LUK 23
23
Jisu ye Pilat Nghojühi Saveyu
(Mt 27.1-2,11-14; Mk 15.1-5; Jn 18.28-38)
1Süthaisü puletao vei me teiteinou shuloua Jisu ye sü Pilat nghojühi save loure. 2Alia puletao nou puhpei hisü mah paodukhaia paoe, “Mai hainanou Eh tahrüye sümah tayu, Ehye Kaisar hi kikha peire hinou nuyu alia puhlah nou Khrista Veo nasüe tea paoyu sü Ehnou ngaoloure.”
3Sükisü Pilatnou puh hi noue, “Ne Jihudimai veowu?”
Jisu nou puh hi chila peie, “Süsü nenou paowure.”
4Süthaisü Pilatnou napao adu maitao ea maisouhi paoe, “Enou mai haina hinou ha mahlia ngaolou moe.”
5Ana puletao nou khoupua paoe, “Puhnou Judea teidei teitei hinou doupeia maikhe maiye soubvü peiwe. Puhnou Galilee hinou shupoa chuo buh haihi koute koure.”
Jisu ye Herod hi seiveyu
6Pilat nou süsü choulouyu kisü, “Mai haina hai Galilee hi maiwu?” tea noue. 7Alia puhnou Jisu hai Herod vei khakhe hinou hrüyu mailie touyu sülouyu kisü, puhnou puhye sü Herod hi seive, daiolouzü Herod-a süpha kisü Jerusalem hi bue. 8Herod nou Jisu ye ngaolouyu kisü puh lesü sasho loure daiolouzü puhnou puh kosü raichoki nou choulouyu donou teile phasho puhye sü ngaonüshoa bure, alia puhnou khupa vahtao soua panou puhye ngaolai mosa tea tsü choda-a bue. 9Südonou puhnou Jisu hi chi alaosou noue; ana puhnou chila lia peimoe. 10Alia napao adu maitao ea razhai dou-apei maitao nou tashu laloua Jisu pei hi sü soutaosoua mah dukhai loure. 11Alia Herod nou puhvei reihmai taoye koa Jisu ye sü ngaophou khaimoa konü peire; süthaisü puletaoye panou puh hisü veishoyu zaoduna ali noupeiwu-a puhye sü Pilat hi seikhai vere. 12Alia teithe süzhounou Herod ea Pilat sü samai souloure, daiolouzü süjühi louzü puhaisü alinou liye ngaoba-a bue.
Jisu ye Southeare Lüpeiyu
(Mt 27.15-26; Mk 15.6-15; Jn 18.39—19.16)
13Süthaisü Pilatnou napao adumaitao, teidei khomaitao ea maisouye kuve dzüloua, 14puletao hi paoe, “Maikhe maiye sümah peiwe tea neletao nou mai hainaye Ahi savewe; alia zhukhaio, Enou neletao nghojünou puhye zhai zhuyu kisü, Enou mai haina hinou neletao nou puh pei hi dukhaiyu mah lia ngaolou moe; 15alia Herod koutenou-a ngaolou moe, daiolouzü puhnou puhye sü Eletao hi seikhaive peire. Zhukhaio, thai züdouyu mah lia puhnou soumoe. 16Südonou Enou puhye souveasho peiwu-a phapeilai.” 17(Chuo Tachonüh sasü Pilatnou puletaoye donou hukhahi buyu mai aliye phapei vuzüyu zhai bue.)
18Ana maisou teiteinou shusouloua “Mai hainaye southeawo! Eletaoye donou Barabbas ye phapeio!” tea shaloure. 19Barabbasye nuhdu hi chi bvüpayu ea maiye southeawuyu sünavei vanou hukhahi thoukhai toue.
20Pilatnou Jisu ye phapeinüa maisouhi shusoua paopue. 21Ana puletao nou shusoua shada khaire, “Puhye veatheawo! Puhye veatheawo!”
