NASEPTE 4
4
Peter leh Johan vaihawmte masanga adinna uh
1Peter leh Johan in mite kunga thu agen lai un, siempute leh biehinn veng galkap lamkaipa leh Saddukaite akung uah ahing pei ua, 2Sawltahten Jesu zala mishi laha kipat a thawkiana thu mite ahil ziehun, alungkimta sih uhi. 3Tualeh aman ua, nitahlam ahi ziehin, azingni tandongin suongkul ah akhumta uhi. 4Hinanleh, thu ngaikhete lah a mi tampi in atahsang ua, atam lam uh pasal ngen tulnga vel apha uhi.
Juda vaihawmte mai a Peter thugen
(Late. 118.22)
5Tualeh azingniin a vaihawmte u’leh upate leh laigiel mite, 6Tualeh siempu lien Annas, Kaiapha, Johan leh Alexander leh siempu lienpa innkuonte zousie, Jerusalem ah akikhawm uhi. 7Tualeh amaun Peter leh Johan alai uah ading sah ua, “Bang thuneina leh bang min a tambang na bawl uh ahiei?” chi’n adong uhi. 8Tuachi’n Peter khu Hagau Siengthouin adim a, “Nou vaihawm mite leh Israel upate aw, 9Kouten tunia mi hatlou khat tunga silhoi ka bawlna u’leh amapa bangchidan a hing damdoh ahiei chi na hing doh uleh; 10Noute, zousie leh Israel mite zousiein zong thei un, Nazareth Jesu Khrist kross a na killuppa uh, Pasian in mishi lah akipat akaithou kia a Ama min ngelngel in tam mipa na bawn ua masangah dam in adingta hi.
11 #
Late. 118.22
Nou innlam miten na suong deilou uh,
aninga suong poimawpen kichi khu Ama ahi.
12Midang koima kungah hundamna a um sih, van nuoia mihingte kunga kipie min lah ah, ei hing hundam ding min dang mawngmawng a um sih hi,” achi hi.
Sanhedrinten thugen lou dingin thu apie uh
13Amaun Peter leh Johan hansan dan amu tah un, laisiemlou leh mi mawltah ahi uh chi athei ua, lamdang asa mama ua, Jesu kungah ana umta uh chi atheita uhi. 14Tualeh ami suhdampa uh amautegel kunga ding amu un, bangmain asoisel thei tuon sih uhi. 15Hinanleh vaihawmpawl toukhawmte apata apei tuomsah nua un, thu akikum uhi. 16“Tam mite bang ilawta ding uoi? Sil lamdang minthang abawl uh Jerusalem khuo a um zousie in kichientah in atheita ua, eiten zong iniel thei tuom sih uhi. 17Hinanleh tam thu mite kunga akithan belap nawn louna dingin, tukalsie tam mipa mina, koima kunga thu gen nawnlou dingin, khautah in vau vai,” akichi uhi.
18Tuachi’n amautegel ahan ua, Jesu min a thu gen kia nawn lou ding leh hilkia nawn lou ding in thu apeta uhi. 19Hinanleh Peter leh Johan in akung uah, Pasian mitmuin, “Pasian thu man sangin noute thu man adih zaw diei mah? nouten ngaisut un. 20Kouten ka sil mute u’leh ka zahte uh, gen louin ka um thei sih uhi,” achi uhi. 21Tuachi’n amaun amautegel khau zawsem a vau toh ha athuo uhi, mipite ziehin gawtna lemtang amu sih uhi; asil bawl zieh un mi zousie in Pasian apahtawita uhi. 22Aziehpen lamdangtah a suhdam a umpa khu kum sawmli sanga upa zaw ahita hi.
Sawltahten hansanna angen uh
23Tualeh Peter leh Johan kihakhiet tah un, aguolte uh kungah apei ua, siempu liente leh upaten agen zousie uh ahilta uhi. 24#Pawt. 20.11; Neh. 9.6; Late. 146.6Tuachi’n amauten tua thu azah tah un, lungsim munkhat puoin aw ngai tah in Pasian kungah, “Mangpa Nang van leh lei tualeh tuipi leh asunga um zousie siempa Pasian na hi; 25#Late. 2.1,2Nang na suohpa David kam in Hagau Siengthou in thu na gen a.
Bangchidan a namte lungthah a,
bangdinga mipiten,
sil phatuomlou angaituo uh ahiei?
