Nonm 7
7
Lofrann bann Sef
1Zour ki Moiz ti fini mont Latant SENYER, i ti vers delwil e konsakre tou son bann istansil; i ti osi konsakre lotel avek tou son bann istansil. 2Bann dirizan pep Izrael, bann sef sak tribi ti amenn zot lofrann. Zot ti sa bann sef tribi ki ti'n diriz resansman. 3Zot ti anmenn zot lofrann e prezant li devan SENYER: Sis saret kouver ek 12 bef, en saret pour de dirizan e en bef pou sak dirizan. Zot ti prezant tousala devan Latant SENYER.
4SENYER ti dir Moiz: 5Pran sa bann lofrann ki zot in anmennen. Zot ava servi pour servis dan Latant Rankont SENYER. Donn avek bann Levit ki ava servi dapre latas ki sakenn i annan.
6Moiz ti pran sa bann saret ek sa bann bef ki i ti donn avek bann Levit. 7I ti donn de saret ek kat bef bann garson Gersonn, dapre sa ki zot ti bezwen pour servis. 8I ti donn sa kat lezot saret ek sa wit bef avek bann garson Merari, dapre zot bezwen, pour servis anba direksyon Itamar, garson Aaron.
Lofrann pour Konsekrasyon Lotel
9Bann garson Keat pa ti ganny okenn par, akoz zot travay ti zis pour transport bann lobze sakre lo zot zepol.
10Bann sef ti prezant zot lofrann zour dedikas lotel, zour ki zot ti fer lonksyon avek delwil. Zot ti prezant zot lofrann devan lotel.
11SENYER ti dir Moiz: Bann sef devre anmenn zot lofrann sakenn son tour e sakenn son zour pour dedikas lotel:
12Premye zour, Nasonn, garson Aminadab sorti dan tribi Zida, ki ti anmenn son lofrann. 13Sa ti en plato annarzan ki ti pez anviron 1,300 granm, en bol annarzan ki ti pez 700 granm dapre pwa sanktyer. Tou le de ti ranpli avek lafarin petri avek delwil pour lofrann; 14en lakoup annor ki pez 100 granm, ranpli avek lansan; 15en toro, en mouton mal adilt, en zenn mouton aze enn an pour sakrifis konplet; 16en bouk pour sakrifis pese; 17e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann ki Nasonn, garson Aminadab ti anmennen.
18Dezyenm zour, Netaneel, garson Souar, sef Isakar ki ti anmenn son lofrann. 19Sa ti en plato annarzan ki ti pez 1300 granm, en bol annarzan ki ti pez 700 granm dapre pwa sanktyer, tou le de ranpli avek lafarin petri avek delwil pour lofrann; 20en lakoup annor ki pez 100 granm, ranpli avek lansan; 21en toro, en mouton mal adilt, en zenn mouton aze enn an pour sakrifis konplet; 22en bouk pour sakrifis pese; 23e pour sakrifis lape, de toro, senk mouton mal adilt, senk bouk ek senk mouton enn an. Tousala ti lofrann Netaneel, garson Souar.
24Trwazyenm zour, ti tour sef tribi Zabilon, Eliab, garson Helonn. 25I ti ofer en plato annarzan ki ti pez 1300 granm, en bol annarzan ki ti pez 700 granm dapre pwa sanktyer, tou le de ranpli avek lafarin petri avek delwil pour lofrann, 26en lakoup annor ki pez 100 granm, ranpli avek lansan; 27en toro, en mouton mal adilt, en zenn mouton mal aze enn an pour sakrifis konplet; 28en bouk pour sakrifis pese; 29e pour sakrifis lape, de toro, senk mouton mal adilt, senk bouk ek senk zenn mouton mal enn an. Tousala ti lofrann Eliab, garson Helonn.
30Katriyenm zour, ti tour sef tribi Riben, Elisour, garson Sedeour. 31Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer; tou le de ranpli avek lafarin petri avek delwil pour lofrann; 32en lakoup annor ki ti pez 100 granm, ranpli avek lansan; 33en toro, en mouton mal adilt, en mouton aze enn an pour sakrifis konplet; 34en bouk pour sakrifis pese; 35e pour sakrifis lape, de toro, senk mouton mal adilt, senk bouk ek senk zenn mouton enn an. Tousala ti lofrann Elisour, garson Sedeour.
36Senkyenm zour, ti tour tribi Simeon, Seloumiel garson Sourisadai. 37Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 38en lakoup annor ki ti pez 100 granm, ranpli avek lansan, 39en toro, en mouton mal adilt, en zenn mouton aze enn an pour sakrifis konplet; 40en bouk pour sakrifis pese; 41e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann Seloumiel, garson Sourisadai.
