1 PETER 4
4
Amüthrikhi Rhangdungbo
1Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo, 2junangde kheaküa aningkhi api alomi rhangdung ju mihtsürünü akünkhinü yung tüshe Thrünpuh lümkhinü lachoh. 3Tümüde nüsanü ahokhi ching amükinrünü arhimopü mokhitkhi rhimopü kim suhdahde bahdo–mümüsühkhi ching lapü, shihkünkhi, müshangmuru, yüliyüra, kushimkhi tüsho athraneanbe sangthsübo. 4Tüsho kheakü nüsanü arü lung müdanyukkhi tüsho yancho lakhi ching müberungmonü amükinrübonü nüsa azhihde amütsü thachoh; 5tüshe arünü arhang larü tüsho asherü mahkhappü thsakhama labuh kilim nihbuh mütsanmükhia jihbah. 6Jumonü thiyusheak-atsü ju asherü ki she thsangyuthsangrakheah, junangde shih ching mihtsürü nangde arübo mahkhapbah, tüshe Thrünpuh nangde me ching labah.
Thrünpuh Thsambah Kümsorü
7Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang. 8Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh. 9Müsüngde khülangnü khülang beyukachihang. 10Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah. 11Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.
Khristan Thsünükhi
12Amuzho müyamrübo, nüsa rükaki thsünü lachoki nüsa ki tümükhüh aso dünjikhi nangde dümüyinsah. 13Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah, 14Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah. 15Tüshe nüsa sheshe mihkhukrü, yungsho ahührü, yungsho amülim rhimorü, yungsho arahrungrü thsümonü thsünüa dülu; 16tüshe khürü Khristan thsümo thsünüsho, apinü dachih, tüshe ju mung ching apinü Thrünpuh müretahshang. 17Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba? 18Amüsühyunü thachoh,
“Thiyuro-lungki mihtsürü she arothsünnü khümkhitsho,
amükinrü tüsho aneakrü a tümü kamba?”
19Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.
Currently Selected:
1 PETER 4: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 PETER 4
4
Amüthrikhi Rhangdungbo
1Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo, 2junangde kheaküa aningkhi api alomi rhangdung ju mihtsürünü akünkhinü yung tüshe Thrünpuh lümkhinü lachoh. 3Tümüde nüsanü ahokhi ching amükinrünü arhimopü mokhitkhi rhimopü kim suhdahde bahdo–mümüsühkhi ching lapü, shihkünkhi, müshangmuru, yüliyüra, kushimkhi tüsho athraneanbe sangthsübo. 4Tüsho kheakü nüsanü arü lung müdanyukkhi tüsho yancho lakhi ching müberungmonü amükinrübonü nüsa azhihde amütsü thachoh; 5tüshe arünü arhang larü tüsho asherü mahkhappü thsakhama labuh kilim nihbuh mütsanmükhia jihbah. 6Jumonü thiyusheak-atsü ju asherü ki she thsangyuthsangrakheah, junangde shih ching mihtsürü nangde arübo mahkhapbah, tüshe Thrünpuh nangde me ching labah.
Thrünpuh Thsambah Kümsorü
7Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang. 8Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh. 9Müsüngde khülangnü khülang beyukachihang. 10Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah. 11Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.
Khristan Thsünükhi
12Amuzho müyamrübo, nüsa rükaki thsünü lachoki nüsa ki tümükhüh aso dünjikhi nangde dümüyinsah. 13Tüshe Khrista thsünükhi ching shihcham lukhi asühachihang, junangde api müretah akhiukchoki nüsa asühachihbah, 14Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah. 15Tüshe nüsa sheshe mihkhukrü, yungsho ahührü, yungsho amülim rhimorü, yungsho arahrungrü thsümonü thsünüa dülu; 16tüshe khürü Khristan thsümo thsünüsho, apinü dachih, tüshe ju mung ching apinü Thrünpuh müretahshang. 17Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba? 18Amüsühyunü thachoh,
“Thiyuro-lungki mihtsürü she arothsünnü khümkhitsho,
amükinrü tüsho aneakrü a tümü kamba?”
19Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.