THILSIAM THU 40
40
Suangkul Ngâk Panite Mang
1Chomkhat zaw in, Aigupta leng uain pepa tawh a vaithum siampa chun a puu Aigupta leng chu a hi’lungna tau a.
2Pharaoh chu a suak hotu panite, a uain pete lak ah hotu pen tawh, a vaithum siamte lak ah hotu pen chung in a lungna ta’n.
3Suangkul vêng hotu pawl In ah, Joseph umna mun ah khan a hun khum tai.
4Amau vêng hotupa chun amau chu Joseph khut in a koi ah, amau chu a la kaikol ah; ni bang jat a hem a tâng tau a.
5Suangkul ah um Aigupta leng uain pepa tawh vaithum siampa chun, a paniu in jan khat thu’n umzia nei tak mang a hun nei gêl tau a.
6Chuleh, jingkal in Joseph a kiang un a valut ah, lungngai tak ah um a hiu ti chu a vamu ta’n.
7Tichun, “Bangtidan ah tu’ni hin lungngai mêlpu la hiu em?” ti’n Pharaoh suak hotu, a pu In ah tângte ni chu a dong ta’n.
8Amau chun a kiang in, “Mang ka nei un, ei hilchian piak thei kuama a um puau hen,” a tiu a. Joseph in a kiang un, “Mang hilchiannate chu Pathian â hilo a hem? Ei hil tiam un,” a tia.
9Tichun, uain pia hotu pen chun Joseph kiang in a mang chu a hil ta’n: “Ka mang lam in, ka âng ah hin grep gui a la um in;
10grep gui ah chun a bâk pathum a um in. A dua hung mengdok pan pan in a hung pâk ngal ah; kin tak in grep gate chu a hung min ziang ta mai in.
11Pharaoh no te chu ka khut in a la um ah; grep ga chu ka la lo ah, Pharaoh no in ka la sûk in, no chu Pharaoh khut in ka la pia’i,” a tia.
12Joseph chun a kiang in, “Zia hi a hilchetna chu ahi: bâk pathum chu ni thum ahi’n;
13ni thum sung ah hin Pharaoh chun hun thâdok intin, la nasep ngai kha hun sepsak kit intin: a uain pepa la hi’lai ah la piak gual ma khan, Pharaoh no chu a khut in pia kit ding la hi.
14Ahi’n, chan pha la chan kit phat leh ei hun hezing in aw; lungsiat tak in hepina ka chung in hun latsak ngei ngei inla, Pharaoh kiang in ka chung thu hun gen inla, zia In ah kipat hin ei puidok in.
15Hebraite gam ah kipat ei gûk mang uh ka hi’n; zia gam ah hinle suangkul ah lutna ding khop ah sukkhial bangma ka nei puai,” a tia.
16Vaithum siampa chunle a hilchianna chu a pha lam ahi ti a het phat in, Joseph kiang in, “Ke’nle mang ka nei in: vaithum law pathum in ka lu chung in ka la suangsawn in;
17a law Chungnung pen ah chun Pharaoh an ding ah siam, jat tam tak a la um ah; ahi’n, vachate’n ka law suanthua, ka lu chung ah kipat chun a la ne lui lui un,” a tia.
18Joseph chun a dawnhu ah, “Zia hi a hilchianna chu ahi: Law pathum chu ni thum ahi’n;
19ni thum sung ah hin Pharaoh hin hun that in, thing lêk ah hun khai intin; tichun, vachate’n la sa chu ne lui lui ding a hiu,” a ti piak tai.
20Pharaoh chun, a nithum ni a pian champha ni chun a suakte zosia â dingin luaithe’na a siam ah; a suakte lak ah uain pepa tawh vaithum siam hotu liante ni luchang chule a dom sâng tai.
21Uain pia hotupa chu a no piak nasep ngai sêm dingin Pharaoh khut in no a pia kit tai;
22himaleh, vaithum siam hotupa chu vang, Joseph in a mang a hilchian piak gual in a khailum tai.
23Ahi’nla, uain pia hotupa khan, Joseph chu hezing talo in, a hemil veng veng ziang tai.
Currently Selected:
THILSIAM THU 40: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
