Salmai 66
66
Tinkökö Nöinyö
1Ṙòkhöre panam: pōitô ṙāmölōn im Tēv.
2Tiköknyö ineū-eu ngam minë-eny Ò: vītö nöinyö Ò nö vai.
3Ngö ṙô töm Tēv, pinhe-eṅkūö nun minë vahīṙen Meh: i ṙôken ngam minhôiṅyö Meh, yip tökunyahaṅ elmat min tö Meh nö hang chöngö Meh.
4Ṙòkhöre min ngih panam nö salāmö Meh: in Meh min nö tikökṙôre; tikökngö minë-eny Meh min anū-ö.
5Tā-a, ngëichkö vahīṙen ngam Tēv: pinhë-eṅkūö nun në la-en Ò nö i vē kūön tarik.
6Havöö ngam mai An nö el tanyô: lök ellōn ngam tahël cha-a nö kiröön; tā-a, töi ṙāmölōn in Ò.
7Hayöng An örheūheu, i minhôiṅyöre; ngëichkö vē pumnāmö tarik nup mat Ò: uh yip yēḵ töminôṙô nö hapōilöre.
8Ō hakôlò ngam Tēv hī, yī-ö tarik: ahangnyö ṙô nöinyö Ò.
9Ngam ṙamapkö nômö hī nö im anahaṅ: öt halöngten në röön hī nö halöinyköre.
10Ō Tēv, pò Meh kalahten ih: kalahten ih Man, sā kinlahten rupīö.
11Kēhötnen ih Man el inhāṅl: hakeunlö tölangan Man i ṙat ih.
12Vīten tarik Man nö i kui ih nö hatūlö: lök kūö tameūyö in, lök el mak inrē; kēnyen ih pöri Më-eṅ el chūök kanôlò.
13Kum tö töföngö tökētu chin min yih el patī Meh: kētö nup kinlēḵngôre chin min in Meh.
14Nuk tökaknyu tö në minuh chu: ṙô ngih elvāng chu hē chu kihngen.
15Kētö tö-alahav chin min töföngö tökētu, hol tö tötahūsa kūön sīnp: kētö kōiny nuā chin min hol tö pököre.
16Tā-a, hangihtöre, ṙòkhöre yī-ö töpa-ekūö tö ngam Tēv: hòṅ chu min vë-eny tī ò tö ngih nômö chu.
17Elvāng re ṙô chin hūḵken Ò: ngaich Anga-aṅ nö ha-öinyö töng litāk chu.
18Yē chu lōn tö öt lanöökö ellōn re: öt hō min ngam Mā nö hang.
19Kô-en pöri ngam Tēv nö hang: hangihtöre An tö ṙô chu ve-ekūö Ò.
20Tökôlò An yēḵ ngam Tēv, ngam töt mahavööngö kūö ngam ṙô chu ve-ekūö Ò: öt rēhĕn ngam miṙēlōn Ò nö havööṙökūö nö ṙā-ang in chu.
Currently Selected:
Salmai 66: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
