GALATIA 5
5
Khrista ching Zuzu
1Zuzu thsungkheaknü Khristanü isa zuzu kamshih; jumonü düküngde zhipang, tüsho azhorü sangshuh ching düshuhlo.
2Kheakü nüsanü tsütabahsho nüsa thsungkheaknü Khrista ju tümü yihnüpü müla de I Paulnü nüsa ki thachoh. 3Shepünü tsütabahchonü apinü yakzan alala anipü kamchoh de mihtsürübo aban ki inü thiyumütsan thsülochoh. 4Nüsa shepünü yakzan hode alim thsüpü mürangchonü Khrista kheaknü limshudo; amüthsüm chingnü nü chamkhide tsodo. 5Tüshe akinnü, Me hode thiyuro-lungki mulonglam isanü aleangchoh. 6Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh. 7Nüsa tsüde rhimode alakheah; shepünü nüsa thiyuro anipü chingnü tukloshihkhea? 8Ha athsungkhi ju nü jibuh kilimnü yung. 9#1 Kor 5.6Phaüm anikhühnü yikhap alala bümkihshihchoh. 10Nüsanü püpü lümkhi müthsüpü inü Atungpuh kheak mulongram lah. Nüsa yingyingshihbuh ju shepü shepü thsüthsü she Atungpuhnü thsümüchibah. 11Tüshe keoniorübo, inü judü lang tsütabahpü thsangyuthsangrasho, tümüde kheakü khiungde I thsümüchikhi la? Judeasho inü sangkim dünkheak thsangyuthsangrakhinü küpkhuk tümü makhiukshih. 12Nüsa kipathsük jihrü ju inü a khapthumunga bahshihnelah.
13Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang. 14Tümüde yakzan alala thiyu khülang ching tharüplah, “Nünü nü yamhingrü ki nihbuh nangde muzhoang.” 15Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.
Me tüsho Mihtsürü Susu
16Tüshe inü thachoh, Me hode tsahang, tüsho shihkünkhi reangdükeamshih. 17#Rom 7.15-23Tümüde shihnü Me azhihde künchoh; tüsho harü khülangnü khülang mübaplapachih, junangde nünü alümkhi rhimopü zhipdochoh. 18Tüshe Menü nü besho nü ju yakzan khüp müla. 19Kheakü shih rhimo mütsande lah: müzammüram, mümüsühkhi, yüliyürakhi, 20sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo, 21lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh. 22Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi, 23azhihayih, nihbuh danyukkhi; hadürü azhihdüa yakzan müla. 24Tüsho sherü Jisu Khrista yoanü akünkhi tüsho amürühkhi bede shih yakli yümkihabahdo. 25Isanü Me hode lachosho, isanü Menü abekhi ching tsahanü. 26Isanü khülangnü khülang ki mükükheangnü, bukmakhiukshihnü yungsho mulungkhangnü.
Currently Selected:
GALATIA 5: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
GALATIA 5
5
Khrista ching Zuzu
1Zuzu thsungkheaknü Khristanü isa zuzu kamshih; jumonü düküngde zhipang, tüsho azhorü sangshuh ching düshuhlo.
2Kheakü nüsanü tsütabahsho nüsa thsungkheaknü Khrista ju tümü yihnüpü müla de I Paulnü nüsa ki thachoh. 3Shepünü tsütabahchonü apinü yakzan alala anipü kamchoh de mihtsürübo aban ki inü thiyumütsan thsülochoh. 4Nüsa shepünü yakzan hode alim thsüpü mürangchonü Khrista kheaknü limshudo; amüthsüm chingnü nü chamkhide tsodo. 5Tüshe akinnü, Me hode thiyuro-lungki mulonglam isanü aleangchoh. 6Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh. 7Nüsa tsüde rhimode alakheah; shepünü nüsa thiyuro anipü chingnü tukloshihkhea? 8Ha athsungkhi ju nü jibuh kilimnü yung. 9#1 Kor 5.6Phaüm anikhühnü yikhap alala bümkihshihchoh. 10Nüsanü püpü lümkhi müthsüpü inü Atungpuh kheak mulongram lah. Nüsa yingyingshihbuh ju shepü shepü thsüthsü she Atungpuhnü thsümüchibah. 11Tüshe keoniorübo, inü judü lang tsütabahpü thsangyuthsangrasho, tümüde kheakü khiungde I thsümüchikhi la? Judeasho inü sangkim dünkheak thsangyuthsangrakhinü küpkhuk tümü makhiukshih. 12Nüsa kipathsük jihrü ju inü a khapthumunga bahshihnelah.
13Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang. 14Tümüde yakzan alala thiyu khülang ching tharüplah, “Nünü nü yamhingrü ki nihbuh nangde muzhoang.” 15Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.
Me tüsho Mihtsürü Susu
16Tüshe inü thachoh, Me hode tsahang, tüsho shihkünkhi reangdükeamshih. 17#Rom 7.15-23Tümüde shihnü Me azhihde künchoh; tüsho harü khülangnü khülang mübaplapachih, junangde nünü alümkhi rhimopü zhipdochoh. 18Tüshe Menü nü besho nü ju yakzan khüp müla. 19Kheakü shih rhimo mütsande lah: müzammüram, mümüsühkhi, yüliyürakhi, 20sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo, 21lungkhangkhi, müshangmuru, amakham adanasün, tüsho judürü püpübo. Shepünü hadürü rhimochonü Thrünpuh kiulongthsü yamrüplurüp mulu de püpüki nangde inü nüsa ki thachoh. 22Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi, 23azhihayih, nihbuh danyukkhi; hadürü azhihdüa yakzan müla. 24Tüsho sherü Jisu Khrista yoanü akünkhi tüsho amürühkhi bede shih yakli yümkihabahdo. 25Isanü Me hode lachosho, isanü Menü abekhi ching tsahanü. 26Isanü khülangnü khülang ki mükükheangnü, bukmakhiukshihnü yungsho mulungkhangnü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.