LOUTAO 127
127
Ramai vei Aveih naye paoshoyu
1 Mapao nou koa ki nasü soushu peimoyu thaio,
ki soua buyu maitao vei telai sü hamako baie;
Mapao nou nuh teidei nasü kho peimoyu thaio,
reihkhao maitao nou kho-a buyu hai hako baie.
2Hrire donou shona nou kushu zhisho-a ae kheiki züta nasho-a nou teroupoa vah soupüa buyuma hamako baie,
daiolouzü Mapao nou leshiyu maiye sü puletao nou züzhi-a buyu hinou peia baiwe.
3Nahmaitao hai Mapao nou sapeina soua nou peie,
puletao hai Ramai vei shiha-e.
4 Mapao vei chi züyu maiye sü haibüa nou shiha peilai.
5Savayu maitao hai puhvei lekhabvü hi voulouthou taoli pfüa laiyu maitao-e.
Puhnou ngaobayu maitaoye chikuyu buh hinou ve daoyu phaki puh hai hraongu daolai moe.
Currently Selected:
LOUTAO 127: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
