2 PETER 3
3
Atungpuh Arüpü Alokhikhi
1Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo; 2junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah. 3#Jud 1.18Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah. 4Arünü athabah, “Api arüpü alokhikhi küching la? Isa bebuhrübo sheabahdo, tüshe lüpdükhi alomiküp thrünchoki ruk lang lah.” 5Tüshe adüso Thrünpuh yu hode thüningbo lakheah tüsho ke chingnü tüsho ke hode alomi kamkheah dükhi akhekhungnü thiyuro mihchoh. 6Ke harünü judüki alomi she kingdoabah tüsho dükheakshih. 7Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.
8Tüshe amuzho müyamrübo, ha thiyuro dümih: Atungpuh lung nimung khülang ju chithürü tüsho chithürü ju nimung khülang nangde lah. 9Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah. 10#Mt 24.43; Lk 12.39; 1 Tes 5.2; Ami 16.15Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.
11Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde, 12Atungpuh nimung nahde arükhi kheahde alabeah. Ju nimungnü mo hode thüningbo athsümünimpü hande arübah tüsho chiningbo atakkhinü aniubah. 13#Ami 21.1Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.
14Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang. 15Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang. 16Apinü hadürü thade api yo kihüm alala ching rukhüh thrütchoh. Api kihümbo ching, mümükheahrü tüsho dükde mülakhi mihtsürünü arü nihbuh thsümünimpü püpü amüsühyu ki rhimokhi nangde, arükchihnü athanakkhi anikhitpü khürü a chakde lah. 17Jumonü amuzho müyamrübo, nüsanü ha mükheahla le, mihbukmuyuk mihtsürü amülimnü nüsa bede mutsopü tüsho nüsa düküngkhi chingnü mangakpü kurhangang. 18Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.
Currently Selected:
2 PETER 3: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 PETER 3
3
Atungpuh Arüpü Alokhikhi
1Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo; 2junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah. 3#Jud 1.18Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah. 4Arünü athabah, “Api arüpü alokhikhi küching la? Isa bebuhrübo sheabahdo, tüshe lüpdükhi alomiküp thrünchoki ruk lang lah.” 5Tüshe adüso Thrünpuh yu hode thüningbo lakheah tüsho ke chingnü tüsho ke hode alomi kamkheah dükhi akhekhungnü thiyuro mihchoh. 6Ke harünü judüki alomi she kingdoabah tüsho dükheakshih. 7Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.
8Tüshe amuzho müyamrübo, ha thiyuro dümih: Atungpuh lung nimung khülang ju chithürü tüsho chithürü ju nimung khülang nangde lah. 9Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah. 10#Mt 24.43; Lk 12.39; 1 Tes 5.2; Ami 16.15Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.
11Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde, 12Atungpuh nimung nahde arükhi kheahde alabeah. Ju nimungnü mo hode thüningbo athsümünimpü hande arübah tüsho chiningbo atakkhinü aniubah. 13#Ami 21.1Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.
14Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang. 15Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang. 16Apinü hadürü thade api yo kihüm alala ching rukhüh thrütchoh. Api kihümbo ching, mümükheahrü tüsho dükde mülakhi mihtsürünü arü nihbuh thsümünimpü püpü amüsühyu ki rhimokhi nangde, arükchihnü athanakkhi anikhitpü khürü a chakde lah. 17Jumonü amuzho müyamrübo, nüsanü ha mükheahla le, mihbukmuyuk mihtsürü amülimnü nüsa bede mutsopü tüsho nüsa düküngkhi chingnü mangakpü kurhangang. 18Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.