LUK 24
24
Jisu Hrishuyu
(Mt 28.1-10; Mk 16.1-8; Jn 20.1-10)
1Ana Rathozhou shohna hisü naotumai taonou puletao nou soudakhai touyu kainüvei na taosü poloua khüh hi tave. 2Alia chuh nasü khüh hinou phaolai tawuyu sü puletao nou ngaoloure, 3ana puletao nou talouyu kisü Mapao Jisu vei pfüphaosü ngaolou moe. 4Alia puletao nou süvanou tsü-bo phouha-a la-a buyu hinou, zhukhaio, peivavayu sahnü nou bah-nouyu mai ahaisü sükhaimoa puletao ngheiki hinou la-a buloure; 5alia puletao nou piyule-a puletao pahsü deiphihi pfüshoua buyu hinou mai sühainou puletao hi paoe, “Neletao nou daidonou thaimai hrohinou ahrimai naye phouwe? 6Puhwo haihi hare, ana puhwo hrishu loure! puhnou Galilee hi bubuki neletao hi kabüa paopeikhai tousa touyusü likhaio, 7süolouzü, ‘Mainahpoutuye sü mahmai bah thoupeiwu vuzülai ea kros vanou veathealai, alia teithe asü kisü hrishulai’ tea paokhaitoue.”
8Sühinou puletao nou puhvei chipaosü liloure, 9alia khüh hinou khaiveloua sütao teiteisü puletao nou rozümai kiahai taohi ea kukhe hrülaihi paongao peire. 10Puletao sü Magdalini Meri, Joanna ea Jems pfü Meri-e; puletao nou kukhe naotumai taoye koa tave chi sütaosü sei-atamai taohi paopeie. 11Ana naotumai taonou paoyu chi sütaosü puletaoye donou chaochao soua müroyu büloua puletao nou puletaoye sü louche peimoe. 12Ana Pitar nou shuloua khüh hi tuvere; alia puhnou pei pfüna kouloua zhulouyu kisü jüyu sahtao likheithe bubaiyu sü ngaoloue. Sükisü puhnou dai paresa tea khupaloua kihi khaivere.
Emus hi Taveyu
(Mk 16.12-13)
13Alia zhukhaio, teithe süzhou hinou puletao hrohinou mai ahaisü Jerusalem hinou kaacho anaipha doua buyu Emus tea kuyu nuh buh hilo tave-a bue, 14alia puhai nou pawuyu sütao teitei vanou alinou lihi pha-kua laiwe. 15Puhainou sübüa chipha-a ea noukou-noukhe-a ta-a buyu hinou Jisu puh lahnou ngheikihi takouloua puhaiye koa tazho loure. 16Ana puhye panou sülou more donou puhai ngheithousü soukure. 17Alia Jisu nou puhaihi paoe, “Nehainou talukhu alinou lihi pha-kuyu sü dai chi-e?”
Sühinou puhaisü levea shoyu zhu pfüa laha loure. 18Alia puhai hronou Kleopas touyu nanou puh hi nou-a paoe, “Jerusalem hi veive-a buyu veihmaitao hronou sühi zhovunou pa-a buyu chitao sümoyu sü ne likhei baiwu?”
19Puhnou puhaihi noue, “Daidai pare?”
Puhai nou puh hi chilapeie, “Nazareth hi Jisu vanoue, puh hai Ramai ea maikhemai hrülai nghojünou khupa vah souyu ea chipao hinou khouko bushoyu rachi paolamai alie, 20alia Eletao vei napao adumaitao ea teidei khomai taonou puhyesü thaire vei chi lükou peire donou thoupeiwu-a puhyesü kros vanou veatheare. 21Ana Ehnou puhyenou Israel maitaoye khaipa peiloure nasüe tea zhia bubaie! Sütao veishi peinou sübüa payusü chuo teithe asüna hi koure. 22Süthe baimoa, Eh mehi naotumai kamai taonou Ehye tsü-bo souha peie. Puletao nou shohna hinou khüh hi tahoe, 23ana puhvei pfüphao sü ngaolou moe; alia puhwo hria bue tea puletao hi paoyu rakivamai taoye puletao nou zhokou nou ngaoe tea puletao nou khaiveloua paoe. 24Alia Ehye koa laiyu kamai taonou khüh hi tahoe, alia naotumai taonou paoyu bütoua süsü tave ngaoloure; ana puhye louzü puletao nou ngaolou moe.”
25Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao! 26Khristaye donou haitao teitei veayu daoloua puhvei khouko ava buh hi louyu phamowu?” 27Alia Moses vei larübvütao ea rachi paolamaitao hrülainou rükhai touyu taohinou shupoa, puhnou puhai hisü lah puh vanou sheeyu larübvü teitei hinou paokhai touyu taosü paodapa sheetoua doupeie.
28Alia puhai nou tavere nuh hisü puletao nou takou ngheiyu kisü Jisu sü adoukou tare büa souloure; 29ana puhai nou puhye nuteiloua, “Ne Ahaiye koa bubaio, daiolouzü chuo koukhe loure ea teia mailoure,” tea paoe. Südonou puhnou puhaiye koa chaoloure donou sühi taloure. 30Alia puhnou puhaiye koa toure donou kou bulouyu kisü, puhnou raokhao nasü poloua hapeire ea süsü soukholoua puhai hi peire. 31Sühinou puhai nghisü houpaloua puhai nou puh zhusü shiloure; ana puhsü puhai nghojünou hazhei tare. 32Südonou puhai alinou lihi paoe, “Puhnou ludu hinou Ahaihi larübvütao hinou paodapa-a doupei buki Ahai lekhe hisü mei keihre soumowu?”
33Alia puhai nou pha sübü hinou shuloua Jerusalem hi khaivere; alia rozümai kialitao ea puletaoye koa buyu taonou vedzüloua, 34“Mapao hai chechenou hrishu loure, alia Simon hi-a ngaopeire!” tea paoyusü puhai nou tave ngaoloure.
35Süthaisü ludu hinou dai pasa ea puhai nou Mapaoye sü puhnou raokhao soukhoyu hinou kabüa sülousa touyusü puhai nou puletao hi paosü peire.
Jisu nou Puhvei Rozümaitao hi Ve Ngaopeiyu
(Mt 28.16-20; Mk 16.14-18; Jn 20.19-23; Vah 1.6-8)
36Alia puhai nou sübüa pao-a buyu hinou Jisu puh lahnou puletao hrohi tave lahaloua puletao hi paoe, “Neletao hi kaonayu sü bulou theo!”
37Ana puletao nou rako aliye ngaore tea choloua pithou khupa souloure. 38Sühinou puletao hi paoe, “Neletao daidonou ngaopiwe, alia daidonou neletao le kiwe? 39Abah ea Aphisü zhukhaio. Haisü E vuzübaie. Eye kou deiloua zhukhaio; daiolouzü Avei vasou ea rao buyu sü neletao nou ngaoyu büa rako veiwo hae.”
40Alia puhnou sübüa paoyu thaisü puh bah ea puh phisü puletao hi pongaoe. 41Alia puletao nou le saleyu vanou louche louhoa ea khupa-a buyu hinou puhnou puletao hi noue, “Haihi neletao vei hatalia toure donou bubumoe?” 42Sühinou puletao nou puh hi roukhai touyu khahkih vali popeie, 43alia puhnou süsü poloua puletao nghojünou touloure.
44Süthaisü puhnou puletao hi paoe, “Enou neletaoye koa bubu kinou neletao hi Enou paopeikhai touyu chipao sü haitaoe, süolouzü Avanou Moses vei razhai hinou, rachi paolamai taovei larübvü ea lou larübvü hinou rüthou khai touyu teiteisü vete vuzülai.”
45Sükisü puletaoye panou sheeyu larübvü taosü süloure donou puhnou puletao vei tsü kikhusü houpeire, 46alia puhnou puletao hi paoe, “Khrista hai vea vuzülai ea teithe asü kisü athai hinou hrishulai, 47alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue. 48Neletaowo louzü haitao teiteivei zhopaoh soure maitaoe. 49Alia zhukhaio, Apuonou peilai tea paopeikhai touyu nasü Enou neletao hi seive peilai; ana reikonou kou neletaoye khoukonou züpeimo koutesü nuhduna hinou chao-a buwo.”
Jisu nou Rakihi Khetayu
(Mk 16.19-20; Vah 1.9-11)
50Süthaisü puhnou puletaoye nuhduna hinou sataloua Bethani ngheikihi savere, alia sühinou puh bahsü laloua puletaoye hapeie. 51Alia puhnou puletaoye hapeia buyu hinou, puhsü puletao hinou rataloua, rakihi sakhere. 52Alia puletao nou puhye sü tholoua, sashoa Jerusalem hi khaivere, 53alia puletao nou Rathoki hinou tobai soumoa Ramaiye soushoa bue.
