NAHUM 2
2
Kidou ding a hatna
1Satzahpa na masang ah ahing peitou hi:
Kulpite ah vengmi koi inlen,
lampi veng hoiin,
Na kawngte uh hatsah unlen,
Na tha uh khausah un.
2Aziehpen Israel vangletna bangin,
Jakob vangletna,
Mangpa’n apekia ding hi.
A su awng miten amauh asu awng zouta ua,
a grep bate uh asuseta uhi.
Nineveh khopi suhsietna
3A mihatte lumte khu san sah ahi a,
a mihangsanten puonsandup asil uhi,
Akisahkhol ni un asakollengte uh,
meisel kuong sengsong bang in avah a,
ateipite uh ate setsot hi.
4Kidouna sakollengte kholai dung a,
lam liente ah khat leh khat akiphutuo butbut uhi;
Meisel kuong abang ua,
tunphe bangin atai uhi.
5Aman amiliente atheidoh a,
alam peina uah akipalpua ua,
kulbang lam zuon in akin pei ua,
kidalna pan mun abawlkhol uhi.
6Luipi kotpite akihongta a,
leeng innpi suhbei ahita hi.
7Tami thupieh ahi:
Huzzab#Huzzab: mundang ah Nineveh leengnu, chiin zong akilet hi. sal a puimang ahi dinga,
akivahkhang lien ding a;
tualeh asuoh numeite un,
a awm uh tum in,
khuvanu bangin kap ngetngut kawm in,
ama apui ding uhi.
8Nidanglai apat Nineveh khu tuikul bang ahi a,
Tuin ataimangta uhi,
“Khawl in, khawl in” chi’n akikou ua,
hinanleh koima akinuahei aum sih hi.
9Dangkate galsumte lahpieh unlen,
galsum lah in sanate lahpieh un,
Sil hoi kikholkhawm leh athupina in,
tawpni anei sih ding hi.
10Ama#Ama: Nineveh khopi china. khu ahawmguoh,
bangmalou leh kisegawp ahita!
Lungtangte azunmanga,
khupte akithing hi;
tahsa tung chinteng ana siengta a,
Amaite zousie uh amuol siengta hi.
11Koima suhzau lou a aumna uh,
humpibahnei talte,
humpibahnei pite leh,
humpibahnei noute avah kawina u’leh,
humpibahnei tenna mun leh,
humpibahnei noute ann nehna hei tah atai?
12Humpibahnei tal in anoute khamkhop ding abotnen a,
humpibahnei pite a dingin akeilia pieh hi,
abuh sungte asamat in adim sah a,
akohawmte asamatte luongin adim hi.
13Ngai vawi, ka hing dou ahi,
galkapte Mangpa’n achi hi.
Na sakollengte uh mei in ka hal khu liai luoi ding a,
na humpibahnei hatlaite uh namsau in athatgam dinga;
tualeh leitung akipat in na samatte ka sutawp ding a,
tualeh na thangkoute aw,
akiza nawn mawngmawng sih ding hi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.