EFISIA 6
6
Tsührübo tüsho Berübuhrübo
1 #
Kol 3.20
Azürübo, nüsa berübuhrü ki mihyuaniang, tümüde ha alungki lah. 2“Nü buh tüsho nü be wüntreang,” ha alokhikhi thiyuzüng akhuhbe lah: 3“Junangde nüsa tsüde alabah tüsho alomi ching kutsüp ashang labah.” 4#Kol 3.21Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.
Yamlarübo tüsho Aputungrübo
5 #
Kol 3.22-25
Yamlarübo, Khrista ki nangde trede tüsho ajande, mulong khülangnü nüsa alomi putungrübo ki mihyuaniang; 6mihtsürü asühshihrü nangde müknü angükhi tankihkhi limro ching yung, tüshe Khrista tankihrü nangde mulong chingnü Thrünpuh lümkhi rhimode, 7lümkhi atsünü tankihkhi mihtsürü kilim yungde Atungpuh kilim nangde, 8tümütüsho azhorü yungsho zuzu larü thsüthsü, sherünü tümüpürü atsü rhimobanü, apinü ju nangde Atungpuh kilimnü aleangkhibah de nüsanü mükheahlah. 9#Kol 4.1; Kol 3.25Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.
Thrünpuh Thirithsü Zülu
10Akheamde, Atungpuh tüsho wuto sühmüh ching düküngang. 11Thrünpuh thirithsü zülu alala yihang, junangde nüsanü amünean lümkhi azhihde azhipkhukbah. 12Tümüde isanü shochihkhi ju shih tüsho thiyih azhihde yung, tüshe yakzanshuhrübo, thiyukhüm-sühmühbo, ha amiting lomi wubo tüsho yinmi kiulongthsübo ching amüneanbo me thrungkhibo azhihde ah. 13Jumonü Thrünpuh thirithsü zülu alala luang, junangde amütsü nimung arüchoki nüsanü azhipkhukbah, tüsho alala rhimo dunglim düküngde azhipbah. 14Jumonü thiyuronü nü chim rümang, tüsho thiyuro-lungki treangkhümbe yukbah zhipang, 15tüsho mungtsü thiyusheak-atsü kukruknü nü jing khümang; 16harü kheak khiode, amünean yo motru hühzo alala yihmütkhukpü thsüde akin tsung luang. 17Akhümkhit kuthran luang, tüsho küpü Thrünpuh yu lanü, Me nukshang luang. 18Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang. 19I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah, 20ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.
Akheam Salüm
21 #
Yunir 20.4; 2 Tim 4.12 #
Kol 4.7,8 Kheakü I küde la tüsho I tümü rhimochonü nüsanü amükheahpü thsüde, amuzho keoniorü tüsho Atungpuh tankihkhi ching thiyuro lakhi Takikanü lüpdükhi nüsa ki thabah. 22Ha lümkhi thsungkheaknü inü api nüsa kilim thiyido, junangde isa küde lanü nüsanü amükheahbah, tüsho apinü nüsa mulong toshihbah.
23Abuh Thrünpuh tüsho Atungpuh Jisu Khrista kilimnü mungtsü tüsho akin bede amuzho lashang. 24Isa Atungpuh Jisu Khrista atsütsünü amuzhorü alala kilim amüthsüm laang.
Currently Selected:
EFISIA 6: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EFISIA 6
6
Tsührübo tüsho Berübuhrübo
1 #
Kol 3.20
Azürübo, nüsa berübuhrü ki mihyuaniang, tümüde ha alungki lah. 2“Nü buh tüsho nü be wüntreang,” ha alokhikhi thiyuzüng akhuhbe lah: 3“Junangde nüsa tsüde alabah tüsho alomi ching kutsüp ashang labah.” 4#Kol 3.21Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.
Yamlarübo tüsho Aputungrübo
5 #
Kol 3.22-25
Yamlarübo, Khrista ki nangde trede tüsho ajande, mulong khülangnü nüsa alomi putungrübo ki mihyuaniang; 6mihtsürü asühshihrü nangde müknü angükhi tankihkhi limro ching yung, tüshe Khrista tankihrü nangde mulong chingnü Thrünpuh lümkhi rhimode, 7lümkhi atsünü tankihkhi mihtsürü kilim yungde Atungpuh kilim nangde, 8tümütüsho azhorü yungsho zuzu larü thsüthsü, sherünü tümüpürü atsü rhimobanü, apinü ju nangde Atungpuh kilimnü aleangkhibah de nüsanü mükheahlah. 9#Kol 4.1; Kol 3.25Aputungrübo, junangde nüsa yamlarübo ki rhimoang. Arü dümüzün, tümütüsho shepü arü le nü Putungrü chidoanü yinmi ching lah, tüsho api kheak jakkheahkhi müla.
Thrünpuh Thirithsü Zülu
10Akheamde, Atungpuh tüsho wuto sühmüh ching düküngang. 11Thrünpuh thirithsü zülu alala yihang, junangde nüsanü amünean lümkhi azhihde azhipkhukbah. 12Tümüde isanü shochihkhi ju shih tüsho thiyih azhihde yung, tüshe yakzanshuhrübo, thiyukhüm-sühmühbo, ha amiting lomi wubo tüsho yinmi kiulongthsübo ching amüneanbo me thrungkhibo azhihde ah. 13Jumonü Thrünpuh thirithsü zülu alala luang, junangde amütsü nimung arüchoki nüsanü azhipkhukbah, tüsho alala rhimo dunglim düküngde azhipbah. 14Jumonü thiyuronü nü chim rümang, tüsho thiyuro-lungki treangkhümbe yukbah zhipang, 15tüsho mungtsü thiyusheak-atsü kukruknü nü jing khümang; 16harü kheak khiode, amünean yo motru hühzo alala yihmütkhukpü thsüde akin tsung luang. 17Akhümkhit kuthran luang, tüsho küpü Thrünpuh yu lanü, Me nukshang luang. 18Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang. 19I thsungkheak she tamkhüntamnüjang, junangde thiyusheak-atsü mulong tode azhiyukpü I mün khimshuhkhi ching thiyusheak jihbah, 20ju thsungkheak I arhükkhi ching limburü ah; junangde inü athapü lakhi yande mulong tode ju khipkhitbah.
Akheam Salüm
21 #
Yunir 20.4; 2 Tim 4.12 #
Kol 4.7,8 Kheakü I küde la tüsho I tümü rhimochonü nüsanü amükheahpü thsüde, amuzho keoniorü tüsho Atungpuh tankihkhi ching thiyuro lakhi Takikanü lüpdükhi nüsa ki thabah. 22Ha lümkhi thsungkheaknü inü api nüsa kilim thiyido, junangde isa küde lanü nüsanü amükheahbah, tüsho apinü nüsa mulong toshihbah.
23Abuh Thrünpuh tüsho Atungpuh Jisu Khrista kilimnü mungtsü tüsho akin bede amuzho lashang. 24Isa Atungpuh Jisu Khrista atsütsünü amuzhorü alala kilim amüthsüm laang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.