WÜHKHE 35
35
Levirü kilim Jihkhi Kiutobo
1 Atungpuhnü Mosa ki Jirikho hobah Jordan yean Moab dükhün chingnü tha, 2“ Israel mihtsürübo ki nihbuh yamrüplurüp ching yo Levirü kilim arü lapung kiuto jihshihpü thiyukhüm jihang tüsho arü kilim rukhüh-lo thsüshihpü kiuto mühide jihang. 3Arübonü arü lapü thsüde kiutobo labah; tüsho arü moshi, akam-shiwüh tüsho arü shiwüh alala thsungkheak rimlopung ngübah. 4Nüsanü Levirü kilim rukhüh-lo thsüpü jihkhi ju kiuto chipi aleanglim mühide limthrip 450 labeah. 5Tüsho nüsanü kiuto aleanglim akepü ju, aniakhiuklim, düjinglim, aniyüzahlim tüsho dukulim abande limthrip 900 labeah tüsho kiuto ju aphulung ching labah. Ha arü kiuto thsungkheaknü rimlopung thsübah. 6Kheakü nüsanü Levirü kilim jihkhi kiutobo chingnü tsoyukpung kiuto thuruk zoang, ju ching mihtsürü laksahrü tsoyukde ayübah. Tüsho ju ching nüsanü kiuto 42 yukajakang. 7Junangde nüsanü Levirü kilim jihpü kiuto ju 48 labah; harü nüsanü arü rimlopung bede ajihbah. 8Tüsho nüsanü ajihpü lakhi kiutobo ju Israel mihtsürübo lo chingnü ajihbeah; trük ato chingnü ahihdo jihang tüsho anini chingnü nükde jihang; nihbuh yamrüplurüp lakhi thülünnü Levirü kilim kiutobo jihang.”
Tsoyukpung Kiutobo
(Yuzüng 19.1-13; Jihu 20.1-9)
9Tüsho Atungpuhnü Mosa ki tha, 10Israel mihtsürübo ki thaang, Küyimki nüsa Jordan hode Kanan lo ching yüzahbanü, 11nüsanü tsoyukpung kiutobo mokhitang, ju ching mihtsürü laksahrü tsoyukde ayübah. 12Jurübo nüsa royimrü kheaknü tsoyukpung labah, junangde mihtsürü laksahrü boto miki mahkhappung ching müzhipchokia müshe. 13Tüsho nüsanü ajihkhi kiutobo chingnü, kiuto thuruk ju tsoyukpung kiutobo thsübah. 14Nüsanü Kiuto mahsam Jordan thrip, tüsho mahsam Kanan lo ching tsoyukpung kiuto thsüpü jihang. 15Harü kiuto thuruk ju Israel mihtsürü, khiungkerü tüsho arü lung tsorua alarübo thsungkheak tsoyukpung kiuto thsübah, junangde khürünü müranglimnü mihtsürü laksahsho ju ching tsoyukde ayübah.
16Tüshe mihtsürü khülangnü yinchitsonü khürü laksahsho, api mihtsürü laksahrü ah; api ju dükde asheshihbah. 17Tüsho mihtsürü khülangnü khürü lungnü kingsahsho, api mihtsürü laksahrü ah; api dükde asheshihbah. 18Yungsho mihtsürü khülangnü sangdüdam shuhbah khürü laksahsho, api mihtsürü laksahrü ah; api dükde asheshihbah. 19Ashebuh buhtsührünü mihtsürü laksahbuh ju asheshihbah; küyimki apinü ju buh shorubanü apinü asheshihbah.
20Mihtsürü khülangnü khürü kheak mükheahnede nima adansahshihsho yungsho bindobah api kheak tümükhühnü kingsho, 21yungsho mükthsüde khah zhimpungbah yümsahsho, api mihtsürü laksahrü kamdo tüsho api asheshihbah. Ashebuh buhtsührünü api küyimki shorubanü asheshihbah.