26Leitung kumpipate pangkhawmin ading ua,
Mangpa leh Khrist#Khrist-Sathaunusa, china ahi. dou in,
vaihawm mite akikhawm uhi;
achi hi.
27 #
Luk. 23.7-11; Mat. 27.1,2; Mak. 15.1; Luk. 23.1; Jn. 18.28,29 Adihtah in, na Suohpa Siengthou, na thaunu Jesu dou in, tami khopi sungah Herod leh Pontius Pilat leh Jentelte leh Israel mite akikhawm uhi. 28Nangma deina leh na khutin bawl dinga atup leh na guotlawhsa pouma bawl dingin. 29Tuin Mangpa aw, koute ahing vaunate en inlen, na suohten hangsantaha na thu agen theina ding uh pie in. 30Na suoh Siengthou Jesu min zal a chinate damsah ding leh chiemtenate leh sil lamdangte, abawl theina dingun na khut hing zah nalai in,” achi uhi. 31Tualeh athum zou un, a umkhawmna mun uh ahing kilinga, tualeh abawn un Hagau Siengthouin ahing dim siengta ua, Pasian thu hangsan tahin agenta uhi.
Jerusalem khuo a hattuomte
32 #
Nasep. 2.44,45 Tuin agingta mipite#agingta mite Khristiante, Pasian thu awite, china ahi. khu, lungsim munkhat leh ngaituona munkhat in a um ua, alah ua khat in zong a sil neite khu kei a tuom ahi achi sih a, sil zousie akitaang zel zaw uhi. 33Tualeh sawltahten silbawltheina thupitah toh, Mangpa Jesu thawkiana theipina thu agen gen ua a, a unpi ua tungah khotuona thupitah a um hi. 34Alah uah koima tasam a um sih ua, gamte, ahisihleh innte, anei tapouin azua ua, akhotna sumte uh ahing tawi ua, 35Sawltahte keng bulah ahing koi zel uhi, tualeh mi khat poupou in tahsap anei chiengin akihawm chiet zel uhi. 36Tualeh Joses sawltahten Barnaba achi uh (amin khiehna ahileh kihantawhna tapa china ahi) Levimi Saipras tuikuolkhum gam mi ahi a, 37Agam nei khu azua a, asum ahing tawi a, sawltahte keng bul ah akoita hi.
Currently Selected:
NASEPTE 4: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
NASEPTE 4
4
Peter leh Johan vaihawmte masanga adinna uh
1Peter leh Johan in mite kunga thu agen lai un, siempute leh biehinn veng galkap lamkaipa leh Saddukaite akung uah ahing pei ua, 2Sawltahten Jesu zala mishi laha kipat a thawkiana thu mite ahil ziehun, alungkimta sih uhi. 3Tualeh aman ua, nitahlam ahi ziehin, azingni tandongin suongkul ah akhumta uhi. 4Hinanleh, thu ngaikhete lah a mi tampi in atahsang ua, atam lam uh pasal ngen tulnga vel apha uhi.
Juda vaihawmte mai a Peter thugen
(Late. 118.22)
5Tualeh azingniin a vaihawmte u’leh upate leh laigiel mite, 6Tualeh siempu lien Annas, Kaiapha, Johan leh Alexander leh siempu lienpa innkuonte zousie, Jerusalem ah akikhawm uhi. 7Tualeh amaun Peter leh Johan alai uah ading sah ua, “Bang thuneina leh bang min a tambang na bawl uh ahiei?” chi’n adong uhi. 8Tuachi’n Peter khu Hagau Siengthouin adim a, “Nou vaihawm mite leh Israel upate aw, 9Kouten tunia mi hatlou khat tunga silhoi ka bawlna u’leh amapa bangchidan a hing damdoh ahiei chi na hing doh uleh; 10Noute, zousie leh Israel mite zousiein zong thei un, Nazareth Jesu Khrist kross a na killuppa uh, Pasian in mishi lah akipat akaithou kia a Ama min ngelngel in tam mipa na bawn ua masangah dam in adingta hi.
11 #
Late. 118.22
Nou innlam miten na suong deilou uh,
aninga suong poimawpen kichi khu Ama ahi.
12Midang koima kungah hundamna a um sih, van nuoia mihingte kunga kipie min lah ah, ei hing hundam ding min dang mawngmawng a um sih hi,” achi hi.
