2 Kronik 3
3
Konstriksyon Tanp I Konmanse
1Salomon ti konmans konstri tanp SENYER dan Zerizalenm, lo montanny Moriya, la kot SENYER ti aparet avek David, son papa. Sa menm landrwa ki David ti'n deza prepare, lanplasman kot Ornann, en Zebizit, ti bat dible. 2Travay konstriksyon ti konmans dan dezyenm mwan, katriyenm lannen ki Salomon ti vin lerwa. 3La bann mezir ki Salomon ti servi pour konstri tanp: Longer 30 met; larzer 10 met. 4Son lavarang devan ti menm longer avek larzer lakaz, setadir 10 met; e son oter 54 met. Lenteryer sa lasanm, ti kouver avek lor pir. 5Miray lasal prensipal ti lanbri avek plans dibwa sipre, kouver avek lor pir; bann artizan ti'n skilpte desen brans palm ek girlann lo la. 6Tanp ti ganny dekore avek bann pyer presyez, e kouver avek lor pir ki lerwa ti'n enporte sorti Parvaim. 7I ti kouver tousala avek lor: Bann sevron, padport, miray tanp, tou batan laport, ek tou bann laport. I ti fer skilpte bann seriben lo miray.
8I ti fer Lasal Tre Sen 10 met longer e 10 met larzer parey larzer tanp. Zot ti servi plis ki 20 tonn lor meyer kalite pour kouver miray enteryer. 9Bann klou ki zot ti servi ti pez plis ki 500 granm lor. Plafon osi ti kouver avek lor.
10Salomon ti fer plas de seriben skilpte, kouver avek lor, dan Lasal Tre Sen. 11Lezel sa de seriben ti mezir ansanm, 10 met longer. Lezel premye seriben ki ti de met edmi, ti tous miray e son lot lezel, ki ti osi de met edmi, ti tous lezel lot seriben. 12Dezyenm seriben osi, ki son lezel ti menm grander, ti tous miray en kote e lot kote ti tous lezel lot seriben dan milye. 13Sa de seriben ti mezir 10 met avek zot de lezel ouver; zot ti debout anfas avek laport antre. 14Bann artizan ti prepar rido Lasal Tre Sen avek latwal linenn e ti tenn li an rouz fonse, vyolet ek rouz kler, avek brodri bann seriben, zete en pe partou.
15Lerwa Salomon ti plas de kolonn an bronz devan tanp; sakenn ti mezir 15 met edmi oter. Lo sak kolonn, ti annan en kornis ki ti mezir de met edmi oter. 16Ti annan osi en girlann ki ti koman en kolye otour li; i ti plas 100 grenad an bronz anpandan avek. 17I ti plas sa de kolonn devan tanp, enn lo kote Sid ki ti apel Yakin, e lot lo kote Nor ki ti apel li Boaz.
Currently Selected:
2 Kronik 3: BSK
Highlight
Copy
Compare
Share
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
