LEVI 10
10
Nadab tüsho Abihu Neak
1Aron tsührübo Nadab tüsho Abihu, ane abande mophuru lua mo takkihbahle rhümthüneabe yuk, tüsho ju Atungpuh kilim jih. Tüshe mo ju mümüsühkhi lakheah, tümüde Atungpuhnü ane ki ju jihshihpü thiyukhüm müjih. 2Tüsho Atungpuh kilimnü mo akhiukbah Atungpuh miki ane taksahabah. 3Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.
4Mosanü Aron künirü, Uzziel tsührübo Mishael tüsho Elzaphan büne ji tüsho tha, “Ha ching arübah nü keoniorü mibo amüsüh arüngyam chingnü hande yünü khimyam aleanglim zoang.” 5Mosanü thiyukhüm jihkhi nangde, anenü arü tüsho ashemi ju pangkhümpü kheaknü thoa shuhbah khimyam aleanglim wukhiuk.
6Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah. 7Arüngyam ripit kinü dütso, jude thsüsho nüsa ashebah, tümüde Atungpuhnü nüsabo mujude-müsühkhitkhi müdangke nüsa kheak lah.” Jumonü Mosanü athakhi nangde arünü rhimo.
Amükeamrübo thsungkheak Thiyuzüngbo
8 Atungpuhnü Aron ki tha, 9“ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah. 10Nünü amüsüh tüsho amümüsüh dükeak, tüsho amüsühkhitkhi tüsho mümüsühkhitkhi dükeak shihcham thsübeah; 11tüsho Mosa hode Atungpuhnü arü kilim yakzanbo jihkhi nüsanü Israelrü ki huhang.”
12Mosanü Aron tüsho atsührü aningkhi Eleazar le Ithamar ki tha, “Atungpuh kilim taka kingaünkhi chingnü aningkhi hi kingaün ju luang tüsho phaüm muyukde kingaünpung mungyeannü tsühang; tümütüsho ha kingaün khide amüsüh. 13Ha amüsüh dangpung chingnü tsühang, haju Atungpuh kilim taka kingaünkhi chingnü nü tüsho nü tsührübo dün ah; tümüde ha inü thiyukhüm jih. 14Tüsho amükeamrübo dünkheaknü akhüh le apho müleamde Atungpuh kilim jihkhi ju nü tüsho nü tsührübonü atsühpü kuklah. Nüsanü ju amüsüh dangpung khürü chingnü tsühang. Ha kingaünbo ha Israelrü mungtsü kingaün chingnü ayihkhitkhi nü tüsho nü tsührübo shihcham ah. 15Arung kingaünkhi apho tüsho müleamde kingaünkhi akhüh ju, Atungpuh miki müleamde kingaünpü thsüde taka kingaünkhi amüdang lung handarübah, tüsho Atungpuhnü thiyukhüm jihkhi nangde, ha nü tüsho nü tsührübonü lünnü rhimode ayüpü yakzan labah.”
16Tüsho Mosanü neak kingaünpü mihnu dünkheak düshihde atsangashu tüsho ju takabah-a lakheah. Ju dünkheaknü Aron tsührübo aninga lakhi Eleazar le Ithamar büne ki bukakhiuk, tüsho tha, 17“Tümüde nüsanü neak kingaünkhi amüsüh dangpung chingnü mütsühkhea? Tümüde ha khide amüsüh, tüsho boto neak dünthsükhishihpü thsüde Atungpuhnü nüsa kilim jihkheah. 18Kheahang! Ju thiyih arüngyam alunglim hande mazah-a lah; inü thiyukhüm jihkhi nangde nüsanü arüngyam chingnü atsühpü lado.”
19Tüsho Aronnü Mosa ki alo, “ Kheahang, khihni arünü neak kingaün tüsho taka kingaünkhi Atungpuh kilim jihdo; judüalalashe I kheak atrebe dünjia lah! Inü neak kingaünkhi khihni tsühkhülaa, Atungpuh miki aleangkhikhukbe laba shi?” 20Küyimki Mosanü ju sokhea, api reangkeamabah.
Currently Selected:
LEVI 10: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 10
10
Nadab tüsho Abihu Neak
1Aron tsührübo Nadab tüsho Abihu, ane abande mophuru lua mo takkihbahle rhümthüneabe yuk, tüsho ju Atungpuh kilim jih. Tüshe mo ju mümüsühkhi lakheah, tümüde Atungpuhnü ane ki ju jihshihpü thiyukhüm müjih. 2Tüsho Atungpuh kilimnü mo akhiukbah Atungpuh miki ane taksahabah. 3Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.
