1 KINṘÖTNGÖ 2
2
Mikūönö Yūtā
1Vē yin kikōnyö kūön Israĕl: Rūpön, Sīmōn, Lēvī, Yūtā, Isakār, Sepulön, 2Tën, Yôsĕf, Pennyamin, Naftalī, Kāt, Asēr inrē. 3Kikōnyö kūön Yūtā: Er, Ōnan, Sĕla inrē: cha-a vē tölūöi tak kayôḵnyö Patsūa ök aṅ Kanā-aṅ nö kūön ò. Ök lanòh kūön Yūtā, ang Er tötlöök nö ikūö ngam Mā Tēv, fëliyö ngaich anga-aṅ tö ò. 4Ök kankūön ò inrē Tēmār nö kayôḵnyen Pīres, Sērah inrē nö in ò, Taneui tak yik kikōnyö kūön Yūtā nö ṙòkhöre.
5Kikōnyö kūön Pīres: Hesròn, Hamul inrē. 6Kikōnyö Sērah; Simrī, Ētan, Hēman, Kalkòl Tāra inrē, ṙòkhöre nö taneui tak. 7Kikōnyö kūön Karmī: Akār, mahakihten Israĕl, ök tököölö fālen nö ik chehen tökētu; 8Asariā ök kikōnyö kūön Ētan. 9Vē kikōnyö kūön Hesròn, tö kayôḵnyu nö kūön ò: Yērahmīl, Rām, Kelūpai inrē.
Mupākö Rācha Tāvit
10Rām ök kikōnyö yöng Aminātap, ngaich ang Aminātap nö kikōnyö nö yöng Nāsön, ök mākūö yik kikōnyö kūön Yūtā. 11Nāsön ök kikōnyö yöng Salmā, Salmā yöng Pōas, 12Pōas yöng Opĕt, Opĕt yöng Yēsī. 13Yēsī kikōnyö yöng Ēliāp ök lanòh kūön ò, Apīnātap innëtö, Simeā linūöyö, 14Netanĕl finënö, Rattai tinneūyö, 15Osem tinfūölö, Tāvit sinātö; 16Nā nan kanānö cha Sērūyā, Apikēl inrē. Kikōnyö kūön Sēruyā: Apīsai, Yôap, Asahĕl inrē, lūöi tak. 17Kūönu Apikēl nö in Amāsa, aṅ Israĕl.
Mikūönö Hēsròn
18Kalĕp ök kikōnyö kūön Hesròn kūönu nö ik pīhö ò. Asupā, in Yeriòt inrē: vē yin kūön ò kikōnyö: Yēser, Sōpap, Artön inrē. 19Hē Asupā nö kapah, pīhövö ngaich Kalĕp tö Efrat, ök kamyôḵnyen Hör nö kūön ò. 20Hör ök kikōnyö yöng Urī, Urī inrē kikōnyö yöng Pësalel.
21Unôich ang Hesròn nö chuh ik kikānö kūön Makīr ök kikōnyö yöng Kilīöt, ök pīhö ò hē ò nö ngaich nö tafūöl anāi samyeūheu ṙēti; Kayôḵnyu ngaich tö ò ang Sëkup nö kūön ò; 22Sëkup kikōnyö yöng Yāir, ök tönët anāi lūöi elpanam nö ik panam Kilīöt. 23Ngaich pöri Kēsör, Arām inrē nö kē-ĕ Havòtyair nö ṙā-ang in cha, Kēnat nup tuhēt e inrē, tafūöl anāi elpanam. Ṙòkhöre yin vē nö lamökngörit Makīr, ök kikōnyö yöng Kilīöt. 24Unôichrit kinpaha Hesròn, chuh in Efratā ang Kalĕp ök pīhö ök yöng ò Hesròn, ngaich kūönu anga-aṅ nö in ò tö Asör, ök kikōnyö yöng Tēkoā.
