Salmai 36
36
Ngam Ötlanöökö Ngòh Tarik
1Ngö ṙô an ngam tanôichngen fālen ngam tötlöök nö ellōn ò: Öt i kūö ò ap pinhë-eṅkūö tö ngam Tēv.
2Pò ò nö harōyöre: hanöng saha nup tötṙong in ò nö kôti, ngaich surīkiṙen.
3Tötṙong nup ṙô elvāng ò, michīl inrē: ṙāngöre an nö akaha, ṙāngöre inrē nö la-evṙen tö tölöök.
4El chamamre an nö halēnlö nup tötṙong; ūichlöre anga-aṅ nö el öp talöökö tötlöök: hö-ö an nö sa-òkkūö tö tötlöök.
5Ō Mā Tēv, söl el halīöngö an ngam hanāngen neūkölōn meh: söl el minë taṙul ngam kanô-en meh.
6Sā minë rôngö ngam Tēv an ngam lanöökö meh; yöng tö-aṙū-uti ngam inkaha fālen tö meh: Ō Mā Tēv, maha-köpkö tarik man, töṙeūla inrē.
7Ō Tēv, yöng ṙôkö ṙāi ngam hanāngen neūkölōn meh: ngaich hanyatlöre vē kūön tarik nö el nyat minë sanëòk meh.
8Pōyen tanööḵngen yin min tö nup tösangöö aṅ patī meh; ane inrē min më-eṅ ha-ôkö cha tö aṅ öp tahël kumchiklōn meh.
9Pòn in meh ap löklö nômö: im yanāngö meh in min meuk hanātö.
10Yĕh iṙūhen tī man tö ngam hanāngen neūkölōn meh in cha yip tö-akahakūö tö meh: ngam lanöökö meh inrē in yip töchiplö ellōn.
11Un hökiṙen ap röön inkeūlen nö yih nö lā-al chu: un höktu tī inrē ngam tötlöök nö ahōngen chu.
12In e yip töla-evṙen tö tötṙong nö fukngö: kuringtu yip, ngaich öt kô min nö cho-holre.
Currently Selected:
Salmai 36: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
