2 PETER 2
2
Arükchih Thsangyurübo
1Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah. 2Ahihdonü arü makhamaleak limrobo yanbah, tüsho arü hode thiyuro ju amütsü kamshihbah. 3Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.
4Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah. 5Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah; 6tüsho Sodom le Gomorra kiutobo mobün kamshihde athsümünim ching bahyuk, tüsho amükinrübo ki amütsan khülang thsü; 7tüsho mihbukmuyuk rhimo amünean hode lümthsünüa lakhi Lot bekhit 8(tümüde thiyuro-lungki mihtsürü ju arü bolung lade arü yakzan mülakhi rhimobo ngükhi tüsho asokhinü nimung aban api thiyuro-lungki me thsünü)– 9tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah, 10adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah.
Arübo mulong tolah tüsho müzhaklah; arünü müretahkhibo azhihde amütsü asukpü mütre, 11tüshe yunirübo sühmüh tüsho wu atobe lalashe, Atungpuh miki arü azhihde amütsü masukchoh. 12Tüshe harü mihtsürünü arünü manikhitkhibo ching mükhemükimchoh. Arübo bukmüke shiwühbo yakli nangde, aphuhpü tüsho asheshihpü lang zübea lah, tüsho shiwühbo nangde arü she adükheakbah. 13Arünü arhimokhi dün arü kilim athsümünimnü athrihlobah. Arü asüharapü lakhi ju arü pangnü akünkhi reangkeamshihpü animuro tümütümü she arhimopü lah. 14Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah! 15Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando, 16tüshe api neak dünkheak thürüh; thiyu müthabe donkinü mihtsürü düsheaknü tha tüsho wukihrünü makhade arhimokhi tukloshih.
17Harü mihtsürübo ju ke müzahkhi kekhip tüsho chinthrümnü yünde ayükhi amo ah. Arü thsungkheaknü amiting amürak zojihlah. 18Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh. 19Arünü arü ki zuzu thiyuchihchimchoh tüshe arü a athsümünim yo azhorü ah; tümüde tümüpürünü mihtsürü ju kukchonü, api ju yo azhorü ah. 20Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah. 21Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado. 22Thiyuro müchitmudu yande arü kheak dünjido: “Khihnunü apinü amülümkhi lim rholode yüchoh,” tüsho, “Kheaknu dretonü kemüyihbah akhimniuhniuh ching awuhpung lim alode yüchoh.”
Currently Selected:
2 PETER 2: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 PETER 2
2
Arükchih Thsangyurübo
1Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah. 2Ahihdonü arü makhamaleak limrobo yanbah, tüsho arü hode thiyuro ju amütsü kamshihbah. 3Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.
4Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah. 5Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah; 6tüsho Sodom le Gomorra kiutobo mobün kamshihde athsümünim ching bahyuk, tüsho amükinrübo ki amütsan khülang thsü; 7tüsho mihbukmuyuk rhimo amünean hode lümthsünüa lakhi Lot bekhit 8(tümüde thiyuro-lungki mihtsürü ju arü bolung lade arü yakzan mülakhi rhimobo ngükhi tüsho asokhinü nimung aban api thiyuro-lungki me thsünü)– 9tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah, 10adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah.
Arübo mulong tolah tüsho müzhaklah; arünü müretahkhibo azhihde amütsü asukpü mütre, 11tüshe yunirübo sühmüh tüsho wu atobe lalashe, Atungpuh miki arü azhihde amütsü masukchoh. 12Tüshe harü mihtsürünü arünü manikhitkhibo ching mükhemükimchoh. Arübo bukmüke shiwühbo yakli nangde, aphuhpü tüsho asheshihpü lang zübea lah, tüsho shiwühbo nangde arü she adükheakbah. 13Arünü arhimokhi dün arü kilim athsümünimnü athrihlobah. Arü asüharapü lakhi ju arü pangnü akünkhi reangkeamshihpü animuro tümütümü she arhimopü lah. 14Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah! 15Arünü alungki limro bahyukbah amülim rhimokhi chingnü alü thsükhi muzhobuh Beor tsührü Balaam limro yando, 16tüshe api neak dünkheak thürüh; thiyu müthabe donkinü mihtsürü düsheaknü tha tüsho wukihrünü makhade arhimokhi tukloshih.
17Harü mihtsürübo ju ke müzahkhi kekhip tüsho chinthrümnü yünde ayükhi amo ah. Arü thsungkheaknü amiting amürak zojihlah. 18Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh. 19Arünü arü ki zuzu thiyuchihchimchoh tüshe arü a athsümünim yo azhorü ah; tümüde tümüpürünü mihtsürü ju kukchonü, api ju yo azhorü ah. 20Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah. 21Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado. 22Thiyuro müchitmudu yande arü kheak dünjido: “Khihnunü apinü amülümkhi lim rholode yüchoh,” tüsho, “Kheaknu dretonü kemüyihbah akhimniuhniuh ching awuhpung lim alode yüchoh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.