FILIPI 1
1
1 #
Yunir 16.12
Jisu Khrista yamlarü, Paul tüsho Timothi kilimnü,
Filipi ching Jisu Khrista kheak kinrü, ju lung borü limberü tüsho tankihrübo kilim:
2Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü laang.
Paul Tamkhüntamnü
3Inü nüsa lümkhitkhi alala ching I Thrünpuh ki makshe jihchoh, 4kamruhroro nüsa thsungkheak I tamkhüntamnü aban ching asühde tamkhüntamnüchoh, 5akhuhbe nimungnü khihni khiungde nüsanü thiyusheak-atsü ching rungachihkhi thsungkheak makshe jihchoh. 6Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah. 7Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah. 8Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah. 9Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah, 10junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde, 11Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.
Alapü ju Khrista
12Keoniorübo, nüsanü mükheahshihnekhi ju, I ki tümü dünjikheanü atsütsü thiyusheak-atsü khin tsahshihdo, 13#Yunir 28.30Junangde kiulongthsürüyam aheangrü tüsho aningkhi alalanü Khrista thsungkheak I rihyam ching lah de mükheah; 14tüsho I rihyam ching lakhinü keoniorü ahihdo Atungpuh kheak mulongramde kamshih, tüsho Atungpuh yu mulong tode mütrede thachoh.
15Khürünü a mükthsü tüsho müngüh ajinde Khrista thsangyuthsangrachoh, tüshe khürü a atsü lümkhi chingnü ah. 16Ashubuh junü I thiyusheak-atsü chilopü ha ching zojihlah de mükheahbah amuzhonü rhimochoh; 17akhuhrünü atsüngalim mülade, I rihyam ching lachoki küpkhuk jihpü lümbah achamnak lümkhinü Khrista zhiyukchoh. 18Dale tümü a? Limro aban, mülapyukde yungsho thiyuro ching thsüthsü, Khrista zhiyuka lah; tüsho ju ching I asühchoh.
19Tümüde nüsa tamkhüntamnü tüsho Jisu khrista Me arung hode I adükhebah de inü mükheahlah, 20inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah. 21I thsungkheak a alapü ju Khrista, tüsho ashepü ju alü lah. 22Shih ching rhangdung lapü thsüsho, ju amütsan I thsungkheaknü akuk ngüde rhimokhi lah. Tüshe küpü mokhitbanü inü athapü mukuk. 23I mahne dükeak thoachihchoh. I a chamachihbah Khrista lung lapü künlah, tümüde ju atsübe ah. 24Tüshe shih ching aninga lapü ju nüsa thsungkheaknü khide yihnüpü lah. 25Ha lümkihkhinü I aninga labah de inü mükheahlah, tüsho nüsa alü zokihkhi tüsho akin ching asühachihkhi thsungkheaknü nüsa alala lung I mutukzhakde alabah, 26junangde I nüsa lung alode arükhinü Jisu Khrista ching I thsungkheaknü nüsa asühachihkhi alübe kambah.
27Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah. 28Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah. 29Tümüde Khrista thsung thsüde api kheak kinpü lang nüsa ki mülüjihkhi yung, tüshe api dünkheak thsünüpü she ah, 30#Yunir 16.19-40tümütüsho nüsanü angükhi tüsho kheakü I kheak sode alakhi shochihkhi ruk nüsanü dünjide lah.
Currently Selected:
FILIPI 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
FILIPI 1
1
1 #
Yunir 16.12
Jisu Khrista yamlarü, Paul tüsho Timothi kilimnü,
Filipi ching Jisu Khrista kheak kinrü, ju lung borü limberü tüsho tankihrübo kilim:
2Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü laang.
