KOLOSI 4
4
1 #
Efi 6.9
Aputungrübo, nüsa she yinmi ching Aputungrü khülang lah de mükheahbah nüsa yamlarübo ki alungkinü tüsho tsüde mütrüang.
Thsangdankhibo
2Makshe jihkhi ching kurhangde, müdüchingde tamkhüntamnüpü ching düküngang; 3I küpü dünkheak rihyam ching la, Khrista aramyu khipkhitpü thiyusheak thsungkheak Thrünpuhnü ripit khimshuhpü isa thsungkheak she tamkhüntamnüjang, 4junangde inü athapü lümkhi nangde ju mütsanmükhia jihbah. 5#Efi 5.16Nü kim tsüde ahoride, amükinrü ki lümlung lade rhimoang. 6Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.
Akheam Salüm
7 #
Yunir 20.4; 2 Tim 4.12 #
Efi 6.21,22 I rhimo alala dünkheak Tykikanü nüsa ki thabah; api ju amuzhokhi keoniorü, thiyuro tankihrü tüsho Atungpuh lung rukhüh tankihrü ah. 8Inü ha thsungkheaknü api nüsa kilim thiyichoh, junangde isa künangde lanü nüsanü amükheahbah tüsho apinü nüsa mulong toshihbah. 9#Phi 1.10-12Tüsho api lung thiyuro lakhi tüsho amuzhokhi keoniorü, nüsa borü Onesima arüchoh. Ha ching dünjikhi lüpdükhi anenü nüsa ki thabah.
10 #
Yunir 19.29; 27.2; Phi 1.24; Yunir 12.12,25; 13.13; 15.37-39 I lung rihyam ching lakhi Aristarka tüsho Barnaba phüle Marknü nüsa kilim salüm mühahchoh (Mk dünkheak küde arhimobeanü nüsanü thsangdan ludüle, api nüsa kilim arüsho beyukang), 11tüsho Justa de ajikhi Jisunü she salüm mühahchoh. Thrünpuh kiulongthsü thsungkheak rukhüh rhimorü bolung harü lang tsütabahkhi mihtsürübo ah, tüsho arü ju I mulong shukheam khülang lakheah. 12#Kol 1.7; Phi 1.23Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh. 13Tümüde apinü nüsa le Laodikea tüsho Hierapoli ching larü thsungkheak mürangde rhimodo de inü api thiyumütsan thsüchoh. 14#2 Tim 4.11; Phi 1.24; 2 Tim 4.10; Phi 1.24Molimükheahbuh amuzho Luk tüsho Demanü nüsa kilim salüm jihchoh. 15Laodikea ching larü keoniorübo, tüsho Nympha le anihbe yam ching borü ki I yo salüm thajang. 16Tüsho küyimki ha kihüm nüsa bolung khebanü, Laodikea arüngyam ching she kheang; tüsho nüsanü Laodikearü kihüm she kheang. 17#Phi 1.2Tüsho Arkeppa ki thaang, “Atungpuh tankihpü ching nü kilim jihkhi rhimo akuk ngüpü thsang.”
18I Paul, ha salüm I khahnü thrütchoh. I rihyam ching lakhi lümkhitjang. Nüsa lung amüthsüm laang.
Currently Selected:
KOLOSI 4: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
