MATTHAI 10

Nungzui Sawm leh Nite

(Mar 3.13-19; Luk 6.12-16)

1Chun, a nungzui sawm leh nite chu a ko khawm a, thithate nawdaw theina leh damlo, natna tinchengte sukdam theina thilhitheina a pia’n.

2Zia sawlchâk sawm leh nite chu: Simon, Peter kiti leh a suapi Andria tawh, Zebedai chapa Jakob leh a suapi Johan tawh;

3Philip leh Bartholomai leh Thoma tawh sedawlpa Matthai tawh, Alphâi chapa Jakob tawh, Thaddai tawh;

4Kanaan mi Simon leh a matsakpa Juda Iskariot tawh a hiu hi.

Sawm leh Nite A Sawldawna

(Mar 6.7-13; Luk 9.1-6)

5Jesu’n zia sawm leh nite chu a sawldok ah, a kiang un, Jentelte gam leh Samaria mite khua him him ah lut kiu inla;

6Israel nam belam mangthaite kiang bep in vachiau in.

7La chia nau ah chun, “Van-gam chu a nai tai,” ti’n hil jel un.

8Damlote hi’dam unla, mithite kaitho unla, phâkte hi’thiangtho unla, thithate le nawdok un; a thawn in la muu ah, a thawn in vapiau in.

9La dangka dip ua chun sana a hem, dangka a hem, sum-eng a hem keng kiu inla;

10 # 1 Ko 9.14; 1 Ti 5.18 khual zinna dingin sakhau a hem le keng kiu inla, puanâk thua leh kengtawdap leh tiangkhut le keng diak kiu in. Nasemte chu nêk kimu tâk him ahi ngal un.

11Khawlian hileh khawneu hilehle, la lutna taphot ua chun a la zintun thei ding mi hawl unla, zia tak chun la kipat daw kit masiau tung zing un.

12In ah la lut ding si’n ua leh chibai bûk sek un.

13Zia gual ah la valutnau ah chun min a la lop ua leh, la thamuanna thuu chu a chung un tung hen; himaleh, a la lawp lo ua leh vang, la thamuanna thuu kha la chung un hung kile’kit ta hen.

14 # Nas 13.51 Chun, a khua a hem, a In ah umte a hem chun a la lawp lo ua, la thugen uh le a la lawp lo ua leh, la keng ua leivui chu tât thâk khum malam un.

15 # Mat 11.24; Thl 19.24-28 # Luk 10.4-12 Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

Sukgentheina Hung Tung Ding

(Mar 13.9-13; Luk 21.12-17)

16 # Luk 10.3 Ngai un, ngei hon lak ah belam um gualin ka hun sawl la hiu hi; tichun, gûl gual ah pil, vakhu gual ah poikhoi lo in um un.

17 # Mar 13.9-11; Luk 12.11,12; 21.12-15 Himaleh, mihing lak ah chun chingthei un; vaihawmte hun matsak intiu in, kikhopna In ah te hun vua’n tiu in;

18ahi, keima ziakin vaihawmte leh lengte ma-âng ah, amau leh Jentelte kiang ah hiatsakna dingin hun pui in au.

19Himaleh, a hun matsak phat ua leh, bangti ding, bang thu gen ding ka hem? ti’n lungkham kiu in; la gen ding uh chu a hun tak ah piak hiding la hingal un.

20A gen ding chu nang uh hilo in, la Pau thagau in gensak zaw ding ahi.

21 # Mar 13.12; Luk 21.16 Tha dingin unau leh unau kimattua sak intiu in, pa’n le a cha matsak intiu in; chate’nle a nu leh pateu do intiu in, thâsak in au.

22 # Mat 24.9; Mar 13.13; Luk 21.17; Mat 24.13; Mar 13.13 Keima min ziakin mi zosia huat hi’n lau; himaleh, a tawp tiang ah thuak mualsuak tapo chu hukdam in um in au.

