LEVI 9
9
Amükeamrünü Kingaünkhi
1Nimung atizheah nipü Mosanü Aron le atsührübo tüsho Israel azothsürübo ji, 2tüsho apinü Aron ki tha, “ Neak kingaün thsungkheak moshipung nunu tüsho taka kingaünpü mihnupung lapha mükihkhibo luang, tüsho Atungpuh miki kingaünang. 3Tüsho Israel mihtsürübo ki thaang, ‘ Nüsanü neak kingaünpü mihnupung khülang, tüsho taka kingaünpü kam khülang bankhitkhi moshi nunu tüsho mihnupung lapha mükihkhi luang, 4tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”
5Mosanü thiyukhüm jihkhi nangde arünü athrünkhi ashorupung khimyam müngüh handarü, tüsho amukhungrü alala phünide arübah Atungpuh miki zhip. 6Tüsho Mosanü tha, “Ha nüsanü arhimoshihpü Atungpuhnü thiyukhüm jihkhi rhimo ah; tüsho Atungpuh müretahkhi nüsa ki akhiukbah.” 7Tüsho Mosanü Aron ki tha, “ Kingaünpung ki phünide yüliang, tüsho nüsa le mihtsürübo münean dünthsükhipü neak kingaün tüsho taka kingaünkhi jihang. ATU NGPUH NÜ thiyukhüm jihkhi nangde mihtsürübo neak dünthsükhijang.”
8Jumonü Aronnü kingaünpung phünide yübahle api neak kingaün thsungkheaknü moshipung nunu laksah. 9Api tsührübonü thiyih api kilim handarü, tüsho api yingkhing ju ching thsambahle kingaünpung juhbo kheak rhakkih, tüsho aningkhi thiyih ju kingaünpung jing kheak hiua bah; 10tüshe Atungpuhnü Mosa ki thiyukhüm jihkhi nangde, apinü amüdang le amügüebo tüsho amüsan, neak kingaünkhi chingnü lua kingaünpung kheak tak. 11Tüshe apinü ashihtsü tüsho aküp khimyam aleanglimnü takabah. 12Apinü taka kingaünpü shiwüh laksah; tüsho atsührübonü athiyih handarü jihbah apinü kingaünpung mükamde hiua bah. 13Arünü api kilim aku tüsho akhapthünakkhi shihbo handarü jih, tüsho apinü jurü kingaünpung kheak tak. 14Tüsho apinü bukningbo le ajingbo müsüh tüsho kingaünpung kheak lakhi taka kingaünbe mi kheak yihkih-a tak.
15Jushu, apinü mihtsürübo yo kingaün jih. Akhuhbe api neak kingaün jihkhi nangde, apinü mihnu ju mihtsürübo neak dünkheak jihkhi lubahle laksah-a jih. 16Tüsho apinü taka kingaünpü shiwüh handarübah yakzan yande jih. 17Judüki apinü müyikhüh lubah hi kingaün handarü, tüsho yapsu shuhmülanga takkhi lung kingaün sadam kheak tak. 18Apinü mihtsürübo thsungkheak mungtsü kingaün moshipung tüsho mihnupung laksah. Atsührübonü athiyih lubah arü, tüsho apinü kingaünpung mükamde hiukih, 19tüsho moshipung müdang le mihnupung müdang, amokungro müdang, tüsho bukning muhiukhi müdangmurubo, amügüebo, tüsho amüsan– 20harü arünü akhüh kheak yihkih tüsho amüdang ju kingaünpung kheak tak, 21tüshe Mosanü thiyukhüm jihkhi nangde, Aron nü akhühbo le tsülim pho ju Atungpuh miki müleamde kingaün.
22Aronnü api khah mihtsürübo kilim shuhkih tüsho arü müngühjih; tüsho neak kingaün, taka kingaün, tüsho mungtsü kingaün banshu, api akiabah. 23Mosa tüsho Aron ane Atungpuh shorupung yam ching yüzah, tüsho küyimki ane akhiukkheanü anenü mihtsürübo müngühjih, tüsho mihtsürübo ki Atungpuh müretahkhi akhiuka huh. 24Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.