22Tüshe apinü thraneande mülade khürü zukleangnü nimmülünsho yungsho müranglimnü api kheak tümükhühnü kingsho, 23yungsho müngüde lung jipa bahbah api kingsahsho, kheaküa api anihbuh riri yung tüsho api thsümünimpü mülüm, 24jumonü botonü mihtsürü laksahrü le ashebuh buhtsührü dükeak harü yakzan yande mahkhapjihbeah. 25Jumonü botonü mihtsürü laksahbuh ju ashebuh buhtsührü khah chingnü bekhitbah api tsoyukde ayüpung kiuto ching alode ayüshihbah, tüsho amüsüh müdangkenü amüsühkhitbuh achangbe amükeambuh müshe khiungde api ju ching labah. 26Tüshe mihtsürü laksahbuhnü api tsoyukpung kiuto chingnü aleanglim wukhiuksho, 27tüsho ashebuh buhtsührünü api tsoyukpung kiuto aleanglim ngübah laksahsho, ju laksahkhi amülim müla, 28tümütüsho api ju achangbe amükeambuh müshe khiungde nihbuh tsoyukpung kiuto ching labeah. Tüshe achangbe amükeambuh sheabah dunglim mihtsürü laksahbuh ju nihbuh lapung lo ching yülopü kuklah. 29Kheakü harübo ha nüsa lünbo ching lapung abande lünnü mahkhapkhi yakzan labah.
30Shepünü mihtsürü laksahbanü, thiyumütsan jihrübo hode mihtsürü laksahbuh ju asheshihbah; tüshe thiyumütsan jihrü khülang hodü langa she müsheshih. 31Tahle mihtsürü laksahrü sheshihpü dünkheak nünü amo lude dürhokhit, tüshe api dükde asheshihbah. 32Tüsho nünü mihtsürü khülang nihbuh tsoyukpung kiuto ching alode yübah amükeambuh müshe khiungde alapü larü kheaknü amo lude dürhokhit. 33Jumonü nüsanü nüsa lapung lomi dümünean; tümüde thiyihnü alo müneanchoh, tüsho ju lo ching bukkhi thiyih ju mümüsühkhitkhuk, tüshe mihtsürü laksahbah thiyihnü lang müsühkhitkhukbah. 34Jumonü nüsa lapung lo küpü ching I lanü ju dümünean; tümüde I Atungpuh Israel mihtsürü lung lah.
Currently Selected:
WÜHKHE 35: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 35
35
Levirü kilim Jihkhi Kiutobo
1 Atungpuhnü Mosa ki Jirikho hobah Jordan yean Moab dükhün chingnü tha, 2“ Israel mihtsürübo ki nihbuh yamrüplurüp ching yo Levirü kilim arü lapung kiuto jihshihpü thiyukhüm jihang tüsho arü kilim rukhüh-lo thsüshihpü kiuto mühide jihang. 3Arübonü arü lapü thsüde kiutobo labah; tüsho arü moshi, akam-shiwüh tüsho arü shiwüh alala thsungkheak rimlopung ngübah. 4Nüsanü Levirü kilim rukhüh-lo thsüpü jihkhi ju kiuto chipi aleanglim mühide limthrip 450 labeah. 5Tüsho nüsanü kiuto aleanglim akepü ju, aniakhiuklim, düjinglim, aniyüzahlim tüsho dukulim abande limthrip 900 labeah tüsho kiuto ju aphulung ching labah. Ha arü kiuto thsungkheaknü rimlopung thsübah. 6Kheakü nüsanü Levirü kilim jihkhi kiutobo chingnü tsoyukpung kiuto thuruk zoang, ju ching mihtsürü laksahrü tsoyukde ayübah. Tüsho ju ching nüsanü kiuto 42 yukajakang. 7Junangde nüsanü Levirü kilim jihpü kiuto ju 48 labah; harü nüsanü arü rimlopung bede ajihbah. 8Tüsho nüsanü ajihpü lakhi kiutobo ju Israel mihtsürübo lo chingnü ajihbeah; trük ato chingnü ahihdo jihang tüsho anini chingnü nükde jihang; nihbuh yamrüplurüp lakhi thülünnü Levirü kilim kiutobo jihang.”
