1 KINṘÖTNGÖ 9
9
Yik tarik Ṙama-ang El Inkövö
1Ṙòkhöre yik Israĕl nö kaheuklöng nö löktökūö lökngörit cha; ngaich anū-ö nö kūichiyö nö i mat Līpöre yik Rācha aṅ Israĕl. Kē-ĕyö ngaich Yūtā nö ahöti nö i Pĕpilön kūö cha nö ötkô-en. 2Vē yin mu-urĕh nö hēk nö iyöng kūö nuk amin cha elpanam cha nö aṅ Israĕl, yik kūönṙô, yik Lēvī, tö yik tarik ök tempöl inrē. 3Rīkre inrē yik tarik Yūtā, Penyamin, Ifrēm, Manasē inrē mī-iyöng Yērusalem: 4Utāi ök kikōnyö kūön Ammihöt, kikōnyö kūön Ōmri, kikōnyö kūön Imrī, kikōnyö kūön Pēnī, ṙameū-eung in yik kikōnyö kūön Pērĕs ök kikōnyö kūön Yūtā. 5Vē aṅ in Sīlon inrē: Asayā ök lanòh ò, nö kūön ò kikōnyö inrē. 6Aṅ in vē kikōnyö kūön Sērah: Yē-u-el yik mak alaha cha inrē, tafūölòng machūötör anāi. 7Aṅ in Penyamin: Sēlū ök kikōnyö kūön Mesulam, kikōnyö kūön Hotaviyā, kikōnyö kūön Hassenuāh, 8Ipnevā ök kikōnyö kūön Yerōham, Ēlah kikōnyö kūön Usī, kikōnyö kūön Mikrī, Mesulam inrē ök kikōnyö kūön Safātīya, kikōnyö kūön Rū-el, kikōnyö kūön Ipneyā; 9Yik mak alaha cha inrē sā tumköl chap cha machūötöre ṙòng taneui anāi tafūöl. Ṙòkhöre yin vē nö yöngkūö patī yik yöng nö sā mitī-i patī yik yöng cha.
Yik Kūönṙô Mi-i Yeruselem
10Aṅ in yik kūönṙô: Yētayā, Yēhōi-arip, Yākin, 11Asariyā inrē ök kikōnyö kūön Hilkiyā, kikōnyö kūön Mesulam, kikōnyö kūön Sētòk, kikōnyö kūön Mërayòt, kikōnyö kūön Ahītöp, ök tökiröng yöngkūö patī ngam Tēv; 12Atayā inrē kikōnyö kūön Yērōham kikōnyö kūön Pasū, kikōnyö kūön Milkiyā, Mē-asai inrē kikōnyö kūön Ati-ĕl, kikōnyö kūön Yāhsera, kikōnyö kūön Mesulam, kikōnyö kūön Mesīlēmet, kikōnyö Immör; 13Holre tö yik mak alaha cha, yöngkūö patī yik yöng cha, hĕng köṅny sātòng tafūöl anāi, tökô nö tarik nö i la-en ngam patī ngam Tēv.
Yik Lēvī Mi-i Yeruselem
14Aṅ in yik Lēvī: Semayā ök kikōnyö kūön Hassöp, kikōnyö kūön Asrikam, kikōnyö kūön Hasapīyā, kikōnyö kūön Merārī; 15Pakpakar inrē, Hērĕs, Kālal, Matanīyā inrē ök kikōnyö kūön Maika, kikōnyö kūön Sīkrī, kikōnyö kūön Asaf; 16Opētīya inrē ök kikōnyö kūön Semayā, kikōnyö kūön Kālal, kikōnyö kūön Yētūtun, Perekiyā inrē ök kikōnyö kūön Asā, kikōnyö kūön Elkāna, yik mi-iyöng i tuhēt yik aṅ Nëtofāt.
