Salmai 125
125
Amahten Vē Tarīk Ngam Tēv
1Cha-a vē mahayönglenre nö im Mā Tēv, tö sā ngam Rung Siyòn: ngam töt hanlöinyken, köp pöri nö örheūheu.
2Sā nup rôngö nö vinngö nö i Yērusalem: ngatī ngam Mā Tēv nö havīlö vē tarik re, töngamuhuten sök môkö örheūheu.
3Pò ngam kinchīṙö minā-aṅ ngam tötlöök, nö öt kô min nö ngöh nö i kūö ngam minā-aṅ ngam tölöök: pòn sōtu ngam tölöök nö kētö tī re nö i öt lanöökö.
4Ō Mā Tēv, löökö tī Man in cha, yip tölöök: acha-a inrē yip tö chiplö ellōn.
5Acha-a pöri yip kamāntöre nö el minë tökuròk talöökö: hachōtu min cha-a tö ngam Mā Tēv nö hol yip tö la-evṙen tö öt lanöökö. Lanāmö yēḵ i kui Israĕl.
Currently Selected:
Salmai 125: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
