TITA 3
3
Khristan Yakliyakko
1Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü, 2she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang. 3Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih; 4tüshe küyimki isa khümkhitrü Thrünpuh tsükhi tüsho amuzho amikheak akhiukkhea, 5isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit, 6küpü apinü isa khümkhitrü Jisu Khrista hode isa kheak me suhdahde dungkihjih, 7junangde api amüthsüm hode isa alim kamshihpü tüsho lün rhangdung mulonglam ching yamrüplurüp lurü kampü lakheah. 8Ha thakhi dükdü ah.
Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah. 9Tüshe makhade atsangachihkhi, lünkhe-yukean thrütkhi, achamnakbo, tüsho yakzan dünkheak rukachihkhibo bahang, tümüde jurü alü müla tüsho akeangkeang. 10Achamnak akhiukshih mihtsürü ki mahne ki düh de thaang, tüshe jushu a api kheak tümü düthsü. 11Hadürü mihtsürü athsümünim ah de nünü mükheahang, tüsho api amülim ah de api neakbonü mütsanchoh.
Akheam Thsangdankhibo
12 #
Yunir 20.4; Efi 6.21,22; Kol 4.7,8; 2 Tim 4.12 Küyimki inü Artema yungsho Tykika nü kilim thiyibanü, Nikopolo ching nü I kilim arüpü mürangang, tümüde tsüngkam a I ju ching mungpü pungkhilah. 13#Yunir 18.24; 1 Kor 16.12Mahkhaprü Zena tüsho Apollo büne hantsahchoki nünü akukthürün rungang tüsho ane yihnüpü lakhi lüpdükhi kheahjang. 14Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah. 15I lung larü alalanü nü kilim salüm mühahchoh. Akin ching isa muzhorü ki salüm thaang.
Nüsa alala lung amüthsüm laang.
Currently Selected:
TITA 3: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
TITA 3
3
Khristan Yakliyakko
1Yakzanshuhrü tüsho thiyukhümsühmüh khüp lapü, mihyuanipü, thiyuro rhimo tümü thsüthsü she arhimopü thsakhama lapü, 2she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang. 3Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih; 4tüshe küyimki isa khümkhitrü Thrünpuh tsükhi tüsho amuzho amikheak akhiukkhea, 5isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit, 6küpü apinü isa khümkhitrü Jisu Khrista hode isa kheak me suhdahde dungkihjih, 7junangde api amüthsüm hode isa alim kamshihpü tüsho lün rhangdung mulonglam ching yamrüplurüp lurü kampü lakheah. 8Ha thakhi dükdü ah.
Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah. 9Tüshe makhade atsangachihkhi, lünkhe-yukean thrütkhi, achamnakbo, tüsho yakzan dünkheak rukachihkhibo bahang, tümüde jurü alü müla tüsho akeangkeang. 10Achamnak akhiukshih mihtsürü ki mahne ki düh de thaang, tüshe jushu a api kheak tümü düthsü. 11Hadürü mihtsürü athsümünim ah de nünü mükheahang, tüsho api amülim ah de api neakbonü mütsanchoh.
Akheam Thsangdankhibo
12 #
Yunir 20.4; Efi 6.21,22; Kol 4.7,8; 2 Tim 4.12 Küyimki inü Artema yungsho Tykika nü kilim thiyibanü, Nikopolo ching nü I kilim arüpü mürangang, tümüde tsüngkam a I ju ching mungpü pungkhilah. 13#Yunir 18.24; 1 Kor 16.12Mahkhaprü Zena tüsho Apollo büne hantsahchoki nünü akukthürün rungang tüsho ane yihnüpü lakhi lüpdükhi kheahjang. 14Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah. 15I lung larü alalanü nü kilim salüm mühahchoh. Akin ching isa muzhorü ki salüm thaang.
Nüsa alala lung amüthsüm laang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.