AMIKHEAKAKHIUKKHI 22
22
1Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde 2kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah. 3Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah; 4arünü api miro ngübah, tüsho arü kingkangbo kheak api mung labah. 5Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.
Jisu Arüpü
6Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih. 7Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.
8I Johannü harü so tüsho ngü. Tüsho küyimki inü jurü sobah angükhea, I ki huhbuh yunirü jing ki kingaünpü inü mükhüm; 9tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”
10Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah. 11Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”
12“Kheahang, mihbüm aban apinü arhimokhi dün jihpü I thsambah hanbah I nahde arüchoh. 13#Ami 1.8; Ami 1.17; 2.8I Alpha tüsho Omega, akhuhbuh tüsho ashubuh, atankih tüsho akheam.” 14Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi. 15Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.
16“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”
17Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.
Akhikyu
18Ha hüm ching müchitkhi yubo sorü aban ki inü atünadoyu thachoh: Khürünü ju ching yukajaksho, ha hüm ching thakhi arümbo api kheak Thrünpuhnü yukajakjihbah, 19tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.
20Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!
21Atungpuh Jisu amüthsüm amüsührü alala lung laang. Amen.
Currently Selected:
AMIKHEAKAKHIUKKHI 22: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 22
22
1Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde 2kiuto kiudunglimro phulungnü aki; kheaküshe ayung thripkhüh thripkhüh aso mungji thürükheak mahne kihde rhangdung sangdung, khinu aban asode alakheah; tüsho sangyübo ju trükshihbo thsüngupü thsungkheak lakheah. 3Ju ching kheaküa tümü she muthrumüneankhi müla tüshe Thrünpuh kiulongthsü-binkiu tüsho Namfimihnunu ju ching labah, tüsho anihbuh tankihrübonü api kingaünbah; 4arünü api miro ngübah, tüsho arü kingkangbo kheak api mung labah. 5Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.
Jisu Arüpü
6Tüsho apinü I ki tha, “Harü yubo akin-labe tüsho thiyuro. Tüsho Atungpuh, wukihrübo mebo Thrünpuhnü nahde adünjipü lakhi api tankihrübo ki huhshihpü api yunirü arüshih. 7Tüsho kheahang, I nahde arüchoh.” Shepünü ha hüm müchitkhi yubo zochonü müngühmühi.
8I Johannü harü so tüsho ngü. Tüsho küyimki inü jurü sobah angükhea, I ki huhbuh yunirü jing ki kingaünpü inü mükhüm; 9tüshe apinü I ki tha, “Nünü jude düthsü! I a nü le nü keoniorü wukihrübo, tüsho ha hüm yubo zorü lung rukhüh tankihrü ah. Thrünpuh kingaünang.”
10Tüsho apinü I ki tha, “Ha hüm ching müchitkhi yubo yümdoa düzo, tümüde kim thüninde lah. 11Amütsü rhimorünü judü lang amütsü rhimoshang, tüsho amüneanrünü müneanshang, thiyuro-lungkirünü alim rhimoang, tüsho amüsührünü müsühde laang.”
12“Kheahang, mihbüm aban apinü arhimokhi dün jihpü I thsambah hanbah I nahde arüchoh. 13#Ami 1.8; Ami 1.17; 2.8I Alpha tüsho Omega, akhuhbuh tüsho ashubuh, atankih tüsho akheam.” 14Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi. 15Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.
16“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”
17Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.
Akhikyu
18Ha hüm ching müchitkhi yubo sorü aban ki inü atünadoyu thachoh: Khürünü ju ching yukajaksho, ha hüm ching thakhi arümbo api kheak Thrünpuhnü yukajakjihbah, 19tüsho khürünü ha hüm ching müchitkhi yubo yihkhita bahsho, ha hüm ching thakhi rhangdung sangdung tüsho amüsüh kiuto chingnü api shihcham Thrünpuhnü lude atsobah.
20Shepünü harü thiyumütsan thsüchonü thachoh, “Tsükjide I nahde arüchoh.” Amen. Arang Atungpuh Jisu!
21Atungpuh Jisu amüthsüm amüsührü alala lung laang. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.