Amahten Ök Töhet Chūök I Yeruselem
17Vē yin yōmkūö inkūp, Sālum, Akkup, Talmön, Ahiman, yik mak alaha cha inrē (Sālum ök tökiröng kūö cha), 18Tösökhak nö i inkūp ök rācha nö lāchuhöt. Cha-a yin vē yōmkūö inkūp ök elyöngö yik Lēvī. 19Sālum ök kikōnyö kūön Kōri, kikōnyö kūön Epīyāsaf, kikōnyö kūön Kōra, tö yik mak alaha ò inrē aṅ patī yik yöng ò, yik Kōra, yōm ök la-en i vinë-eṅkūötēv, yōm ök elmilūkö ök rūkui, nö sā yik yöng cha nö yōm ök elyöngö ngam Mā Tēv, mahayōm öp lökhöt. 20Finehas inrē ök kikōnyö kūön Ēlī-ēsör anga-aṅ ök mahayöngö cha tö misī-iten: holtöṙah ò an ngam Mā Tēv. 21Sekariyā ök kikōnyö kūön Meselemiyā ök yōmkūö lökhöt ök rūkui manūlö. 22Ṙòkhöre vē, nö katöllöng nö yōm nuk elmilūkö, nö nëtòng nëtsīön tak. Kaheuklöng cha-a nö löktökūö lökngörit cha nö el tuhēt cha. Tāvit ane inrē Samuĕl ök mameuk ṙamāten cha nö el chūök nyanatlö. 23Lökten cha-a tö yik kūön cha kikōnyö inrē nö hayōm nuk inkūp ngam patī ngam Mā Tēv, nö amahati. 24Fën lā chūök yik yōm inkūp, chuhöt, sūng, kapā, lòhngö inrē. 25Yik mak alaha cha inrē mī-iyöng el tuhēt cha yik kaheuk tösat sumkam, nö ṙētakvö nö in cha; 26Yik töfën tak tökiröng yōmkūö inkūp, yik aṅ in yik Lēvi cha-a yōm nuk urôhò tö nuk töpōiṙāi chehen ngam Tēv. 27Vinngö chūök cha-a nö iyöng im patī ngam Tēv; pòn i kui cha nö hakeunlöng ngam la-en inahati ngaich acha-a yōm linöpnyökūö e nö kaheuk peuheū.
Tö Ōtngöre Lēvī
28Rēvre tö cha yōm nup chūökṙen kamhul, pòn hōtu cha-a nö kaheūkö u yĕn kēhĕt u yĕn kēnyö u inrē. 29Yik tahëng in cha vīlöngö nö yōm nuk tanööngö, yōm nuk töfaṙëcha atra inrē, vāin, tavī-i tötahūsa, kunchiklö nyā-aṅkūö inrē. 30Yik tahëng, aṅ in yik kikōnyö kūön yik kūönṙô, halēn kinlūöchö nuk kunchiklö nyā-aṅkūö, 31Matitīyā inrē, töhĕng tak aṅ in yik Lēvi, lanòh Sālum aṅ in yik Kōra, yōm vinī-i tömitāk rôti anga-aṅ. 32Rīkre inrē yik mak alaha cha aṅ in yik Kōra nö yōm töhet rôti, kaheuk töhet sakāmö nö halēnö u.
33Vē yin tumkökṙôre, vē yöngkūö patī yik yöng Lēvī, mi-iyöng el nuk urôhò ök tempöl öt tö tahëngu la-en, pò cha nö i la-enre tö sakāmö hatööm inrē. 34Cha-a yin vē yöngkūö patī in Lēvi, nö asā tumkölchap cha, yöngṙen yin, nö mi-īyöng Yērusalem.
Muvöhngö Tö Yik Mikūönö Rācha Sôl
(8.29-38)
35Iyöng Kīpīön ök kikōnyö yöng Kipīön, Yē-ī-el, Mē-akah inrē minënyö ök pīhö ò, 36Aptön ök lanòh kūön ò kikōnyö, ngaich hēk Sūr, kis, Pē-al, Nör, Nātap, 37Kītôr, Ahī-ö, Sakariyā, Miklòt inrē; 38Miklòt ök inrē kikōnyö yöng Simë-am; ṙòkhöre inrē vē nö iyöng i Yērusalem nö havööhen höökūö tö yip mak alaha, nö holtö yik mak alaha cha.
39Nö ök kikōnyö yöng Kis, Kis yöng Sôl, Sôl yöng Yônatan, Maikisuā, Apīnatap, Ispē-al inrē; 40Kikōnyö kūön Yônatan Mēripē-al; Mēripē-al ök kikōnyö yöng Maika. 41Kikōnyö kūön Maika: Pitòn, Mēlek Tarë-a, Āhas inrē; 42Āhas ök kikōnyö yöng Yërah, yöng Alemet ang Yërah inrē, Asmavet, Simrī inrē; Simrī ök kikōnyö yöng Môsā. 43Môsā ök kikōnyö yöng Penë-a; Refāya inrē kūön ò kikōnyö, Eliasah kūön ò kikōnyö, Asel kūön ò kikōnyö. 44Tafūöl maneuk kūön ök Asel tö kikōnyö, në nun minë-eny cha inrē: Asrikam, Pokērū Isma-ĕl Sē-arīyā, Opētīya, Hanan inrē Acha-a yin vē kikōnyö kūön Asel.
Currently Selected:
1 KINṘÖTNGÖ 9: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
