AMOS 6
6
Israel Thsümünimkhi
1Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe! 2Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de? 3Thsümütsü arüpü nimung nüsanü reanglo, tüshe nüsa rhimonü ju nimung phünide hande arüchoh. 4Sherü thsotorü yapkiu kheak yapcho, tüsho dükhümbinkiubo kheak zuh-a bincho, tüsho mihnu bolungnü namfimihnunu tüsho moshi bolungnü moshi nunu tsühchonü ayokhe; 5shepünü khün müjimpü küncho, tüsho David nangde khün-khungbe kingcho; 6shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü! 7Jumonü arü akhuhde ramtso ching yübah, tüsho adanasün tüsho aniojikhi akheam thsübah.
8Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.
9Thüyam khülang ching mihtsürü 10 aninga lasho, arü ashebah. 10Tüsho betsührü khülang mitakrünü mi ju thüyam chingnü hankhitbah thüyam alunglim labuh ki, “ Nü lung khürü la shi?” de keosho, apinü alobah, “ Yung.” Judüki betsührünü athabah, “Dalan! Isanü Atungpuh mung mütambeah.”
11Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah. 12Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.
13Nüsa sherü Lodebar#Akeangkeang. kukkhi ching asühachihcho, sherünü tha, “ Isanü isa sühmühnü Karnaim lukhi yung de?”
14Atsütsü, inü nüsa azhihde trükshih khülang bemusuchoh, O Israel, Atungpuh , Wuto Thrünpuhnü thachoh, tüsho arünü Lebo-hamath chingnü Araba ayung khiungde nüsa junobah.
Currently Selected:
AMOS 6: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMOS 6
6
Israel Thsümünimkhi
1Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe! 2Kalne hode yüang, tüsho kheahang; ju chingnü Hamath ato ching yüang; jushu Filistia ching Gath lim yükiang. Nüsa kiulongthsü mahne kheaknü arü atsübea de? Yungsho arü lomi nüsa kheaknü atobea de? 3Thsümütsü arüpü nimung nüsanü reanglo, tüshe nüsa rhimonü ju nimung phünide hande arüchoh. 4Sherü thsotorü yapkiu kheak yapcho, tüsho dükhümbinkiubo kheak zuh-a bincho, tüsho mihnu bolungnü namfimihnunu tüsho moshi bolungnü moshi nunu tsühchonü ayokhe; 5shepünü khün müjimpü küncho, tüsho David nangde khün-khungbe kingcho; 6shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü! 7Jumonü arü akhuhde ramtso ching yübah, tüsho adanasün tüsho aniojikhi akheam thsübah.
8Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.
9Thüyam khülang ching mihtsürü 10 aninga lasho, arü ashebah. 10Tüsho betsührü khülang mitakrünü mi ju thüyam chingnü hankhitbah thüyam alunglim labuh ki, “ Nü lung khürü la shi?” de keosho, apinü alobah, “ Yung.” Judüki betsührünü athabah, “Dalan! Isanü Atungpuh mung mütambeah.”
11Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah. 12Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.
13Nüsa sherü Lodebar#Akeangkeang. kukkhi ching asühachihcho, sherünü tha, “ Isanü isa sühmühnü Karnaim lukhi yung de?”
14Atsütsü, inü nüsa azhihde trükshih khülang bemusuchoh, O Israel, Atungpuh , Wuto Thrünpuhnü thachoh, tüsho arünü Lebo-hamath chingnü Araba ayung khiungde nüsa junobah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.