ISAIA 57
57
Israel Sangthsü Bahyukkhi
1Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh, 2tüsho arü mungtsü ching yüzahchoh; sherünü lungkide tsahchonü arü binkiu kheak sühakhimbah.
3Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang. 4She kheak nüsanü keangrücho? She kheak azhihde nüsa mün mülihde khimshuhcho tüsho nüsa mulo chungkhitcho? Nüsa alakmihrü tsührü, akeangyu tharü tsührübo yung de– 5nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo? 6Yungzü kelungbo bolung nü shihcham lah; arübo nü shihcham; arü kheak nünü yukhu dungkih, nünü hi kingaün handarü. Harü kheak inü asühba de? 7Khide achang awungbo kheak nünü nü yapkiu kheanga zolah, tüsho ju ching nünü laksah-a kingaünpü wutudo. 8Khimdopü tüsho khimdopü-dungjing dunglim nünü nü amütsan khima zolah; tümüde, I bahyukde, nünü nü yapkiu lokhitdo, nünü ju kheak yükihdo, nünü ju mülihde kamshih; tüsho nünü arü kheak nü alü thsüa lu, nünü arü yapkiu muzho, nünü arü bünkeang kheak kheah. 9Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih. 10Hihde arümkhinü nü keakabah, tüshe nünü, “Ha akeangkeang” de mütha. Nünü nü shihkünkhi alü kamdo de ngü, tüsho junangde nünü muyiuhyiuh.
11Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de? 12Inü nü thiyuro-lungki tüsho nü rhimobo lahkhita huhbah, tüshe arünü nü murung. 13Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.
Thrünpuh Arung tüsho Thsüngupü Alokhikhi
14Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”
15Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah. 16Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah. 17Arü mihbukmuyuk yihnelunekhi hode inü bukakhiuk; inü arü shik, inü lak tüsho bukakhiuk; tüshe arünü nihbuh limro ching rholode tso.
18Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah: 19Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah. 20Tüshe mihbukmuyuk ju keto bukkhi nangde zhikde mülakhuk; ke bukkhinü aneak tüsho akhimniuhniuh rhukihchoh. 21Ju ching mihbukmuyuk thsungkheak mungtsü müla, I Thrünpuhnü thachoh.
Currently Selected:
ISAIA 57: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
ISAIA 57
57
Israel Sangthsü Bahyukkhi
1Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh, 2tüsho arü mungtsü ching yüzahchoh; sherünü lungkide tsahchonü arü binkiu kheak sühakhimbah.
3Tüshe nüsa thsungkheaknü a, nüsa thümüthiyirü tsührübo, nüsa müzammüram tüsho pang yinrü tsührübo ha ching arang. 4She kheak nüsanü keangrücho? She kheak azhihde nüsa mün mülihde khimshuhcho tüsho nüsa mulo chungkhitcho? Nüsa alakmihrü tsührü, akeangyu tharü tsührübo yung de– 5nüsa thülamsang khüp, sangdung phüyak aban khüp müzammüramrübo; nüsa tsührübo jindükhün ching, lunghü khün ching laksahrübo? 6Yungzü kelungbo bolung nü shihcham lah; arübo nü shihcham; arü kheak nünü yukhu dungkih, nünü hi kingaün handarü. Harü kheak inü asühba de? 7Khide achang awungbo kheak nünü nü yapkiu kheanga zolah, tüsho ju ching nünü laksah-a kingaünpü wutudo. 8Khimdopü tüsho khimdopü-dungjing dunglim nünü nü amütsan khima zolah; tümüde, I bahyukde, nünü nü yapkiu lokhitdo, nünü ju kheak yükihdo, nünü ju mülihde kamshih; tüsho nünü arü kheak nü alü thsüa lu, nünü arü yapkiu muzho, nünü arü bünkeang kheak kheah. 9Nünü müdangke hanbah Molek kilim yü, tüsho nü yo rhümthüneabebo hihde muju; nünü nü yunithsürübo limshude yüshih tüsho Ashe-lomi ching she yüzahshih. 10Hihde arümkhinü nü keakabah, tüshe nünü, “Ha akeangkeang” de mütha. Nünü nü shihkünkhi alü kamdo de ngü, tüsho junangde nünü muyiuhyiuh.
11Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de? 12Inü nü thiyuro-lungki tüsho nü rhimobo lahkhita huhbah, tüshe arünü nü murung. 13Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.
Thrünpuh Arung tüsho Thsüngupü Alokhikhi
14Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”
15Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah. 16Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah. 17Arü mihbukmuyuk yihnelunekhi hode inü bukakhiuk; inü arü shik, inü lak tüsho bukakhiuk; tüshe arünü nihbuh limro ching rholode tso.
18Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah: 19Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah. 20Tüshe mihbukmuyuk ju keto bukkhi nangde zhikde mülakhuk; ke bukkhinü aneak tüsho akhimniuhniuh rhukihchoh. 21Ju ching mihbukmuyuk thsungkheak mungtsü müla, I Thrünpuhnü thachoh.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.