredmite innkuon, Elon apat Elonmite innkuon, Zahlel apat Zahlelmite innkuon; 27Tamte khu Zebulun innkuonte akisimna uh dungzuiin tul sawmguh leh za nga ahi uhi. 28A innkuon bang dungzui ua Joseph tapate khu Manasseh leh Ephraim ahi uhi.
29Manasseh tapate ahileh Makir apat Makirmite innkuon tualeh Makir in Gilead ahinga, Gilead apat Gileadmite innkuon ahi uhi. 30Tamte khu Gilead tapate ahi uhi, Jeezer apat Jeezermite innkuon, Helek apat Helekmite innkuon. 31Tualeh Asriel apat Asrielmite innkuon, Shekem apat Shekemmite innkuon; 32Tualeh Shemida apat Shemidamite innkuon, Hepher apat Hephermite innkuon; 33Tualeh Hepher tapa Zelophehad in tapa anei sih a, Hinanleh tanute anei hi. Tualeh Zelophehad tanute min khu Mahlah, Noah, Hoglah, Milkah tualeh Tirzah ahi uhi. 34Tamte khu Manasseh innkuonte ahi ua, akisim dan dungzuiin, tul sawmnga leh tul ni leh za sagi ahi uhi.
35Tamte khu a innkuon bang dungzui ua, Ephraim tapate ahi uhi, Shuthelah apat Shuthelahmite innkuon, Becher apat Bechermite innkuon, Tahan apat Tahanmite innkuon. 36Tualeh tamte khu Shuthelah tapate ahi uhi; Eran apat Eranmite innkuon; 37Tamte khu Ephraim tapate innkuon ahi ua, akisimna uh dungzuiin tul sawm thum leh tul ni leh za nga ahi uhi. Tamte khu a innkuon dungzui a, Joseph tapate ahi uhi.
38A innkuon uh dung zui a, Benjamin tapate, Bela apat Belamite, innkuon, Ashbel apat Ashbel mite innkuon Ahiram apat Ahirammite innkuon. 39Shupham apat Shuphammite innkuon, Hupham apat Huphammite innkuon. 40Tualeh Bela tapate khu Ard leh Naaman ahi uhi. Ard apat Ardmite innkuon, Naaman apat Naamanmite innkuon. 41Tamte a innkuon bang dungzui ua Benjamin tapate ahi uhi. Tualeh amaute kisimna dungzuiin tul sawmli leh tul nga leh za guh ahi uhi. 42Tamte khu a innkuon uh dungzuiin Dan tapate ahi uhi. Shuham#Shuham: Siem. 46.2 ah Hushim aki chi hi. 1 Khang. 7.13 apat Shuhammite innkuon; Tamte khu a innkuon uh dungzuiin Dan innkuonte ahi uhi. 43Shuhammite innkuonte zousie akisimna dungzuiin tul sawm guh leh tul li leh zali ahi uhi.
44Asher tapate a innkuon uh dungzui in Jimna apat Jimnamite innkuon, Jesui apat Jesuimite innkuon, Beriah apat Beriahmite innkuon; 45Beriah tapate ahileh Heber apat Hebermite innkuon, Malkiel apat Malkielmite innkuon; 46Tualeh Asher tanu min khu Sarah ahi. 47Tamte khu a innkuon bang dungzui ua, Asher tapate ahi uhi, akisimna dungzui un, tul sawm nga leh tul thum leh zali ahi uhi.
48Naphtali tapate a innkuon uh dungzuiin, Jahzeel apat Jahzeelmite innkuon Guni apat Gunimite innkuon. 49Jezer apat Jezermite innkuon: Shillem apat Shillemmite innkuon; 50Tamte khu a innkuon uh dungzuiin, Naphtali innkuonte ahi uhi; akisimna dungzui un tul sawmli leh tul nga leh za sagi leh sawmli ahi uhi. 51Tamte khu Israel tate kisim teng ahi ua, tul za guh leh tul khat leh zasagi leh sawmthum ahi uhi.
Gam kihawm dan
52 #
Kisim. 34.13; Josh. 14.1,2 Tualeh Mangpa’n Mosi ahoupi a, akungah, 53“Tamte kungah gam khu agoutan ding ua amin phaza dungzui ua hawmpieh ahi ding hi. 54A phung tamte kungah goutan lien na pe dinga, a phung tawmte kungah goutan neudeu nape ding hi, mi chin kungah akisim bang dungzuiin atan ding chiet uh na pe ding hi. 55Hinanleh gam khu aisan a hawm ding ahi. Apute uh phung min dungzuiin gam khu atang ding uhi. 56Aisan dungzuiin gam tan khu atam leh atawmte kunga hawm ahi ding hi.”
57Tamte khu a innkuon uh dungzui a, Levimi kisimte ahi uhi. Gershon apat Gershonmite innkuon, Kohath apat Kohathmite innkuon, Merari apat Merarimite innkuon. 58Tamte khu Levimite innkuon ahi uhi. Libnimite innkuon, Hebron mite innkuon, Mahlimite innkuon, Mushimite innkuon, Korathmite innkuon. Tualeh Kohath in Amram ahing hi. 59Tualeh Amram zi min khu Jokebed Levi tanu ahia, Izipt gam a Levi lah a pieng ahia, Amanu’n Amram dingin Aaron, Mosi leh asanggamnu Miriam ahin pieh hi. 60#Kisim. 3.2Tualeh Aaron in Nadab, Abihu, Eleazar leh Ithamar ahing hi. 61#Siempu. 10.1,2; Kisim. 3.4Nadab leh Abihu in Mangpa masanga mei sienglou a lat lai un ashita uhi. 62Tuachi’n ama ulah a akisim zousie pasal ha khat apat atung lam teng tul sawmni leh tul thum ahi uhi. Israel mite leh gam kihawm tanglou ding ahi zieh un, Israel tate lah a simtel ahi sih uhi.
63Tamte khu Jerikou kunga Jordan gei a, Moab phaijanga Israel tate simpa Mosi leh siempu Eleazar in asimte ahi uhi. 64Hinanleh Sinai gamdai a, Israel tate Mosi leh siempu Aaron in asimte lah ua khat zong a um, a um non sih uhi. 65#Kisim. 14.26-35Aziehpen “Mangpa’n gamdai ah ashigam ngei ngei ding uh ahi ana chi sa ahi ta hi,” Jephune tapa Kaleb leh Nun tapa Joshua chilou koima adam a um non sih uhi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.