Currently Selected:
LEVI 9: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 9
9
Amükeamrünü Kingaünkhi
1Nimung atizheah nipü Mosanü Aron le atsührübo tüsho Israel azothsürübo ji, 2tüsho apinü Aron ki tha, “ Neak kingaün thsungkheak moshipung nunu tüsho taka kingaünpü mihnupung lapha mükihkhibo luang, tüsho Atungpuh miki kingaünang. 3Tüsho Israel mihtsürübo ki thaang, ‘ Nüsanü neak kingaünpü mihnupung khülang, tüsho taka kingaünpü kam khülang bankhitkhi moshi nunu tüsho mihnupung lapha mükihkhi luang, 4tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”
5Mosanü thiyukhüm jihkhi nangde arünü athrünkhi ashorupung khimyam müngüh handarü, tüsho amukhungrü alala phünide arübah Atungpuh miki zhip. 6Tüsho Mosanü tha, “Ha nüsanü arhimoshihpü Atungpuhnü thiyukhüm jihkhi rhimo ah; tüsho Atungpuh müretahkhi nüsa ki akhiukbah.” 7Tüsho Mosanü Aron ki tha, “ Kingaünpung ki phünide yüliang, tüsho nüsa le mihtsürübo münean dünthsükhipü neak kingaün tüsho taka kingaünkhi jihang. ATU NGPUH NÜ thiyukhüm jihkhi nangde mihtsürübo neak dünthsükhijang.”
8Jumonü Aronnü kingaünpung phünide yübahle api neak kingaün thsungkheaknü moshipung nunu laksah. 9Api tsührübonü thiyih api kilim handarü, tüsho api yingkhing ju ching thsambahle kingaünpung juhbo kheak rhakkih, tüsho aningkhi thiyih ju kingaünpung jing kheak hiua bah; 10tüshe Atungpuhnü Mosa ki thiyukhüm jihkhi nangde, apinü amüdang le amügüebo tüsho amüsan, neak kingaünkhi chingnü lua kingaünpung kheak tak. 11Tüshe apinü ashihtsü tüsho aküp khimyam aleanglimnü takabah. 12Apinü taka kingaünpü shiwüh laksah; tüsho atsührübonü athiyih handarü jihbah apinü kingaünpung mükamde hiua bah. 13Arünü api kilim aku tüsho akhapthünakkhi shihbo handarü jih, tüsho apinü jurü kingaünpung kheak tak. 14Tüsho apinü bukningbo le ajingbo müsüh tüsho kingaünpung kheak lakhi taka kingaünbe mi kheak yihkih-a tak.
15Jushu, apinü mihtsürübo yo kingaün jih. Akhuhbe api neak kingaün jihkhi nangde, apinü mihnu ju mihtsürübo neak dünkheak jihkhi lubahle laksah-a jih. 16Tüsho apinü taka kingaünpü shiwüh handarübah yakzan yande jih. 17Judüki apinü müyikhüh lubah hi kingaün handarü, tüsho yapsu shuhmülanga takkhi lung kingaün sadam kheak tak. 18Apinü mihtsürübo thsungkheak mungtsü kingaün moshipung tüsho mihnupung laksah. Atsührübonü athiyih lubah arü, tüsho apinü kingaünpung mükamde hiukih, 19tüsho moshipung müdang le mihnupung müdang, amokungro müdang, tüsho bukning muhiukhi müdangmurubo, amügüebo, tüsho amüsan– 20harü arünü akhüh kheak yihkih tüsho amüdang ju kingaünpung kheak tak, 21tüshe Mosanü thiyukhüm jihkhi nangde, Aron nü akhühbo le tsülim pho ju Atungpuh miki müleamde kingaün.
22Aronnü api khah mihtsürübo kilim shuhkih tüsho arü müngühjih; tüsho neak kingaün, taka kingaün, tüsho mungtsü kingaün banshu, api akiabah. 23Mosa tüsho Aron ane Atungpuh shorupung yam ching yüzah, tüsho küyimki ane akhiukkheanü anenü mihtsürübo müngühjih, tüsho mihtsürübo ki Atungpuh müretahkhi akhiuka huh. 24Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.