AMIKHEAKAKHIUKKHI 21
21
Yinmi Aso tüsho Alomi Aso
1 #
2 Pet 3.13
Judüki inü yinmi aso tüsho alomi aso ngü; tümüde akhuhbe thüning tüsho akhuhbe alomi hode tsoabah, tüsho keto müladebah. 2#Ami 3.12Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü; 3tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah; 4apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”
5Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.” 6Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah. 7Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah. 8Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”
Jirusalem Aso
9Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.” 10Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh, 11Thrünpuh müretah lade, azhingzhingkhi ju athukhi mürelung nangde, asherühü, lungmüsang nangde la. 12Ju chipi ato tüsho achang, ripit thürükheak mahne, tüsho ripitbo ching yunirü thürükheak mahne, tüsho ripitbo kheak Israel tsührü thürükheak mahne mung thrütkih-a lakheah; 13aniakhiuklim ripit mahsam, dukulim ripit mahsam, düjinglim ripit mahsam, tüsho aniyüzahlim ripit mahsam. 14Kiuto chipi ju khimtan thürükheak mahne, tüsho jurü kheak Namfimihnunu amüsühthsangyurü thürükheak mahne mung lakheah.
15Tüsho I ki asukbuh ju kiuto le ripitbo tüsho chipibo akepü suna tso khülang lakheah. 16Kiuto ju thrip phüyi thsübah, ayunglim ju apunglim lokhüh lakheah; tüsho apinü aketsonü kiuto ju kilomitir 2400 ake tüsho ayunglim, apunglim tüsho achanglim rukhüh lakheah. 17Apinü chipi she, yunirünü ahorikhi, mihtsürübuh yo akebenü khahnap 144 ake. 18Chipi ju asherühünü thsü, tüshe kiuto a meayinpung nangde suna müthsünnü thsü. 19Kiuto chipi khimtan ju mürelungbonü thsü; akhuhbe ju asherühü, mahnepü shotolung-bluk, mahsampü shotolung-müzhak, aphüyipü shotolungphüyak, 20aphüngüpü lungmütri, athurukpü shotolung-thüyin, athünepü lungmükin, atizheahpü ayinlung, atukupü kelülülung, athürüpü lungphüyak, thürükheak khülangpü athuyunglung, thürükheak mahnepü lungbluk. 21Ripit thürükheak mahne ju sünso thürükheak mahne, ripit abande sünso khülang khülangnü thsü, tüsho kiuto kiudunglimro ju meayinpung nangde suna müthsün lakheah.
22Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah. 23Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah. 24Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah, 25tüsho animung küyimkishe ju ripit mürih tüsho ju ching azhing müla; 26arünü ju ching trükshihbo müretah tüsho wüntre lude arübah. 27Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.
Currently Selected:
AMIKHEAKAKHIUKKHI 21: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 21
21
Yinmi Aso tüsho Alomi Aso
1 #
2 Pet 3.13
Judüki inü yinmi aso tüsho alomi aso ngü; tümüde akhuhbe thüning tüsho akhuhbe alomi hode tsoabah, tüsho keto müladebah. 2#Ami 3.12Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü; 3tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah; 4apinü arü mük chingnü chikebo nana bahjihbah, tüsho ashepü mülade akambah, mulong rozhakpü yungsho atrippü yungsho thsünüpü mülade akambah, tümüde akhuhlim lakhibo hode tsoabahdo.”
5Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.” 6Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah. 7Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah. 8Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”
Jirusalem Aso
9Judüki yunirü thüne bolung khülang akheam arümbo thüne mide azahkhi phurusük thüne labuh arübah I ki tha, “Arang, inü Namfimihnunu yamkhünbe nü ki huhbah.” 10Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh, 11Thrünpuh müretah lade, azhingzhingkhi ju athukhi mürelung nangde, asherühü, lungmüsang nangde la. 12Ju chipi ato tüsho achang, ripit thürükheak mahne, tüsho ripitbo ching yunirü thürükheak mahne, tüsho ripitbo kheak Israel tsührü thürükheak mahne mung thrütkih-a lakheah; 13aniakhiuklim ripit mahsam, dukulim ripit mahsam, düjinglim ripit mahsam, tüsho aniyüzahlim ripit mahsam. 14Kiuto chipi ju khimtan thürükheak mahne, tüsho jurü kheak Namfimihnunu amüsühthsangyurü thürükheak mahne mung lakheah.
15Tüsho I ki asukbuh ju kiuto le ripitbo tüsho chipibo akepü suna tso khülang lakheah. 16Kiuto ju thrip phüyi thsübah, ayunglim ju apunglim lokhüh lakheah; tüsho apinü aketsonü kiuto ju kilomitir 2400 ake tüsho ayunglim, apunglim tüsho achanglim rukhüh lakheah. 17Apinü chipi she, yunirünü ahorikhi, mihtsürübuh yo akebenü khahnap 144 ake. 18Chipi ju asherühünü thsü, tüshe kiuto a meayinpung nangde suna müthsünnü thsü. 19Kiuto chipi khimtan ju mürelungbonü thsü; akhuhbe ju asherühü, mahnepü shotolung-bluk, mahsampü shotolung-müzhak, aphüyipü shotolungphüyak, 20aphüngüpü lungmütri, athurukpü shotolung-thüyin, athünepü lungmükin, atizheahpü ayinlung, atukupü kelülülung, athürüpü lungphüyak, thürükheak khülangpü athuyunglung, thürükheak mahnepü lungbluk. 21Ripit thürükheak mahne ju sünso thürükheak mahne, ripit abande sünso khülang khülangnü thsü, tüsho kiuto kiudunglimro ju meayinpung nangde suna müthsün lakheah.
22Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah. 23Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah. 24Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah, 25tüsho animung küyimkishe ju ripit mürih tüsho ju ching azhing müla; 26arünü ju ching trükshihbo müretah tüsho wüntre lude arübah. 27Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.