GALATIA 6
6
Hahmülang Hanrungachihang
1Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang. 2Khülangnü khülang hahmülang hanrungachihang, tüsho junangde Khrista yakzan dünjishang. 3Tümüde khürünü tümü mülade api ju tümüanü ah de lümsho, apinü küdah thsüde mülapyukchoh. 4Tüshe mihbüm abannü nihbuh rhimo akea kheahang, tüsho apinü kükheangkhi amütsan yamhingrü kheak yungde anihbuh kheak lang alabah. 5Tümüde mihtsürü abannü nihbuh hah hanbeah.
6Shepü ki thiyu thsangyukhea, api kukruk atsü alala thsangyurü ki chamachihang.
7Nüsa küdah thsüde dümülapyuk; Thrünpuh keangrüpü mukuk, tümüde mihtsürünü tümüpürü hiuchonü apinü ju lang yimlubah. 8Tümüde shepünü nihbuh shih ching hiuchonü shih chingnü athsümünim yimlubah; tüshe shepünü Me ching hiuchonü Me chingnü lün rhangdung yimlubah. 9Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah. 10Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.
Akheam Atünadoyu tüsho Salüm
11I khahnü tümü müzhido thrüta lanü kheahang. 12Sherünü amikheak atsü huhpü künlanü nüsa reangkiha tsütabahshihpü mürangchoh. Arünü ha rhimokhi amütsan ju Khrista sangkim dünkheaknü thsümüchi tsokhitpü lah. 13Tümütüsho tsütabahrünü she yakzan muzochoh tüshe nüsa shih ching arünü kükheangpü thsüde arünü nüsa tsütabahshihpü künlah. 14Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang. 15Tsütabahkhi yungsho tsütamübahkhi tümü she yung; aso thrünlokhi ju lang khechoh. 16Ha yuzüng hode atsahrü alala, Thrünpuh mihtsürübo kheak mungtsü tüsho mihmüthsüm laang.
17Kheakünü rünbah mihtsürü shenü she I küpkhuk düjihshih; tümüde inü I pang kheak Jisu yo areakbo hanlah.
18Keoniorübo, isa Atungpuh Jisu Khrista amüthsüm nüsa me lung laang. Amen.
Currently Selected:
GALATIA 6: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
GALATIA 6
6
Hahmülang Hanrungachihang
1Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang. 2Khülangnü khülang hahmülang hanrungachihang, tüsho junangde Khrista yakzan dünjishang. 3Tümüde khürünü tümü mülade api ju tümüanü ah de lümsho, apinü küdah thsüde mülapyukchoh. 4Tüshe mihbüm abannü nihbuh rhimo akea kheahang, tüsho apinü kükheangkhi amütsan yamhingrü kheak yungde anihbuh kheak lang alabah. 5Tümüde mihtsürü abannü nihbuh hah hanbeah.
6Shepü ki thiyu thsangyukhea, api kukruk atsü alala thsangyurü ki chamachihang.
7Nüsa küdah thsüde dümülapyuk; Thrünpuh keangrüpü mukuk, tümüde mihtsürünü tümüpürü hiuchonü apinü ju lang yimlubah. 8Tümüde shepünü nihbuh shih ching hiuchonü shih chingnü athsümünim yimlubah; tüshe shepünü Me ching hiuchonü Me chingnü lün rhangdung yimlubah. 9Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah. 10Jumonü isa kim lakhi ching, isanü mihtsürü alala ki, adungto thsüde akinrü yamkhünbo ki atsü rhimoanü.
Akheam Atünadoyu tüsho Salüm
11I khahnü tümü müzhido thrüta lanü kheahang. 12Sherünü amikheak atsü huhpü künlanü nüsa reangkiha tsütabahshihpü mürangchoh. Arünü ha rhimokhi amütsan ju Khrista sangkim dünkheaknü thsümüchi tsokhitpü lah. 13Tümütüsho tsütabahrünü she yakzan muzochoh tüshe nüsa shih ching arünü kükheangpü thsüde arünü nüsa tsütabahshihpü künlah. 14Tüshe küpü hode alomi I lung, tüsho l alomi lung yümkihkhea, isa Atungpuh Jisu Khrista sangkim kheak hode akükheangpü I kheaknü limshuang. 15Tsütabahkhi yungsho tsütamübahkhi tümü she yung; aso thrünlokhi ju lang khechoh. 16Ha yuzüng hode atsahrü alala, Thrünpuh mihtsürübo kheak mungtsü tüsho mihmüthsüm laang.
17Kheakünü rünbah mihtsürü shenü she I küpkhuk düjihshih; tümüde inü I pang kheak Jisu yo areakbo hanlah.
18Keoniorübo, isa Atungpuh Jisu Khrista amüthsüm nüsa me lung laang. Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.