23Chutichun, zia khua chun a sukgenthei phat ua leh khaw dang ah taisan un; titakzet in ka hil la hiu, Mihing Chapa a hung masang in Israelte khua haw chu chuan suak pua’n lau.

Nungzui Man leh a Lawchâk

24 # Luk 6.40; Joh 13.16; 15.20 Nungzui chu a hotu sâng in a lianzaw thei puai; suak le a pu sâng in a chungnung zaw thei diak puai.

25 # Mat 9.34; 12.24; Mar 3.22; Luk 11.15 Nungzui chu a hotu gual ah a hung um ah, suak le a pu gual ah a hung um leh hun tawk ahi. Insung khat ah a luchang pen bawn Belzebul a tiu leh, a Insung mite chu tina lawm lawm in au e!

Kua A hem Lau Ding

(Luk 12.2-7)

26 # Mar 4.22; Luk 8.17 Himaleh, ziate chu kicha kiun; taklat lo ding ah selgûk bangma a um pua’n; chuleh, thugûk het lo ding ah îm le a um diak puai.

27Thim lak ah ka gen hi vâk ah genjak unla, munthip ah ka hun hilte hi Inchung ah kikopiu in.

28Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

29Vachong pani paisa khat in a khawng sek uh hilo a hem? Himaleh, a lak ua pakhat chale la Pau thu lo in lei ah ketha pua’n a.

30La samzang natiang uh sim suak dîm diam ahi.

31Ziaziakchun, lau kiu in, vachong tam tak sâng in la lûl zawu hi.

32Kuale, mite ma ah ei panpi tapo, ka pa van ah um ma ah panpi ing ka tin;

33 # 2 Ti 2.12 himaleh, kuale mite ma ah ei kilepsan tapo chu, ka Pa van ah um ma ah ke’n le kilepsan ing ka.

Chamna Hilo ah Chemjam Lensak Zaw Ding

(Luk 12.51-53; 14.26-27)

34Khawvel ah hin kichamna lensak ding ah hung a hem ei ti kiu in; kichamna lensak ding ah hung ka hipua’n, chemjam lensak ding ah hung ka hizawi.

35 # Mik 7.6 Mi a pa dosak dingin,

chanu a nu dosak dingin,

mo a talpi dosak dingin hung ka hizawi.

36Mitin a mêlmau chu ama chanaute lak ah mi ngei hi’n au.

37Kuale a nu a hem, a pa a hem, keima sâng ah hepi zaw chu, ka mi hi tâk ahi puai; kuale a chanu a hem, a chapa a hem, keima sâng ah hepi zaw chule ka mi hi tâk ahi puai.

38 # Mat 16.24; Mar 8.34; Luk 9.23 Kuale a kros kiput ah ei zuilo chu ka mi hi tâk ahi puai.

39 # Mat 16.25; Mar 8.35; Luk 9.24; 17.33; Joh 12.25 Kua’nle ama hinna ding bep a ngaitua chun chân intin; kuale keima ziak ah a hinna chân chun mu’n a.

Kipakmante

(Mar 9.41)

40 # Luk 10.16; Joh 13.20; Mar 9.37; Luk 9.48 Kua’nle a la lop ua leh keima ei lop hi’n tiu in, chuleh, keima ei lop chu keima ei sawlpa lop ahi.

41Kua’nle jawlnei chu jawlnei min ah a la lop chun, jawlnei kipakman chu mun tin; chuleh, kua’nle midik chu midik min ah a la lop chun, midik kipakman chu chang ding ahi.

42Chuleh, kua’nle ziate lak ah, a neupen hile nungzui ahi’na ziak ah, tuivot no khat a la piak chun, titakzet in ka hil la hiu, a kipakman ding uh chu chân him him pua’n au, a tia.

Currently Selected:

MATTHAI 10: VAIPBSI

Highlight

Copy