1 PETER 5
5
Thrünpuh Namfimihnu Boto
1I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh. 2#Jhn 21.15-17Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde, 3nüsa bukkhüp zojihkhi junode yung, tüshe namfimihnu boto ki amütsan laang. 4Tüsho küyimki namfimihnu neakrü atobuh arübanü amükheambe müretah kuthran nüsanü angübah. 5Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”
6 #
Mt 23.12; Lk 14.11; 18.14 Jumonü kim dükdü ching apinü nüsa shuhkihshihpü thsüde Thrünpuh wuto khah bukkhüp azhihayihang. 7Nüsa lümthsünübo alala api ki zojang, tümüde apinü nüsa kümchoh. 8Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh. 9Nüsa akin ching düküngang tüsho api yanloang, tümütüsho alomi ching nüsa keoniorübo rukhüh thsünü dünjichoh de nüsanü mükheahlah. 10Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah. 11Api kilim lünnü lün wu lashang. Amen.
Akheam Salüm
12 #
Yunir 15.22,40 Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh. 13#Yunir 12.12,25; 13.13; 15.37-39; Kol 4.10; Phi 1.24Thrünpuhnü mokhitkhi Babilon ching lakhi borü tüsho I tsührü Marknü nüsa kilim salüm mühahchoh. 14Khristan amuzho mün müthsüpkhinü khülangnü khülang salüm jihachihang.
Khrista ching lakhi nüsa alala kilim mungtsü laang.
Currently Selected:
1 PETER 5: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 PETER 5
5
Thrünpuh Namfimihnu Boto
1I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh. 2#Jhn 21.15-17Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde, 3nüsa bukkhüp zojihkhi junode yung, tüshe namfimihnu boto ki amütsan laang. 4Tüsho küyimki namfimihnu neakrü atobuh arübanü amükheambe müretah kuthran nüsanü angübah. 5Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”
6 #
Mt 23.12; Lk 14.11; 18.14 Jumonü kim dükdü ching apinü nüsa shuhkihshihpü thsüde Thrünpuh wuto khah bukkhüp azhihayihang. 7Nüsa lümthsünübo alala api ki zojang, tümüde apinü nüsa kümchoh. 8Zangrü danyukang tüsho kurhangang. Nüsa riri arimri, arungkhi kekhüzü nangde shepü muyubaki de yimde tsahchoh. 9Nüsa akin ching düküngang tüsho api yanloang, tümütüsho alomi ching nüsa keoniorübo rukhüh thsünü dünjichoh de nüsanü mükheahlah. 10Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah. 11Api kilim lünnü lün wu lashang. Amen.
Akheam Salüm
12 #
Yunir 15.22,40 Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh. 13#Yunir 12.12,25; 13.13; 15.37-39; Kol 4.10; Phi 1.24Thrünpuhnü mokhitkhi Babilon ching lakhi borü tüsho I tsührü Marknü nüsa kilim salüm mühahchoh. 14Khristan amuzho mün müthsüpkhinü khülangnü khülang salüm jihachihang.
Khrista ching lakhi nüsa alala kilim mungtsü laang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.