Currently Selected:
LUK 24: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LUK 24
24
Jisu Hrishuyu
(Mt 28.1-10; Mk 16.1-8; Jn 20.1-10)
1Ana Rathozhou shohna hisü naotumai taonou puletao nou soudakhai touyu kainüvei na taosü poloua khüh hi tave. 2Alia chuh nasü khüh hinou phaolai tawuyu sü puletao nou ngaoloure, 3ana puletao nou talouyu kisü Mapao Jisu vei pfüphaosü ngaolou moe. 4Alia puletao nou süvanou tsü-bo phouha-a la-a buyu hinou, zhukhaio, peivavayu sahnü nou bah-nouyu mai ahaisü sükhaimoa puletao ngheiki hinou la-a buloure; 5alia puletao nou piyule-a puletao pahsü deiphihi pfüshoua buyu hinou mai sühainou puletao hi paoe, “Neletao nou daidonou thaimai hrohinou ahrimai naye phouwe? 6Puhwo haihi hare, ana puhwo hrishu loure! puhnou Galilee hi bubuki neletao hi kabüa paopeikhai tousa touyusü likhaio, 7süolouzü, ‘Mainahpoutuye sü mahmai bah thoupeiwu vuzülai ea kros vanou veathealai, alia teithe asü kisü hrishulai’ tea paokhaitoue.”
8Sühinou puletao nou puhvei chipaosü liloure, 9alia khüh hinou khaiveloua sütao teiteisü puletao nou rozümai kiahai taohi ea kukhe hrülaihi paongao peire. 10Puletao sü Magdalini Meri, Joanna ea Jems pfü Meri-e; puletao nou kukhe naotumai taoye koa tave chi sütaosü sei-atamai taohi paopeie. 11Ana naotumai taonou paoyu chi sütaosü puletaoye donou chaochao soua müroyu büloua puletao nou puletaoye sü louche peimoe. 12Ana Pitar nou shuloua khüh hi tuvere; alia puhnou pei pfüna kouloua zhulouyu kisü jüyu sahtao likheithe bubaiyu sü ngaoloue. Sükisü puhnou dai paresa tea khupaloua kihi khaivere.
Emus hi Taveyu
(Mk 16.12-13)
13Alia zhukhaio, teithe süzhou hinou puletao hrohinou mai ahaisü Jerusalem hinou kaacho anaipha doua buyu Emus tea kuyu nuh buh hilo tave-a bue, 14alia puhai nou pawuyu sütao teitei vanou alinou lihi pha-kua laiwe. 15Puhainou sübüa chipha-a ea noukou-noukhe-a ta-a buyu hinou Jisu puh lahnou ngheikihi takouloua puhaiye koa tazho loure. 16Ana puhye panou sülou more donou puhai ngheithousü soukure. 17Alia Jisu nou puhaihi paoe, “Nehainou talukhu alinou lihi pha-kuyu sü dai chi-e?”
Sühinou puhaisü levea shoyu zhu pfüa laha loure. 18Alia puhai hronou Kleopas touyu nanou puh hi nou-a paoe, “Jerusalem hi veive-a buyu veihmaitao hronou sühi zhovunou pa-a buyu chitao sümoyu sü ne likhei baiwu?”
19Puhnou puhaihi noue, “Daidai pare?”
Puhai nou puh hi chilapeie, “Nazareth hi Jisu vanoue, puh hai Ramai ea maikhemai hrülai nghojünou khupa vah souyu ea chipao hinou khouko bushoyu rachi paolamai alie, 20alia Eletao vei napao adumaitao ea teidei khomai taonou puhyesü thaire vei chi lükou peire donou thoupeiwu-a puhyesü kros vanou veatheare. 21Ana Ehnou puhyenou Israel maitaoye khaipa peiloure nasüe tea zhia bubaie! Sütao veishi peinou sübüa payusü chuo teithe asüna hi koure. 22Süthe baimoa, Eh mehi naotumai kamai taonou Ehye tsü-bo souha peie. Puletao nou shohna hinou khüh hi tahoe, 23ana puhvei pfüphao sü ngaolou moe; alia puhwo hria bue tea puletao hi paoyu rakivamai taoye puletao nou zhokou nou ngaoe tea puletao nou khaiveloua paoe. 24Alia Ehye koa laiyu kamai taonou khüh hi tahoe, alia naotumai taonou paoyu bütoua süsü tave ngaoloure; ana puhye louzü puletao nou ngaolou moe.”
25Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao! 26Khristaye donou haitao teitei veayu daoloua puhvei khouko ava buh hi louyu phamowu?” 27Alia Moses vei larübvütao ea rachi paolamaitao hrülainou rükhai touyu taohinou shupoa, puhnou puhai hisü lah puh vanou sheeyu larübvü teitei hinou paokhai touyu taosü paodapa sheetoua doupeie.
28Alia puhai nou tavere nuh hisü puletao nou takou ngheiyu kisü Jisu sü adoukou tare büa souloure; 29ana puhai nou puhye nuteiloua, “Ne Ahaiye koa bubaio, daiolouzü chuo koukhe loure ea teia mailoure,” tea paoe. Südonou puhnou puhaiye koa chaoloure donou sühi taloure. 30Alia puhnou puhaiye koa toure donou kou bulouyu kisü, puhnou raokhao nasü poloua hapeire ea süsü soukholoua puhai hi peire. 31Sühinou puhai nghisü houpaloua puhai nou puh zhusü shiloure; ana puhsü puhai nghojünou hazhei tare. 32Südonou puhai alinou lihi paoe, “Puhnou ludu hinou Ahaihi larübvütao hinou paodapa-a doupei buki Ahai lekhe hisü mei keihre soumowu?”
33Alia puhai nou pha sübü hinou shuloua Jerusalem hi khaivere; alia rozümai kialitao ea puletaoye koa buyu taonou vedzüloua, 34“Mapao hai chechenou hrishu loure, alia Simon hi-a ngaopeire!” tea paoyusü puhai nou tave ngaoloure.
35Süthaisü ludu hinou dai pasa ea puhai nou Mapaoye sü puhnou raokhao soukhoyu hinou kabüa sülousa touyusü puhai nou puletao hi paosü peire.
Jisu nou Puhvei Rozümaitao hi Ve Ngaopeiyu
(Mt 28.16-20; Mk 16.14-18; Jn 20.19-23; Vah 1.6-8)
36Alia puhai nou sübüa pao-a buyu hinou Jisu puh lahnou puletao hrohi tave lahaloua puletao hi paoe, “Neletao hi kaonayu sü bulou theo!”
37Ana puletao nou rako aliye ngaore tea choloua pithou khupa souloure. 38Sühinou puletao hi paoe, “Neletao daidonou ngaopiwe, alia daidonou neletao le kiwe? 39Abah ea Aphisü zhukhaio. Haisü E vuzübaie. Eye kou deiloua zhukhaio; daiolouzü Avei vasou ea rao buyu sü neletao nou ngaoyu büa rako veiwo hae.”
40Alia puhnou sübüa paoyu thaisü puh bah ea puh phisü puletao hi pongaoe. 41Alia puletao nou le saleyu vanou louche louhoa ea khupa-a buyu hinou puhnou puletao hi noue, “Haihi neletao vei hatalia toure donou bubumoe?” 42Sühinou puletao nou puh hi roukhai touyu khahkih vali popeie, 43alia puhnou süsü poloua puletao nghojünou touloure.
44Süthaisü puhnou puletao hi paoe, “Enou neletaoye koa bubu kinou neletao hi Enou paopeikhai touyu chipao sü haitaoe, süolouzü Avanou Moses vei razhai hinou, rachi paolamai taovei larübvü ea lou larübvü hinou rüthou khai touyu teiteisü vete vuzülai.”
45Sükisü puletaoye panou sheeyu larübvü taosü süloure donou puhnou puletao vei tsü kikhusü houpeire, 46alia puhnou puletao hi paoe, “Khrista hai vea vuzülai ea teithe asü kisü athai hinou hrishulai, 47alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue. 48Neletaowo louzü haitao teiteivei zhopaoh soure maitaoe. 49Alia zhukhaio, Apuonou peilai tea paopeikhai touyu nasü Enou neletao hi seive peilai; ana reikonou kou neletaoye khoukonou züpeimo koutesü nuhduna hinou chao-a buwo.”
Jisu nou Rakihi Khetayu
(Mk 16.19-20; Vah 1.9-11)
50Süthaisü puhnou puletaoye nuhduna hinou sataloua Bethani ngheikihi savere, alia sühinou puh bahsü laloua puletaoye hapeie. 51Alia puhnou puletaoye hapeia buyu hinou, puhsü puletao hinou rataloua, rakihi sakhere. 52Alia puletao nou puhye sü tholoua, sashoa Jerusalem hi khaivere, 53alia puletao nou Rathoki hinou tobai soumoa Ramaiye soushoa bue.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.