MALAKI 3
3
Lalpa Hungna Ding Genlawkpa Hungna
1 #
Mat 11.10; Mar 1.2; Luk 1.76; 7.27 Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.
2 #
Jol 2.11; Tpn 6.17 Aleh, a hung ni chu kua a hem thuak zo ah, a ma-âng ah ding zo ma ma ding? Ama chu hâlthianna mei leh puansawpte sabon mat lai gual ahi ngal a;
3ama chu dangka thîk hâlthiangpa leh suthiangthopa gual in kitung intin, dikna thillatte Lalpa âng ah a hun choi kit masangsia’n, Levi suante chu sana leh dangka sukthiantho ahi gual in, hun suthiangtho ta’n a.
4Ziaphat chuleh, masang lai gual ah khan Judah leh Jerusalem ah mite thillat chu Lalpa‘n pom piak ta’n a.
5Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.
6Keima Lalpa hi ka danglam ngai paw’ngal a; ziaziakchun, aw Jakob chate haw, mangthai pua’n lau.
7La pu leh pateu hun lai ah kipat khan ka dan thuguatte la kihei mangsan un, la zawm ta puau hi. Ka lam ah hung kihei kit mai un, keile nang uh lam in hung kihei kit ing ka, sepai honte Lalpa chun a ti ahi. Ahi’n, nang un, “Bangti’n hung kihei kit ding ka hiu em?” la tiu a.
Pathian Gu Kiu in
8Mihing in Pathian a suam ngai em? Nang un vang lei suam zing uh ahi! Nang un vang, “Bangti’n ka hun suam ua a hem?” la tiu ah. La sawm ah khat leh thawlawm thillat un lei suam sek uh ahi!
9Keima lei suam ziak un, la nam pumpiu hânsia pua la hitau hi.
10 #
Thp 27.30; Kis 18.21-24; Dan 12.6; 14.22-29; Neh 13.12 Ka In ah nêk ding a umtheina dingin sawm ah khat dik tak in bu In ah hun koikhawm un; tichun, ka van tukvante hong in, a koina’n a dawl lo ding khop maljawlna’n ka hun vuk paw na ve em, ti ei patep ma tiam un, sepai honte Lalpa chun a ti ahi.
11Khaubepite hun vau dai piak ing ka tin; tichun, la lou thâichiteu suksiat piak ta pua’n a; chuleh, la lou lai ua grep gui le hût ta pua’n a, sepai honte Lalpa chun a ti ahi.
12Tichun, nam zosia’n mi hampha hun ti ta’n tin uh, nang uh le kipakna gam mite hita ding la hiziak un, sepai honte Lalpa chun a ti ngal a.
13Keima demna thu khau tak tak in la gen tau hi, Lalpa‘n a tii. Ahi’n, nang un, “Bang gual bep in ka hun dem tau em?” la tiu a.
14Nang hawn, “Pathian nasep hile a thawn mai ahi, sepai honte Lalpa thupiak I vop un, a âng ah lusûnte gual ah thasia tak ah I chia sek uh hi bang lawkna a um em?
15Tu’hin, mi kiletsakte chu mi nuamsa I tiu ah; thil phalo bawlte chu a vangphat mai uh le hilo in, Pathian a patep lai unle a suakcha nalai un,” I tiu a.
Mi Ginumte Kipakman Chu
16Chun, Lalpa lau mite a kiho un, Lalpa‘n tepte in a ngaitha’; Lalpa ja ah a min ngaitua zingte chu tepte’na lekhabu chun a ziklut tai.
17Sepai honte Lalpa chun, amau chu kei â hi’n tiu in, thil ka hun bawl ni phat leh amau chu ka gochan bîkte hi’n tiu in; min a na sep piak a chapa a duat gual un, amau chu hawi ding ka hi.
18Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.
Currently Selected:
MALAKI 3: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.