1 KORINTH 5
5
Thanhuaina’n Kochuam A Hi’buak Hi
1 #
Dan 22.30
La lak ua thanhuaina a um hi ti thu ei hil un, zia tawhbang thanhuaina chu Jentelte lak inle a kigen kha nai puai; mi pakhat in a pa ji a kichenpi ziang thu kha ahi.
2Zia gual mi chu lungngaipi nâk sâng in, lu’lulna’n la mang zawu ah; a thilbawlte ziak ah chun la lak ua pat nawdok ding hizaw lo a hem?
3Keima taksa ngei la lak un panglo malengle, thagau in ka pang zing ah, zia gual thil bawlpa chu tu’hin le Lalpa Jesu min in, la lak ua um zing gual in a chung thu ka ngaitua zo ta ahi.
4Lalpa Jesu min ziak ah la kikhop khawm phat ua leh, I Lalpau Jesu thilhitheina chun thagau in ka hung pang sek hi.
5Zia gual mi chu, a thagau Lalpa Jesu ni ah hukhin a hitheina dingin, a taksa chu himangthai dingin Setan kiang in pedok un.
6 #
Gal 5.9
La kisuanpiu hi a pha puai. Thawi tawmcha hin changbuang tang pumpi a jel suak sek hi ti la hepuau em?
7 #
Pdt 12.5
Thawipanglo changbuang kimêktang thak la hung hitheina ding un, thawi lui chu zendok tau in. I Chiakân kûtnau Khrista chu eimau â ding ah lat zaw ahi tangal a.
8 #
Pdt 13.7; Dan 16.3 Ziaziakchun, thawi lui pang talo in, nunsiatna leh phatlona thawi le pang diak lo in, thutak leh ginumna vaithum, thawipanglo ah chun kût bawl zaw tai tiu.
Mi Thanghuaite Thiamlo Chansak Ding
9Ka lekha ah khan, mi tat thanghuaite tawh kivop lo dingin ka hun hil ta’n;
10zia khawvel mi thanghuaite leh mi ênhatte a hem, mi suamhatte a hem, milim ho-te a hem haw chu ka ti’na ei puai; chuti taleh, khawvel ah kipat pawt daw kul mai ding ahi.
11Himaleh, kua hitaleh, unau minpu ngal ah, thanghuai chîng mi a hem, huaihap a hem, milim ho a hem, hânsia a hem, zudawn mi leh suammang ahi chun, kivoppi lo dingin ka hil la hiu. Zia gual mi chu tawh nêkle nekhawm kiu in.
12 #
Dan 13.5; 17.7 Pawlam ah mite chu keima’n ka ngaituana ding a um ah a hem? Nang un sunglam ah mite chu la ngaitua diu hilo a hem?
13Himaleh, pawlam ah umte chu Pathian in ngaitua in a. La lak ua migilo chu nawdok un.
Currently Selected:
1 KORINTH 5: VAIPBSI
Highlight
Copy
Compare
Share
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