42Sizyenm zour, ti tour tribi Gad, Eliasaf, garson Deouel. 43Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 44en lakoup annor ki ti pez 100 granm, ranpli avek lansan, 45en toro, en mouton mal adilt, en zenn mouton aze enn an pour sakrifis konplet; 46en bouk pour sakrifis pese; 47e pour sakrifis lape, ti annan de toro, senk mouton mal adilt, senk bouk ek senk zenn mouton enn an. Tousala ti lofrann Elizaf, garson Deouel.
48Setyenm zour, ti tour tribi Efraim, Elisama, garson Amihoud. 49Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa Sanktyer, tou le de ranpli avek lafarin petri avek delwil pour lofrann; 50en lakoup annor ki ti pez 100 granm, ranpli avek lansan; 51en toro, en mouton mal adilt, en zenn mouton aze enn an pour sakrifis konplet; 52en bouk pour sakrifis pese; 53e pou fer sakrifis lape, ti de toro, senk mouton mal adilt, senk bouk ek senk zenn mouton enn an. Tousala ti lofrann Elisama, garson Amihoud.
54Wityenm zour, ti tour tribi Manase, Gamalyel, garson Pedasour. 55Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 56en lakoup annor ki ti pez 100 granm, ranpli avek lansan, 57en toro, en mouton mal adilt, en zenn mouton aze enn an pour sakrifis konplet; 58en bouk pour sakrifis pese; 59e pour sakrifis lape, ti de toro, senk mal mouton, senk bouk ek senk zenn mouton enn an. Tousala ti lofrann Gamalyel, garson Pedasour.
60Nevyenm zour, ti tour Zedeon, garson Abidann, sef tribi Benzamen. 61Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 62en lakoup annor ki ti pez 100 granm, ranpli avek lansan, 63en toro, en mouton mal adilt, en zenn mouton aze enn an pour sakrifis konplet; 64en bouk pour sakrifis pese; 65e pour sakrifis lape, ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Zedeon, garson Abidann.
66Dizyenm zour, ti tour Ahiezer, garson Amisadai, sef tribi Dann. 67Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 68en lakoup annor ki ti pez 100 granm, ranpli avek lansan, 69en toro, en mouton mal adilt, en zenn mouton mal aze enn an pour sakrifis konplet; 70en bouk pour sakrifis pese; 71e pour sakrifis lape, ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Ahiezer, garson Amisadai.
72Onzyenm zour, ti tour Pagiel garson Okrann, sef tribi Aser. 73Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 74en lakoup annor ki ti pez 100 granm, ranpli avek lansan, 75en toro, en mouton mal adilt, en mouton aze enn an pour sakrifis konplet; 76en bouk pour sakrifis pese; 77e pour sakrifis lape ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Pagiel, garson Okrann.
78Douzyenm zour, ti tour Ahira garson Einann, sef tribi Neftali. 79Son lofrann ti en plato annarzan ki ti pez 1300 granm, en bol annarzan ki ti pez 700 granm, dapre pwa sanktyer, tou le de ranpli avek lafarin petri avek delwil pour lofrann; 80en lakoup annor ki ti pez 100 granm, ranpli avek lansan; 81en toro, en mouton mal adilt, en zenn mouton mal aze enn an pour sakrifis konplet; 82en bouk pour sakrifis pese; 83e pour sakrifis lape, ti annan de toro, senk mouton mal adilt, senk bouk ek senk zenn mouton mal enn an. Tousala ti lofrann Ahira, garson Einann.
84Sa ti lofrann dedikas ofer lo lotel, zour i ti ganny konsakre avek delwil, sorti kot bann sef tribi dan Izrael: 12 plato annarzan, 12 bol annarzan, 12 lakoup annor, 85sak plato annarzan ti pez 1300 granm e sak bol ti pez 700 granm. Tou sa larzan ti pez an tou 24 kilo, dapre pwa sanktyer. 86Sa 12 lakoup annor plen avek lansan ti pez 100 granm sakenn; tou sa lor ti pez 1200 granm, dapre pwa sanktyer. 87Total bann zannimo pour sakrifis konplet: 12 toro, 12 mouton mal adilt, 12 zenn mouton mal enn an, avek sa bann lofrann vezetal; 12 bouk pour sakrifis pese. 88Bann gro zannimo pour sakrifis lape ti fer an tou 24 toro, 60 mouton mal adilt, 60 bouk, 60 mouton enn an. Sa ti lofrann pour dedikas lotel, apre son konsekrasyon.
89Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.
Currently Selected:
Nonm 7: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
