Oze 3
3
Oze I Kontinyen Kontan Son Fanm Enfidel
1SENYER ti dir mwan ankor: Ale e kontan ankor en fanm adilter ki annan en galan. Kontan li parey SENYER i kontan pep Izrael, menm si zot al ver lezot Bondye e zot kontan pake rezen.
2Alor, mon ti reaste mon fanm. Mon ti pey 15 pyes larzan ek 600 lit lorz. 3Mon ti dir li, “Ou ava reste kot mwan pandan lontan. Pa al vann ou lekor ankor, pa donn ou lekor okenn zonm. Mwan osi, mon ava reste parey ou.”
4Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.
5Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.
Labib An Kreol Seselwa © Seychelles Bible Society, 2013.