Tsoyukpung Kiutobo
(Yuzüng 19.1-13; Jihu 20.1-9)
9Tüsho Atungpuhnü Mosa ki tha, 10Israel mihtsürübo ki thaang, Küyimki nüsa Jordan hode Kanan lo ching yüzahbanü, 11nüsanü tsoyukpung kiutobo mokhitang, ju ching mihtsürü laksahrü tsoyukde ayübah. 12Jurübo nüsa royimrü kheaknü tsoyukpung labah, junangde mihtsürü laksahrü boto miki mahkhappung ching müzhipchokia müshe. 13Tüsho nüsanü ajihkhi kiutobo chingnü, kiuto thuruk ju tsoyukpung kiutobo thsübah. 14Nüsanü Kiuto mahsam Jordan thrip, tüsho mahsam Kanan lo ching tsoyukpung kiuto thsüpü jihang. 15Harü kiuto thuruk ju Israel mihtsürü, khiungkerü tüsho arü lung tsorua alarübo thsungkheak tsoyukpung kiuto thsübah, junangde khürünü müranglimnü mihtsürü laksahsho ju ching tsoyukde ayübah.
16Tüshe mihtsürü khülangnü yinchitsonü khürü laksahsho, api mihtsürü laksahrü ah; api ju dükde asheshihbah. 17Tüsho mihtsürü khülangnü khürü lungnü kingsahsho, api mihtsürü laksahrü ah; api dükde asheshihbah. 18Yungsho mihtsürü khülangnü sangdüdam shuhbah khürü laksahsho, api mihtsürü laksahrü ah; api dükde asheshihbah. 19Ashebuh buhtsührünü mihtsürü laksahbuh ju asheshihbah; küyimki apinü ju buh shorubanü apinü asheshihbah.
20Mihtsürü khülangnü khürü kheak mükheahnede nima adansahshihsho yungsho bindobah api kheak tümükhühnü kingsho, 21yungsho mükthsüde khah zhimpungbah yümsahsho, api mihtsürü laksahrü kamdo tüsho api asheshihbah. Ashebuh buhtsührünü api küyimki shorubanü asheshihbah.
22Tüshe apinü thraneande mülade khürü zukleangnü nimmülünsho yungsho müranglimnü api kheak tümükhühnü kingsho, 23yungsho müngüde lung jipa bahbah api kingsahsho, kheaküa api anihbuh riri yung tüsho api thsümünimpü mülüm, 24jumonü botonü mihtsürü laksahrü le ashebuh buhtsührü dükeak harü yakzan yande mahkhapjihbeah. 25Jumonü botonü mihtsürü laksahbuh ju ashebuh buhtsührü khah chingnü bekhitbah api tsoyukde ayüpung kiuto ching alode ayüshihbah, tüsho amüsüh müdangkenü amüsühkhitbuh achangbe amükeambuh müshe khiungde api ju ching labah. 26Tüshe mihtsürü laksahbuhnü api tsoyukpung kiuto chingnü aleanglim wukhiuksho, 27tüsho ashebuh buhtsührünü api tsoyukpung kiuto aleanglim ngübah laksahsho, ju laksahkhi amülim müla, 28tümütüsho api ju achangbe amükeambuh müshe khiungde nihbuh tsoyukpung kiuto ching labeah. Tüshe achangbe amükeambuh sheabah dunglim mihtsürü laksahbuh ju nihbuh lapung lo ching yülopü kuklah. 29Kheakü harübo ha nüsa lünbo ching lapung abande lünnü mahkhapkhi yakzan labah.
30Shepünü mihtsürü laksahbanü, thiyumütsan jihrübo hode mihtsürü laksahbuh ju asheshihbah; tüshe thiyumütsan jihrü khülang hodü langa she müsheshih. 31Tahle mihtsürü laksahrü sheshihpü dünkheak nünü amo lude dürhokhit, tüshe api dükde asheshihbah. 32Tüsho nünü mihtsürü khülang nihbuh tsoyukpung kiuto ching alode yübah amükeambuh müshe khiungde alapü larü kheaknü amo lude dürhokhit. 33Jumonü nüsanü nüsa lapung lomi dümünean; tümüde thiyihnü alo müneanchoh, tüsho ju lo ching bukkhi thiyih ju mümüsühkhitkhuk, tüshe mihtsürü laksahbah thiyihnü lang müsühkhitkhukbah. 34Jumonü nüsa lapung lo küpü ching I lanü ju dümünean; tümüde I Atungpuh Israel mihtsürü lung lah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.