ISAIA 59
59
Mihtsürübo Neak
1Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang. 2Ju yungde, nü neakbonü nü le nü Thrünpuh dükeak rhübo lah, tüsho nü neakbonü api miro nü kheaknü jikshihlah, junangde apinü muso. 3Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.
4Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh. 5Arünü phuruto ke hüpchoh, tüsho mutruktrukbe zheang keakchoh; sherünü arü ke tsühbanü shechoh, ake trükhi chingnü phuruto hüpkhitchoh. 6Arü azheangliubonü khim nangde müthsükhuk; arünü athsükhinü arü muphudori. Arü rhimobo ju amülim rhimobo lah, tüsho thiyih bukkhi rhimobo arü khah ching lah. 7Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah. 8Arünü mungtsü limro mümükheah, tüsho arü limro ching thiyuro müla. Arünü akiukhi limrobo khürangdo lah; ju ching tsahrü shenü she mungtsü mümükheah.
Mihtsürübo Neak Alokhikhi
9Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh. 10Isa müktukrü nangde rhü yande ajamchoh, mük mülarü nangde ajamchoh; shuhyini ching nangde animuro isa jing mükhechoh, sühmüh larü bolung isa asherü nangde lah. 11Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.
12Tümüde isanü athsümünimkhibo nü miki hihde lah, tüsho isa neakbonü isa azhihde thiyumütsan jihchoh. Isanü athsümünimkhibo atsütsü isa kheak lah, tüsho isanü isa mülimkhibo mükheahlah: 13thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah. 14Thiyuro rholode tsodo, tüsho thiyuro-lungki limshu ching zhiplah; tümüde thiyuro ju kiudunglimro ching lunga lah, tüsho alungkikhi mazahkhuk. 15Thiyuro mülatsan, tüsho amütsü chingnü rholorü thsümünima lah.
Mihtsürübo Khümkhitkhi
Atungpuhnü ha ngüdo, tüsho api masühde kamshih, junangde thiyuro mülakheah. 16Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo. 17Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang. 18Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah. 19Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.
20Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh. 21Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.
Currently Selected:
ISAIA 59: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
ISAIA 59
59
Mihtsürübo Neak
1Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang. 2Ju yungde, nü neakbonü nü le nü Thrünpuh dükeak rhübo lah, tüsho nü neakbonü api miro nü kheaknü jikshihlah, junangde apinü muso. 3Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.
4Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh. 5Arünü phuruto ke hüpchoh, tüsho mutruktrukbe zheang keakchoh; sherünü arü ke tsühbanü shechoh, ake trükhi chingnü phuruto hüpkhitchoh. 6Arü azheangliubonü khim nangde müthsükhuk; arünü athsükhinü arü muphudori. Arü rhimobo ju amülim rhimobo lah, tüsho thiyih bukkhi rhimobo arü khah ching lah. 7Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah. 8Arünü mungtsü limro mümükheah, tüsho arü limro ching thiyuro müla. Arünü akiukhi limrobo khürangdo lah; ju ching tsahrü shenü she mungtsü mümükheah.
Mihtsürübo Neak Alokhikhi
9Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh. 10Isa müktukrü nangde rhü yande ajamchoh, mük mülarü nangde ajamchoh; shuhyini ching nangde animuro isa jing mükhechoh, sühmüh larü bolung isa asherü nangde lah. 11Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.
12Tümüde isanü athsümünimkhibo nü miki hihde lah, tüsho isa neakbonü isa azhihde thiyumütsan jihchoh. Isanü athsümünimkhibo atsütsü isa kheak lah, tüsho isanü isa mülimkhibo mükheahlah: 13thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah. 14Thiyuro rholode tsodo, tüsho thiyuro-lungki limshu ching zhiplah; tümüde thiyuro ju kiudunglimro ching lunga lah, tüsho alungkikhi mazahkhuk. 15Thiyuro mülatsan, tüsho amütsü chingnü rholorü thsümünima lah.
Mihtsürübo Khümkhitkhi
Atungpuhnü ha ngüdo, tüsho api masühde kamshih, junangde thiyuro mülakheah. 16Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo. 17Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang. 18Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah. 19Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.
20Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh. 21Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.