Sanhedrinten thugen lou dingin thu apie uh
13Amaun Peter leh Johan hansan dan amu tah un, laisiemlou leh mi mawltah ahi uh chi athei ua, lamdang asa mama ua, Jesu kungah ana umta uh chi atheita uhi. 14Tualeh ami suhdampa uh amautegel kunga ding amu un, bangmain asoisel thei tuon sih uhi. 15Hinanleh vaihawmpawl toukhawmte apata apei tuomsah nua un, thu akikum uhi. 16“Tam mite bang ilawta ding uoi? Sil lamdang minthang abawl uh Jerusalem khuo a um zousie in kichientah in atheita ua, eiten zong iniel thei tuom sih uhi. 17Hinanleh tam thu mite kunga akithan belap nawn louna dingin, tukalsie tam mipa mina, koima kunga thu gen nawnlou dingin, khautah in vau vai,” akichi uhi.
18Tuachi’n amautegel ahan ua, Jesu min a thu gen kia nawn lou ding leh hilkia nawn lou ding in thu apeta uhi. 19Hinanleh Peter leh Johan in akung uah, Pasian mitmuin, “Pasian thu man sangin noute thu man adih zaw diei mah? nouten ngaisut un. 20Kouten ka sil mute u’leh ka zahte uh, gen louin ka um thei sih uhi,” achi uhi. 21Tuachi’n amaun amautegel khau zawsem a vau toh ha athuo uhi, mipite ziehin gawtna lemtang amu sih uhi; asil bawl zieh un mi zousie in Pasian apahtawita uhi. 22Aziehpen lamdangtah a suhdam a umpa khu kum sawmli sanga upa zaw ahita hi.
Sawltahten hansanna angen uh
23Tualeh Peter leh Johan kihakhiet tah un, aguolte uh kungah apei ua, siempu liente leh upaten agen zousie uh ahilta uhi. 24#Pawt. 20.11; Neh. 9.6; Late. 146.6Tuachi’n amauten tua thu azah tah un, lungsim munkhat puoin aw ngai tah in Pasian kungah, “Mangpa Nang van leh lei tualeh tuipi leh asunga um zousie siempa Pasian na hi; 25#Late. 2.1,2Nang na suohpa David kam in Hagau Siengthou in thu na gen a.
Bangchidan a namte lungthah a,
bangdinga mipiten,
sil phatuomlou angaituo uh ahiei?
26Leitung kumpipate pangkhawmin ading ua,
Mangpa leh Khrist#Khrist-Sathaunusa, china ahi. dou in,
vaihawm mite akikhawm uhi;
achi hi.
27 #
Luk. 23.7-11; Mat. 27.1,2; Mak. 15.1; Luk. 23.1; Jn. 18.28,29 Adihtah in, na Suohpa Siengthou, na thaunu Jesu dou in, tami khopi sungah Herod leh Pontius Pilat leh Jentelte leh Israel mite akikhawm uhi. 28Nangma deina leh na khutin bawl dinga atup leh na guotlawhsa pouma bawl dingin. 29Tuin Mangpa aw, koute ahing vaunate en inlen, na suohten hangsantaha na thu agen theina ding uh pie in. 30Na suoh Siengthou Jesu min zal a chinate damsah ding leh chiemtenate leh sil lamdangte, abawl theina dingun na khut hing zah nalai in,” achi uhi. 31Tualeh athum zou un, a umkhawmna mun uh ahing kilinga, tualeh abawn un Hagau Siengthouin ahing dim siengta ua, Pasian thu hangsan tahin agenta uhi.
Jerusalem khuo a hattuomte
32 #
Nasep. 2.44,45 Tuin agingta mipite#agingta mite Khristiante, Pasian thu awite, china ahi. khu, lungsim munkhat leh ngaituona munkhat in a um ua, alah ua khat in zong a sil neite khu kei a tuom ahi achi sih a, sil zousie akitaang zel zaw uhi. 33Tualeh sawltahten silbawltheina thupitah toh, Mangpa Jesu thawkiana theipina thu agen gen ua a, a unpi ua tungah khotuona thupitah a um hi. 34Alah uah koima tasam a um sih ua, gamte, ahisihleh innte, anei tapouin azua ua, akhotna sumte uh ahing tawi ua, 35Sawltahte keng bulah ahing koi zel uhi, tualeh mi khat poupou in tahsap anei chiengin akihawm chiet zel uhi. 36Tualeh Joses sawltahten Barnaba achi uh (amin khiehna ahileh kihantawhna tapa china ahi) Levimi Saipras tuikuolkhum gam mi ahi a, 37Agam nei khu azua a, asum ahing tawi a, sawltahte keng bul ah akoita hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.