Salmai 130
130
Invëkö Hinòlṙen
1Ō Mā Tēv: löknyö lataṙeū ṙô chin havëken Meh.
2Mā hang ṙô chu: hökngen nup elnang re Man nö hangihtöre tö ṙô chu ve-elkui.
3Mā Tēv, yē Meh kaṙötngö öt lanöökö: Ō Mā, achīö ap min tö kô nö köphaka?
4Inṙēlö pöri öp in Meh: hinôtö Meh pahe-evö.
5Im Mā Tēv chin höka; höka ön ngih nômö chu: im ṙô Ò chin inrē meūka.
6Ngëichkö ngam Mā ön ngih nômö chu: mötlö tö yip amahati mameūklö peuheū; hôṅ, mötlö tö yip mameūklö peuheū.
7Ō Israĕl, meūka im Mā Tēv: tön miṙēlōn öp im Mā Tēv, pōyen inrē ap ṙinānyi nö in Ò.
8Ṙānyen Israĕl An min: nö ṙā-ang i nup öt lanöökö re.
Currently Selected:
Salmai 130: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
