PHILEMON 1
1
1I Paul, Jisu Khrista dünkheaknü aramrü, tüsho isa keoniorü Timothi kilimnü,
Isa rukhüh rhimorü amuzho Philemon 2#Kol 4.17tüsho isa keoniorü Applia, isa müyamrü bonungrü Arkipa, tüsho nüsa yam ching lakhi borü kilim:
3Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü lashang.
Philemon Amuzho tüsho Akin
4Küyimki inü I tamkhüntamnü ching nü lümkhitbanü kamruhroro I Thrünpuh kilim makshe jihchoh, 5tümütüsho Atungpuh Jisu tüsho akinrü alala kilim nü amuzho tüsho akin lakhi inü sochoh, 6tüsho nü akin chamachihkhinü Khrista ching lakhi isa mükheahmudu atsü alala zokihshihpü inü tamkhüntamnüchoh. 7Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.
Onesima dünkheak Mushujihkhi
8Jumonü nünü arhimopü lakhi Khrista ching inü nü ki mulong tode tüsho thiyukhüm jihpü thsüa lalashe, 9amuzho chingnü inü nü ki mushuchoh. I Paul, Jisu Khrista limburü tüsho kheakü aramrü– 10#Kol 4.9I rihyam ching lachoki I tsührü kamkhi Onesima dünkheak inü nü ki mushuchoh. 11Akhuhlim a nü ki yihnüpü mülade lado, tüshe kheakü nü tüsho I ki yihnüpü kamdo. 12Inü api lung I mulonglam bede nü kilim thiyia arüloshihchoh. 13Thiyusheakatsü dünkheak I rihyam ching lachoki apinü I rungshihpü thsüde I lung lashihpü lümkheah; 14tüshe nünü mulongkhi ju reangkihde yung tüshe nü zuzu lümkhi hode alapü thsüde nünü mümülüde inü tümü mürhimo.
15Khükijua, api lünnü beloa lupü thsüde api nü kheaknü anükhühkheak chamkhia lah khunuh, 16kheaküa azhorü yung tüshe azhorü kheaknü alübe, adungto thsüde I ki amuzhokhi keoniorü lah tüshe shih tüsho Atungpuh lung nü ki küdükhüh laba. 17Jumonü nünü I ju nü atrurü ah de lümsho, nünü I leangkhipü lakhi nangde api leangkhiang. 18Apinü nü ki amülim thsüa lasho, yungsho tümükhüh zünglasho ju I kheak züngkihjang. 19I Paul, I khahnü ha thrütchoh, inü ashaklobah–nünü I kilim, nü jihpü lakhi she inü tümü müthachoh. 20Am, keoniorü, Atungpuh lung inü nü kilimnü alü thsükhi khürü lunelah. Khrista ching I mulong rhüngrhüngshang. 21Nü mihyuanikhi mulongram lade, inü athakhi kheaknü she nünü alü rhimobah de mükheahbah inü nü kilim thrütchoh. 22Kheaküshe, I thsungkheak khiungshak thsakhamang, tümüde nü tamkhüntamnü hode nü kilim arülopü inü mulonglam lah.
Akheam Salüm
23 #
Kol 1.7; 4.12 Jisu Khrista ching I lung rukhüh aramrü Epaphranü nü kilim salüm mühahchoh, 24#Yunir 12.12,25; 13.13; 15.37-39; Kol 4.10; Yunir 19.29; 27.2; Kol 4.10; Kol 4.14; 2 Tim 4.10; Kol 4.14; 2 Tim 4.11Tüsho I lung rhimorü Mark, Aristarka, Dema, tüsho Luknü she ah.
25Atungpuh Jisu Khrista amüthsüm nü me lung laang.
Currently Selected:
PHILEMON 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
PHILEMON 1
1
1I Paul, Jisu Khrista dünkheaknü aramrü, tüsho isa keoniorü Timothi kilimnü,
Isa rukhüh rhimorü amuzho Philemon 2#Kol 4.17tüsho isa keoniorü Applia, isa müyamrü bonungrü Arkipa, tüsho nüsa yam ching lakhi borü kilim:
3Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü lashang.
Philemon Amuzho tüsho Akin
4Küyimki inü I tamkhüntamnü ching nü lümkhitbanü kamruhroro I Thrünpuh kilim makshe jihchoh, 5tümütüsho Atungpuh Jisu tüsho akinrü alala kilim nü amuzho tüsho akin lakhi inü sochoh, 6tüsho nü akin chamachihkhinü Khrista ching lakhi isa mükheahmudu atsü alala zokihshihpü inü tamkhüntamnüchoh. 7Keoniorü, inü nü muzho chingnü khide asühpü tüsho mulong shukheam ngüdo, tümütüsho nüsa hode akinrübo mulong rhüngrhüngde kamloshihdo.
Onesima dünkheak Mushujihkhi
8Jumonü nünü arhimopü lakhi Khrista ching inü nü ki mulong tode tüsho thiyukhüm jihpü thsüa lalashe, 9amuzho chingnü inü nü ki mushuchoh. I Paul, Jisu Khrista limburü tüsho kheakü aramrü– 10#Kol 4.9I rihyam ching lachoki I tsührü kamkhi Onesima dünkheak inü nü ki mushuchoh. 11Akhuhlim a nü ki yihnüpü mülade lado, tüshe kheakü nü tüsho I ki yihnüpü kamdo. 12Inü api lung I mulonglam bede nü kilim thiyia arüloshihchoh. 13Thiyusheakatsü dünkheak I rihyam ching lachoki apinü I rungshihpü thsüde I lung lashihpü lümkheah; 14tüshe nünü mulongkhi ju reangkihde yung tüshe nü zuzu lümkhi hode alapü thsüde nünü mümülüde inü tümü mürhimo.
15Khükijua, api lünnü beloa lupü thsüde api nü kheaknü anükhühkheak chamkhia lah khunuh, 16kheaküa azhorü yung tüshe azhorü kheaknü alübe, adungto thsüde I ki amuzhokhi keoniorü lah tüshe shih tüsho Atungpuh lung nü ki küdükhüh laba. 17Jumonü nünü I ju nü atrurü ah de lümsho, nünü I leangkhipü lakhi nangde api leangkhiang. 18Apinü nü ki amülim thsüa lasho, yungsho tümükhüh zünglasho ju I kheak züngkihjang. 19I Paul, I khahnü ha thrütchoh, inü ashaklobah–nünü I kilim, nü jihpü lakhi she inü tümü müthachoh. 20Am, keoniorü, Atungpuh lung inü nü kilimnü alü thsükhi khürü lunelah. Khrista ching I mulong rhüngrhüngshang. 21Nü mihyuanikhi mulongram lade, inü athakhi kheaknü she nünü alü rhimobah de mükheahbah inü nü kilim thrütchoh. 22Kheaküshe, I thsungkheak khiungshak thsakhamang, tümüde nü tamkhüntamnü hode nü kilim arülopü inü mulonglam lah.
Akheam Salüm
23 #
Kol 1.7; 4.12 Jisu Khrista ching I lung rukhüh aramrü Epaphranü nü kilim salüm mühahchoh, 24#Yunir 12.12,25; 13.13; 15.37-39; Kol 4.10; Yunir 19.29; 27.2; Kol 4.10; Kol 4.14; 2 Tim 4.10; Kol 4.14; 2 Tim 4.11Tüsho I lung rhimorü Mark, Aristarka, Dema, tüsho Luknü she ah.
25Atungpuh Jisu Khrista amüthsüm nü me lung laang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.