WÜHKHE 34
34
Lomi Aredungbo
1Tüsho Atungpuhnü Mosa ki tha, 2Israel mihtsürübo ki thiyukhüm jihang, Küyimki nüsa Kanan lo ching arübanü, nüsa kilim mülüjihpü yamrüplurüp lo aredungbo ju harü ah: 3Nüsa yo düjinglim aredung ju Zin sunglo chingnü Edom aredung yanlah; tüsho düjinglim aredung kheaknü aniakhiuklim Thimi Keto akheam kheak khiungbah; 4nüsa aredung ju düjinglim Akrabbim hobah, Zin chingnü Kadesh-barnea khiungbah; ju chingnü Hazar Addar tüsho Azmon khiungbah; 5aredung ju Azmon kheaknü Ijip aredung kebo khiungbah, tüsho Keto kheak arün thsübah.
6Aniyüzahlim aredung ju, Ato Keto labah; ha nüsa thsungkheaknü aniyüzahlim aredung labah.
7Tüsho dukulim aredung ha labah: Ato Keto kheaknü Hor Müzüng khiungde aredung yukang; 8Hor Müzüng kheaknü Hamath limro khiungde aredung yukang; jushu aredung yuklangde Zedad khiungbah; 9aredung ju Ziphron thrip yübah, tüsho Hazar Enan kheak arün thsübah. Ha nüsa yo dukulim aredung labah.
10Nüsanü aniakhiuklim aredung ju Hazar Enan kheaknü Shepham khiungde yukang; 11aredung ju aniakhiuklim Ain thrippeang Ribla khiungbah; aredung ju aniakhiuklim Kinnereth Keto khiungde yüzahbah; 12aredung ju Jordan yeande ayükihbah, tüsho ju Thimi Keto ching arün thsübah. Ha aredungnü mükamde alakhi nüsa lo thsübah.
13Tüsho Mosanü Israel mihtsürübo ki thiyukhüm jihde tha, Atungpuhnü trük tuku tüsho chamkhüh kilim jihshihpü thiyukhüm jihkhi lo ha nüsanü azan thsüde yamrüplurüp lubah. 14Tümüde Reuben tsührü trük arü guk yande, tüsho Gad tsührü arü guk yande yamrüplurüp leangkhido; tüsho Manase trük chamkhühnü arü yamrüplurüp leangkhido. 15Trük mahne tüsho trük chamkhühnü Jordan hobah, Jirikho aniakhiuklim arü yamrüplurüp leangkhido.
Alo Chamshihpü Limberübo Mokhitkhi
16Tüsho Atungpuhnü Mosa ki tha, 17“Nüsa kilim yamrüplurüp lo chamjihpü mihtsürü mungbo: Amükeambuh Eleazar tüsho Nun tsührü Jihusua. 18Tüsho yamrüplurüp lo champü thsungkheaknü nünü trük abande limberü khülang khülang mokhitang. 19Mihtsürübo mung ju harü: Juda trük chingnü, Jephunne tsührü Kaleb; 20Simeon trük chingnü, Ammihud tsührü Shemuel; 21Benjamin trük chingnü, Kislon tsührü Elidad; 22Dan trük chingnü, Jogli tsührü Bukki; 23Josep tsührübo chingnü: Manase trük chingnü, Ephod tsührü Hanniel; 24Ephraim trük chingnü, Shiphtan tsührü Kimuel; 25Zebulun trük chingnü, Parnak tsührü Elizaphan; 26Issakar trük chingnü, Azzan tsührü Paltiel; 27Asher trük chingnü, Shelomi tsührü Ahihud; 28tüsho Naphtali trük chingnü, Ammihud tsührü Pedahel.”
29Harü ha Kanan lo ching Israel mihtsürü bolung yamrüplurüp chamshihpü Atungpuhnü thiyukhüm jihkhibo ah.
Currently Selected:
WÜHKHE 34: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
WÜHKHE 34
34
Lomi Aredungbo
1Tüsho Atungpuhnü Mosa ki tha, 2Israel mihtsürübo ki thiyukhüm jihang, Küyimki nüsa Kanan lo ching arübanü, nüsa kilim mülüjihpü yamrüplurüp lo aredungbo ju harü ah: 3Nüsa yo düjinglim aredung ju Zin sunglo chingnü Edom aredung yanlah; tüsho düjinglim aredung kheaknü aniakhiuklim Thimi Keto akheam kheak khiungbah; 4nüsa aredung ju düjinglim Akrabbim hobah, Zin chingnü Kadesh-barnea khiungbah; ju chingnü Hazar Addar tüsho Azmon khiungbah; 5aredung ju Azmon kheaknü Ijip aredung kebo khiungbah, tüsho Keto kheak arün thsübah.
6Aniyüzahlim aredung ju, Ato Keto labah; ha nüsa thsungkheaknü aniyüzahlim aredung labah.
7Tüsho dukulim aredung ha labah: Ato Keto kheaknü Hor Müzüng khiungde aredung yukang; 8Hor Müzüng kheaknü Hamath limro khiungde aredung yukang; jushu aredung yuklangde Zedad khiungbah; 9aredung ju Ziphron thrip yübah, tüsho Hazar Enan kheak arün thsübah. Ha nüsa yo dukulim aredung labah.
10Nüsanü aniakhiuklim aredung ju Hazar Enan kheaknü Shepham khiungde yukang; 11aredung ju aniakhiuklim Ain thrippeang Ribla khiungbah; aredung ju aniakhiuklim Kinnereth Keto khiungde yüzahbah; 12aredung ju Jordan yeande ayükihbah, tüsho ju Thimi Keto ching arün thsübah. Ha aredungnü mükamde alakhi nüsa lo thsübah.
13Tüsho Mosanü Israel mihtsürübo ki thiyukhüm jihde tha, Atungpuhnü trük tuku tüsho chamkhüh kilim jihshihpü thiyukhüm jihkhi lo ha nüsanü azan thsüde yamrüplurüp lubah. 14Tümüde Reuben tsührü trük arü guk yande, tüsho Gad tsührü arü guk yande yamrüplurüp leangkhido; tüsho Manase trük chamkhühnü arü yamrüplurüp leangkhido. 15Trük mahne tüsho trük chamkhühnü Jordan hobah, Jirikho aniakhiuklim arü yamrüplurüp leangkhido.
Alo Chamshihpü Limberübo Mokhitkhi
16Tüsho Atungpuhnü Mosa ki tha, 17“Nüsa kilim yamrüplurüp lo chamjihpü mihtsürü mungbo: Amükeambuh Eleazar tüsho Nun tsührü Jihusua. 18Tüsho yamrüplurüp lo champü thsungkheaknü nünü trük abande limberü khülang khülang mokhitang. 19Mihtsürübo mung ju harü: Juda trük chingnü, Jephunne tsührü Kaleb; 20Simeon trük chingnü, Ammihud tsührü Shemuel; 21Benjamin trük chingnü, Kislon tsührü Elidad; 22Dan trük chingnü, Jogli tsührü Bukki; 23Josep tsührübo chingnü: Manase trük chingnü, Ephod tsührü Hanniel; 24Ephraim trük chingnü, Shiphtan tsührü Kimuel; 25Zebulun trük chingnü, Parnak tsührü Elizaphan; 26Issakar trük chingnü, Azzan tsührü Paltiel; 27Asher trük chingnü, Shelomi tsührü Ahihud; 28tüsho Naphtali trük chingnü, Ammihud tsührü Pedahel.”
29Harü ha Kanan lo ching Israel mihtsürü bolung yamrüplurüp chamshihpü Atungpuhnü thiyukhüm jihkhibo ah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.