Mikūönö Yērahmil
25Vē kikōnyö kūön Yērahmīl, ök lanòh Hesròn: Rām, lanòh ò, Pūna, Oren, Osem, Ahīyā inrē. 26Tahëngö pīhö inrē Yērahmīl, ök tö minënyu tö Atārah; anga-aṅ ök kikōnyö yöng Ōnam. 27Kikōnyö kūön Rām, ök lanòh Yērahmīl: Māas, Yamin, Ēkör inrē. 28Kikōnyö kūön Ōnam inrē: Sammai, Yatā inrē. Kikōnyö kūön Sāmmai: Nātap, Apisör inrē. 29Apihēl minënyö ök pīhö Apisör, kūönten Ahpan, Môlit inrē nö in ò. 30Kikōnyö kūön Nātap: Sēlet, Appaim inrē; kapah Sēlet nöng öt kūönu. 31Kikōnyö kūön Appaim: Isī. Kikōnyö kūön Isī: Sēsan. Kikōnyö kūön Sēsan: Ahlāi. 32Kikōnyö kūön Yatā; ök kahëm Sāmmai: Yētör, Yônatan inrē; kapah Yētör nöng öt kūönu. 33Kikōnyö kūön Yônatan: Pēlĕt, Sāsa inrē. Cha-a yin vē lamökngörit Yērahmīl. 34Öt kūönu ök Sēsan tö kikōnyö höng kikānö; hĕng tak pöri ök in ò töhakövö aṅ Aikup, ök tö minënyu tö Yārha. 35Lökten Sēsan nö kētök kūön re kikānö nö pīhö Yārha ök töhakövö tö ò; ngaich anga-aṅ nö kūönten Attai nö in ò. 36Attai ök kikōnyö yöng Nātan ngaich Nātan nö yöng Sapāt. 37Sapāt ök kikōnyö yöng Eflāi, yöng Opĕt inrē ang Eflāl. 38Opĕt ök kikōnyö yöng Yēhū, Asariā kūön Yēhu inrē. 39Asariā ök kikōnyö yöng Hēles, ngaich Hēles nö kūönten Eleāsa. 40Eleāsa ök kikōnyö yöng Sismai, Sismai ök yöng Salum. 41Salum ök kikōnyö yöng Yakamiā, Yakamiā inrē yöng Elissamā.
Tahëng Mikūönö Kalëp
42Kikōnyö kūön Kalĕp ök hol maneuk Yērahmīl: Merisā lanòh ò, ök kikōnyö yöng Sif. Kikōnyö kūön Merisā: Hepròn. 43Kikōnyö kūön Hepròn: Kōra, Tapūā, Rēkem, Samā inrē. 44Samā ök kikōnyö yöng Rāham, ök kikōnyö yöng Yorkēam, Rēkem ök kikōnyö yöng Samai inrē. 45Kikōnyö kūön Samai: Māòn; Māòn inrē kikōnyö yöng Petsur. 46Efā inrē, kūön ök töng töl pīhö Kalĕp, kūönten Haran, Môsā, Kases inrē; Haran ök kikōnyö yöng Kases. 47Kikōnyö kūön Yatai: Rikem, Yôtam, Kessān, Pēlet, Efā, Sā-af inrē. 48Mēaka töng töl pīhö Kalĕp, kūönten Sipör Tirhanā inrē. 49Kūönten Sāaf inrē anga-aṅ, ök kikōnyö yöng Matmānah, Siva ök kikōnyö yöng Makpēnah yöng Kipiā inrē; Aksā ök kikōnyö kūön Kālĕp. 50Cha-a yin vē lamökngörit in Kalĕp.
Kikōnyö kūön Hör ök lanòh Efrāta: Sopal ök kikōnyö yöng Kiriātyēarim, 51Salmā, ök kikōnyö yöng Petlihēm, Haref inrē kikōnyö yöng Petkatör. 52Sopal ök kikōnyö yöng Kiryātyēarim nö kūönu tö tahëng kikōnyö; Harōe, ròngti yip Mënuhot. 53Vē mupīhö Kiryatyēarim: vē Itrit, Put, Sumat, Misra inrē; ṙeū-eung in cha nö yih yik Sōrat, Estōl inrē. 54Kikōnyö kūön Salmā: Petlihēm, Netōfat, Atròtpetyôap, ròngti inrē Manāhat, tö Sōr. 55Vē mupīhö yik kamūich inrē mī-iyöng Yāpes: Tīrat, Simēāt, tö yip Sukāt. Cha-a yin aṅ Kēnāit yamih nö ṙeū-eung Hamat, ök kikōnyö yöng aṅ patī Rēkap.
Currently Selected:
1 KINṘÖTNGÖ 2: CANIBSI
Highlight
Copy
Compare
Share
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