Paul Tamkhüntamnü
3Inü nüsa lümkhitkhi alala ching I Thrünpuh ki makshe jihchoh, 4kamruhroro nüsa thsungkheak I tamkhüntamnü aban ching asühde tamkhüntamnüchoh, 5akhuhbe nimungnü khihni khiungde nüsanü thiyusheak-atsü ching rungachihkhi thsungkheak makshe jihchoh. 6Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah. 7Inü nüsa alala thsungkheak lümpü alungki lah, tümütüsho inü nüsa I mulong ching hanlah, tümüde I rihyam ching lachoki tüsho thiyusheak-atsü chilopü le mütsanmükhipü ching I lung nüsa alala amüthsüm shihcham lurü ah. 8Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah. 9Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah, 10junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde, 11Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.
Alapü ju Khrista
12Keoniorübo, nüsanü mükheahshihnekhi ju, I ki tümü dünjikheanü atsütsü thiyusheak-atsü khin tsahshihdo, 13#Yunir 28.30Junangde kiulongthsürüyam aheangrü tüsho aningkhi alalanü Khrista thsungkheak I rihyam ching lah de mükheah; 14tüsho I rihyam ching lakhinü keoniorü ahihdo Atungpuh kheak mulongramde kamshih, tüsho Atungpuh yu mulong tode mütrede thachoh.
15Khürünü a mükthsü tüsho müngüh ajinde Khrista thsangyuthsangrachoh, tüshe khürü a atsü lümkhi chingnü ah. 16Ashubuh junü I thiyusheak-atsü chilopü ha ching zojihlah de mükheahbah amuzhonü rhimochoh; 17akhuhrünü atsüngalim mülade, I rihyam ching lachoki küpkhuk jihpü lümbah achamnak lümkhinü Khrista zhiyukchoh. 18Dale tümü a? Limro aban, mülapyukde yungsho thiyuro ching thsüthsü, Khrista zhiyuka lah; tüsho ju ching I asühchoh.
19Tümüde nüsa tamkhüntamnü tüsho Jisu khrista Me arung hode I adükhebah de inü mükheahlah, 20inü mükkin thsükhi tüsho mulonglamkhi yande tümü ching she I achih müngü, tüshe mulong tode, kamruhroro nangde kheaküshe rhangdungnü yungsho ashepünü thsüthsü I pang ching Khrista wüntre labah. 21I thsungkheak a alapü ju Khrista, tüsho ashepü ju alü lah. 22Shih ching rhangdung lapü thsüsho, ju amütsan I thsungkheaknü akuk ngüde rhimokhi lah. Tüshe küpü mokhitbanü inü athapü mukuk. 23I mahne dükeak thoachihchoh. I a chamachihbah Khrista lung lapü künlah, tümüde ju atsübe ah. 24Tüshe shih ching aninga lapü ju nüsa thsungkheaknü khide yihnüpü lah. 25Ha lümkihkhinü I aninga labah de inü mükheahlah, tüsho nüsa alü zokihkhi tüsho akin ching asühachihkhi thsungkheaknü nüsa alala lung I mutukzhakde alabah, 26junangde I nüsa lung alode arükhinü Jisu Khrista ching I thsungkheaknü nüsa asühachihkhi alübe kambah.
27Nüsa rhangdung yakli ju lang Khrista thiyusheak-atsü thülünde laang, junangde I arübah nüsa shoruru she yungsho mülalashe, thiyusheak-atsü akin thsungkheak lümkhi khülang thsübah thripkhüh thripkhüh mürangde me khülang ching nüsa düküngde azhipkhi inü asobah. 28Tüsho nüsa azhihrübo hode tümü ching she nüsa mümüzün, ha arü thsümünimpü arü ki mütsandakkhi lah, tüshe nüsa akhümkhit Thrünpuh kilimnü lah. 29Tümüde Khrista thsung thsüde api kheak kinpü lang nüsa ki mülüjihkhi yung, tüshe api dünkheak thsünüpü she ah, 30#Yunir 16.19-40tümütüsho nüsanü angükhi tüsho kheakü I kheak sode alakhi shochihkhi ruk nüsanü dünjide lah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.