22Pilat nou puletao hi lüh asü chena koute paoe, “Daidonoue, puhnou dai ashi soure? Enou puh hinou thai züdouyu mahlia ngaomoe; südonou Enou puhye souveasho peiwu-a pha peilai.”
23Ana puletao nou pai-rao kusholoua puhye sü veatheawo tea khokhai khaire. Alia puletao vei pai-rao sünanou akhai hisü koloure. 24Südonou puletao kho thaifüa soupeire donou Pilatnou chi lükou peire. 25Alia puhnou chi soubvü peiyu ea maiye southeawuyu vanou hukhahi thoukhai touyu, puletao nou züpayu mai sünaye sü puhnou phapeire; ana puhnou Jisu ye puletao vei züpa panou souloure donou thoupeire.
Jisu ye Veatheayu
(Mt 27.32-44; Mk 15.21-32; Jn 19.17-27)
26Alia puletao nou puhye süthaipoa tapayu kisü, nuhfü hilonou taveyu Kurini himai Simonye puletao nou daoloua niloure, alia Jisu thailonou kros nasü panou pfütare donou puh vahi süsü pokhai peire.
27Alia sühisü maisou alaosou ea Jisu ye donou do-a khao khoua kra-a laiyu naotumai taoli puhthai füa tawe. 28Ana Jisu nou puletao hi reiveloua paoe, “Jerusalem hi naotumaitao, Eye donou krawuso, ana neletao lah donou ea neletao vei nahmaitao donou kraloubaio. 29Daiolouzü zhukhaio, maikhe mainou ‘Nah hayu, nah hrükhai moyu, alia nahmaiye panou naokhai moyu naotumai taosü daizhozhou rako veisa!’ tea paolaiyu teithe taosü velai. 30Sükisü puletao nou deichidu taohi, ‘Eh pei hi dukou loupeio!’ alia deichitai taohi, ‘Eh ye mikou paopeio!’ tea paoshu talai. 31Daiolouzü puletao nou hri-a buyu süübehi sübüyu vah taosü soupei louzü, süübe athaina hiwo dai palaisa?”
32Alia ashi vah souyu kukhe mai ahaiye-a Jisu ye koa southeare donou süthai satare. 33Alia puletao nou “Kalvari” tea kuyu buh hi tave louyu kisü, sühinou puletao nou puhye sü kros vanou veatheare ea ashi vah souyu sühaiye sü aliye puh bahkha zhoulohi ea kukhe sünaye puh bahkha nalohi nou veatheare. 34Alia Jisu nou paoe, “Apuo, puletaoye khaipeio! Daiolouzü puletao nou dai sousa touyusü puletao nou sümoe.”
Alia puletao hrohinou rakovei zhua puhvei sahnü taosü zhiloure. 35Alia maikhemai taonou la-a zhua bue; ana Jihudimai peichamai taonou puh hisü konüa paoe, “Puhnou kukhe maiye khailu peiwe; puh hai Ramai nou dopawuyuna Khristae toulouzü puhlah puhye panou khailulouwo!”
36Alia reihmai taonou-a puh ngheikihi takouloua puh hi khairouyu darkha zhaohnou popeia puhye konüa paoe, 37“Ne sü Jihudimai veo-e toulouzü nelah khailulouwo!”
38Alia puh peikou hisü, “Haisü Jihudimai Veo nasüe,” tea rüthoukhai touyu chahkhao nasü-a bue.
39Alia kros vahinou khiyu khaitoua buyu ashi souyu maisühai hinou ali nanou Jisu ye ngaophou khaimoa paoe, “Newo Khrista süna mowu? Nelah neye-a Ehye-a khailu peilo!”
40Ana kukhe alinanou puh hi tukhayu noupu züpeia paoe, “Newo Ramaiye pimowu? Daiolouzü ne-a mah-e tea chi lükou peiyu hisü kheihao-a zha ngaozhobaie. 41Alia Ahaiwo louzü chechenou ngaozüe; daiolouzü Ahaiwo Ahainou sou-pfüyu vah sütaovei ngaozüyu buusü ngaobaie; ana mai hainawo ha mahlia soumoe.” 42Alia puhnou Jisu hi paoe, “He Mapao, nenou nevei vedeihi veyu kisü Eye li-chopeio!”
