ISAIA 56
56
Thrünpuh Mihtsürü Lung Trükshih Alala Berubah
1 Atungpuhnü ha thachoh: Thiyuro zoang, tüsho alungki rhimoang, tümüde I akhümkhit nahde arübah, tüsho inü thiyurolungki akhiuka huhbah. 2Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.
3Khiungkerünü ha thade A TU N GPU H lung darüshih, “Tsükjide Atungpuhnü I api mihtsürü kheaknü akhinshihbah”; tüsho dukhanü düthashih, “ I a akung sangdung khülang lang ah.” 4Tümüde Atungpuhnü ha thachoh: I yo amuni mungkhi dukha kilim, shepünü I asühbe mokhitcho tüsho I yo tangzüng düküngde ramlocho, 5inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.
6Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho– 7harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah. 8Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.
Israel Limberübo Bahyuk
9Nüsa mütüm shiwüh alala, murung ching mütüm shiwüh alala, amuyupü arang! 10Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh. 11Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo. 12“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”
Currently Selected:
ISAIA 56: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
ISAIA 56
56
Thrünpuh Mihtsürü Lung Trükshih Alala Berubah
1 Atungpuhnü ha thachoh: Thiyuro zoang, tüsho alungki rhimoang, tümüde I akhümkhit nahde arübah, tüsho inü thiyurolungki akhiuka huhbah. 2Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.
3Khiungkerünü ha thade A TU N GPU H lung darüshih, “Tsükjide Atungpuhnü I api mihtsürü kheaknü akhinshihbah”; tüsho dukhanü düthashih, “ I a akung sangdung khülang lang ah.” 4Tümüde Atungpuhnü ha thachoh: I yo amuni mungkhi dukha kilim, shepünü I asühbe mokhitcho tüsho I yo tangzüng düküngde ramlocho, 5inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.
6Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho– 7harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah. 8Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.
Israel Limberübo Bahyuk
9Nüsa mütüm shiwüh alala, murung ching mütüm shiwüh alala, amuyupü arang! 10Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh. 11Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo. 12“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.