MALAKI 4
4
Lalpa Ni Lopi Chu
1Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.
2Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.
3Migilote chu tawden ta’n lau; zia ka hun bawl guatna ni ah chun amau chu la kengpêk nuai ua leivui gual bep hita ding a hiu, sepai honte Lalpa chun a tii.
4Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.
5 #
Mat 11.14; 17.10-13; Mar 9.11-13; Luk 1.17; Joh 1.21 Ngai un, Lalpa ni lopi leh tizat um tak chu a hung tun masang in, jawlnei Elijah hun sawl ding ka hi.
6Ama chun pate lungthim chate lam ah, chate lungthim pate lam ah kihei sak intin; chutilochun, keima hi la gam uh hânsialaw ah gawt dingin hung kha’ng ka.
Currently Selected:
MALAKI 4: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.