ROMTE 10
10
1Suapite, amau â ding ah ka lungtup pen leh ka pauchapna pen chu, hukdam ah a umna ding uh ahi pen hi.
2Pathian â ding ah phatchuam ngaina chu a nei ui ti vang ka hia’i; himaleh, hetna dungzui in vang ahi puai.
3Pathian ah kipat dikna ngaisak lo in, amau dikna bep sukdetna ding hawl in, Pathian dikna chun a kipelut diak puau hi.
4Kuale a ging tapo chun Pathian dikna chu a chan theina ding un, Khrista chu dan suktawpna a hung hita ahi.
Mitin â Ding ah Hukdamna
5 #
Thp 18.5
Dan lam ah dikna thu ah chun, Mosi’n zia gual hin a la zik a: “Mi zia thil hi’taphot chu, zia ma ah chun hing in a,” a la tia.
6 #
Dan 30.12-14
Himaleh, ginna ah dikna lam thu ah chun zia gual hin a kigen ah, “Van ah kua kal to ding a hia hem?” (Zia chu Khrista hang pui tha ding ti’na ahi) ti’n la lungthim unle ti kiu in.
7Ahiloleh, “Kua mithikhua chia suk ding a hem?” (Zia chu mithi lak ah kipat Khrista pui to kit ding ti’na ahi) ti kiu in, ti in.
8Himaleh, bang a hem a gen chu?
“Thu chu la kam leh la lungchang ah chun,
naicha’n a um hi;
zia chu ginna thu,
ka gen sek uh hi ahi”.
(Zia chu, a thu ka taklat sek uh chu ahi;)
9la kam ngei in, “Jesu chu Lalpa ahi,” ti la puandaw ah, “Mithi lak ah kipat Pathian in a kaitho hi,” ti la lunggil ah la gin chun hukhin hiding la hi.
10Min lunggil ah a gin chun dikna a mu hen, kam in a puangdok ah, hukhinna a mu sek ui.
11 #
Isa 28.16
Pathian lekha thu chun, “Kuale ama ging chu mualpho pua’n a,” a ti’n.
12Judate leh Grikte kikâl ah bangma kikhiakna a um puai, Lalpa pakhat, mi zosia chung ah Lalpa ahi, a min lam tapote chung ah phatna a hau ngal a.
13 #
Jol 2.32
Ziaziakchun, “Kuale Lalpa min lam tapo chu hukhin in um ding ahi”.
14Ahi’n la, a ginchâk lo uh chu bangti’n a lam diam uh? A thu a het lo uh chu bangti’n ging thei ding a hiu em? Thugen a umlo leh bangti’n a la hethei ding a hiu em?
15 #
Isa 52.7
Sawl a hilo ua leh bangti’n thu gen thei ding a hiu em? “Chanchinpha hun tuntute keng chu a mêlpha na lawm lawm e!” ti zik gual ah khan.
16 #
Isa 53.1
Himaleh, a leng un chanchinpha chu a taksang diak puau a, Isai chun, “Lalpa, kua’n ka thu gensawn uh a taksang awm?” a la ti gual ah khan.
17Tichun, ginna chu hetna ziakin a hung um ah, hetna chu Khrista thu kigen ziakin a hung um hi.
18 #
Sam 19.4
Ahi’n la, a bil un a hepuau ah a hem? He e:
“A thawm uh lei chung zosia’n a kithang in,
a thuu chu kawl kîmvêl tiang in a thang suak tai,” ti ahi.
19 #
Dan 32.21
Ahi’n la, Israel mite’n a hepuau ah a hem?
“Nam ting ah genkhamlote hun thangsiatsak ing ka tin;
nam mawlte chu mang in hun lungnatsak ding ka hi,”
ti’n, Mosi’n a la gen masa pen hi.
20 #
Isa 65.1
Chun, Isai in hangsan tak in,
“Ei hawllote mu in ka um a,
ei kanlote chu ka kimusak tai,” ti in.
21 #
Isa 65.2
Himaleh, Israel mite thu ah chun, “Thununglote leh nialhatte ziakin sun nitum in ka bân ka jak sek hi,” ti’n a la gen kit hi.
Currently Selected:
ROMTE 10: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
