AMOS 5
5
Mulong Müthripü Jikhi
1Inü nü kurungkheak tüzhokhi yu ha aniang, O Israel yamkhün:
2Anünübe Israel masürülopü thsüde lunga lah;
anihbe lo kheak bahyuka lah,
shenü anihbe mülahmusu.
3Tümüde Atungpuh Thrünpuhnü ha thachoh: Kiuto khülang chingnü 1000 tsahmusukhi 100 aningbah, tüsho 100 tsahmusukhi chingnü 10 aningbah.
4Tümüde Atungpuhnü Israel yamkhün ki ha thachoh: I yimang tüsho laang; 5tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah. 6Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt. 7Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!
8Shepünü chirhangshuhrü tüsho yamungshuhrü thrünkhea,
tüsho zhingdoa amitingkhi ju yapsu kamshihkhea,
tüsho animung ju azhing kamshihkhea,
Shepünü keto kebo jikhea tüsho alo kheak dungkhitkhea,
Atungpuh ju api mung,
9shepünü sühmüh lakhi azhihde athsümünim phürapshih,
junangde chipi kheak athsümünim arü.
10Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh. 11Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung. 12Tümüde nüsanü alakmihkhi küdükhühanü, tüsho nüsa neakbo küdükhüh atoanü inü mükheahlah–nüsa shepünü thiyuro-lungkirü thsünüshihcho, shenü buknim lucho, tüsho chipimurung ching müthsümülarü nimhuh-a bahcho. 13Jumonü rük larünü a hadürü kim ching malanchoh; tümüde ha amütsü kim khülang ah.
14Amütsü yungde atsü yimang, junangde nüsa alabah; tüsho junangde nüsanü athakhi nangde Atungpuh , Wuto Thrünpuh nüsa lung labah. 15Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.
16Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah; 17kurungasolu alala ching mitripkhi labah, tümüde I nüsa bolung tsahhobah, Atungpuhnü thachoh.
Atungpuh Nimung
18Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung; 19khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde! 20Atungpuh nimung ju ayin yungde amiting, tüsho ayinatrüm mülade aliudokhi yung de?
21Inü thraneanlah, inü nüsa thüniobo khenochoh, tüsho nüsa arüngako mukhungbo ching inü masüh. 22Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah. 23Nüsa khün düsheakbo I kheaknü lude tsoang; nüsa bingshang khungkhi inü mani. 24Tüshe thiyuro ju kebo nangde tüsho thiyuro-lungki ayung ato nangde bukshang.
25Kam yirü dükeak sunglo ching nüsanü I kilim laksah-a kingaün tüsho kingaünbo hande arüdü de, O Israel yamkhün? 26Nüsanü nüsa kiulongthsüpuh Sakkuth, tüsho nüsa chining-thrünpuh Kaiwan, nüsanü nüsa thsungkheak thsükhi mejakbo kingaündo; 27jumonü inü nüsa Damaska hode ramtso ching bede ayübah, Wuto mung lakhi Thrünpuh, Atungpuhnü thachoh.
Currently Selected:
AMOS 5: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMOS 5
5
Mulong Müthripü Jikhi
1Inü nü kurungkheak tüzhokhi yu ha aniang, O Israel yamkhün:
2Anünübe Israel masürülopü thsüde lunga lah;
anihbe lo kheak bahyuka lah,
shenü anihbe mülahmusu.
3Tümüde Atungpuh Thrünpuhnü ha thachoh: Kiuto khülang chingnü 1000 tsahmusukhi 100 aningbah, tüsho 100 tsahmusukhi chingnü 10 aningbah.
4Tümüde Atungpuhnü Israel yamkhün ki ha thachoh: I yimang tüsho laang; 5tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah. 6Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt. 7Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!
8Shepünü chirhangshuhrü tüsho yamungshuhrü thrünkhea,
tüsho zhingdoa amitingkhi ju yapsu kamshihkhea,
tüsho animung ju azhing kamshihkhea,
Shepünü keto kebo jikhea tüsho alo kheak dungkhitkhea,
Atungpuh ju api mung,
9shepünü sühmüh lakhi azhihde athsümünim phürapshih,
junangde chipi kheak athsümünim arü.
10Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh. 11Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung. 12Tümüde nüsanü alakmihkhi küdükhühanü, tüsho nüsa neakbo küdükhüh atoanü inü mükheahlah–nüsa shepünü thiyuro-lungkirü thsünüshihcho, shenü buknim lucho, tüsho chipimurung ching müthsümülarü nimhuh-a bahcho. 13Jumonü rük larünü a hadürü kim ching malanchoh; tümüde ha amütsü kim khülang ah.
14Amütsü yungde atsü yimang, junangde nüsa alabah; tüsho junangde nüsanü athakhi nangde Atungpuh , Wuto Thrünpuh nüsa lung labah. 15Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.
16Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah; 17kurungasolu alala ching mitripkhi labah, tümüde I nüsa bolung tsahhobah, Atungpuhnü thachoh.
Atungpuh Nimung
18Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung; 19khürü kekhüzü kheaknü tsobah kuto shorukhi nangde; yungsho thüyam ching yüzahbah rhü kheak angükihchoki, phurutonü anguhkhi nangde! 20Atungpuh nimung ju ayin yungde amiting, tüsho ayinatrüm mülade aliudokhi yung de?
21Inü thraneanlah, inü nüsa thüniobo khenochoh, tüsho nüsa arüngako mukhungbo ching inü masüh. 22Nüsanü I kilim taka kingaünkhi tüsho hi kingaün jihjih she, inü jurü müleangkhi; tüsho nüsa mungtsü kingaün amüdangkhi shiwühbo kheak inü akheah she mükheah. 23Nüsa khün düsheakbo I kheaknü lude tsoang; nüsa bingshang khungkhi inü mani. 24Tüshe thiyuro ju kebo nangde tüsho thiyuro-lungki ayung ato nangde bukshang.
25Kam yirü dükeak sunglo ching nüsanü I kilim laksah-a kingaün tüsho kingaünbo hande arüdü de, O Israel yamkhün? 26Nüsanü nüsa kiulongthsüpuh Sakkuth, tüsho nüsa chining-thrünpuh Kaiwan, nüsanü nüsa thsungkheak thsükhi mejakbo kingaündo; 27jumonü inü nüsa Damaska hode ramtso ching bede ayübah, Wuto mung lakhi Thrünpuh, Atungpuhnü thachoh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.