4Mosanü Aron künirü, Uzziel tsührübo Mishael tüsho Elzaphan büne ji tüsho tha, “Ha ching arübah nü keoniorü mibo amüsüh arüngyam chingnü hande yünü khimyam aleanglim zoang.” 5Mosanü thiyukhüm jihkhi nangde, anenü arü tüsho ashemi ju pangkhümpü kheaknü thoa shuhbah khimyam aleanglim wukhiuk.
6Tüsho Mosanü Aron le atsührüne Eleazar tüsho Ithamar ki tha, “ Nüsa mulong rozhaklah de akheahkhitshihpü thsüde nüsa ku düdukiu, tüsho khimmih dürukrüp, jude thsüsho nüsa ashebah tüsho Atungpuh bukakhiukkhi boto alala kheak yükihbah. Tüshe nü keoniorü tüsho Israelrü yamkhün alalanü, Atungpuhnü monü ataksahshihkhi dünkheak mulong rozhakpü kuklah. 7Arüngyam ripit kinü dütso, jude thsüsho nüsa ashebah, tümüde Atungpuhnü nüsabo mujude-müsühkhitkhi müdangke nüsa kheak lah.” Jumonü Mosanü athakhi nangde arünü rhimo.
Amükeamrübo thsungkheak Thiyuzüngbo
8 Atungpuhnü Aron ki tha, 9“ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah. 10Nünü amüsüh tüsho amümüsüh dükeak, tüsho amüsühkhitkhi tüsho mümüsühkhitkhi dükeak shihcham thsübeah; 11tüsho Mosa hode Atungpuhnü arü kilim yakzanbo jihkhi nüsanü Israelrü ki huhang.”
12Mosanü Aron tüsho atsührü aningkhi Eleazar le Ithamar ki tha, “Atungpuh kilim taka kingaünkhi chingnü aningkhi hi kingaün ju luang tüsho phaüm muyukde kingaünpung mungyeannü tsühang; tümütüsho ha kingaün khide amüsüh. 13Ha amüsüh dangpung chingnü tsühang, haju Atungpuh kilim taka kingaünkhi chingnü nü tüsho nü tsührübo dün ah; tümüde ha inü thiyukhüm jih. 14Tüsho amükeamrübo dünkheaknü akhüh le apho müleamde Atungpuh kilim jihkhi ju nü tüsho nü tsührübonü atsühpü kuklah. Nüsanü ju amüsüh dangpung khürü chingnü tsühang. Ha kingaünbo ha Israelrü mungtsü kingaün chingnü ayihkhitkhi nü tüsho nü tsührübo shihcham ah. 15Arung kingaünkhi apho tüsho müleamde kingaünkhi akhüh ju, Atungpuh miki müleamde kingaünpü thsüde taka kingaünkhi amüdang lung handarübah, tüsho Atungpuhnü thiyukhüm jihkhi nangde, ha nü tüsho nü tsührübonü lünnü rhimode ayüpü yakzan labah.”
16Tüsho Mosanü neak kingaünpü mihnu dünkheak düshihde atsangashu tüsho ju takabah-a lakheah. Ju dünkheaknü Aron tsührübo aninga lakhi Eleazar le Ithamar büne ki bukakhiuk, tüsho tha, 17“Tümüde nüsanü neak kingaünkhi amüsüh dangpung chingnü mütsühkhea? Tümüde ha khide amüsüh, tüsho boto neak dünthsükhishihpü thsüde Atungpuhnü nüsa kilim jihkheah. 18Kheahang! Ju thiyih arüngyam alunglim hande mazah-a lah; inü thiyukhüm jihkhi nangde nüsanü arüngyam chingnü atsühpü lado.”
19Tüsho Aronnü Mosa ki alo, “ Kheahang, khihni arünü neak kingaün tüsho taka kingaünkhi Atungpuh kilim jihdo; judüalalashe I kheak atrebe dünjia lah! Inü neak kingaünkhi khihni tsühkhülaa, Atungpuh miki aleangkhikhukbe laba shi?” 20Küyimki Mosanü ju sokhea, api reangkeamabah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.