43Jisu nou puh hi paoe, “Chekhaoa, Enou nehi paowe, zhouh teithe hinou nenou Eye koa Paradise hinou ve bulai.”
Jisu Thaiyu
(Mt 27.45-56; Mk 15.33-41; Jn 19.28-30)
44Alia sükisü heako teilecho kiahaipha tare, alia teidei teitei hisü koukhe teilecho asü koutesü maitei loure, 45daiolouzü teinghisü vakhai more, alia Rathokihi sah hakhai touyu nasü tsühle hinou pavai tare. 46Sükisü Jisu nou pai kusholoua, “Apuo, nebah hi Arakosü thoupeire!” tea paoe. Alia sübüa paowu-a puhsü thaire.
47Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”
48Alia süsü zhure donou sühinou vedzüa buyu maikhemai hrülainou sübüa payusü ngaolouyu kisü, le veasholoua puletao sü khao khoua ki hilo khaitare. 49Alia puhye sükhoyu maitao hrülai ea Galilee hinou puhthai füa taveyu naotumaitao nou sütao teiteisü adoukounou la-a zhua bue.
Jisu ye Vuyu
(Mt 27.57-61; Mk 15.42-47; Jn 19.38-42)
50Chuo sühisü tsümehi louyu Josef tea kuyu veishoyu ea checheyu mai ali bue. 51Puhwo tsümehi loukhai-a puletao nou li-choyu ea puletao vei vah hisü aetou moe. Puhsü Jihudimai vei nuhdu Arimathea hinou veyu ea Ramai Vedei vere zhia buyu mai alie. 52Mai hainanou Pilat hi taveloua Jisu pfüphao sü kholoure. 53Süthaisü puhnou pfüphao nasü pokouloua jüyusah alinou süsü pozüre, alia raichoki maitaliye povukhai moyu chuhrao hinou raothouloua soukhai touyu khüh hinou puhye sü pothou khaire. 54Teithe süsü soudayu teithe-e, alia Soteithesü ngheitei koure.
55Alia Jisu ye koa Galilee hinou taveyu naotumai taonou Josefye koa taveloua khüh alia puhvei pfüphaosü kabüa pokhairesa touyusü ngaoe. 56Süthaisü puletao nou khaiveloua kainü veiyu na ea vasouhi noure kaivei theadzü sü souda loure.
Alia Soteithe kisü puletao nou chikha thaifüa souloure.
Currently Selected:
LUK 23: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
LUK 23
23
Jisu ye Pilat Nghojühi Saveyu
(Mt 27.1-2,11-14; Mk 15.1-5; Jn 18.28-38)
1Süthaisü puletao vei me teiteinou shuloua Jisu ye sü Pilat nghojühi save loure. 2Alia puletao nou puhpei hisü mah paodukhaia paoe, “Mai hainanou Eh tahrüye sümah tayu, Ehye Kaisar hi kikha peire hinou nuyu alia puhlah nou Khrista Veo nasüe tea paoyu sü Ehnou ngaoloure.”
3Sükisü Pilatnou puh hi noue, “Ne Jihudimai veowu?”
Jisu nou puh hi chila peie, “Süsü nenou paowure.”
4Süthaisü Pilatnou napao adu maitao ea maisouhi paoe, “Enou mai haina hinou ha mahlia ngaolou moe.”
5Ana puletao nou khoupua paoe, “Puhnou Judea teidei teitei hinou doupeia maikhe maiye soubvü peiwe. Puhnou Galilee hinou shupoa chuo buh haihi koute koure.”
Jisu ye Herod hi seiveyu
6Pilat nou süsü choulouyu kisü, “Mai haina hai Galilee hi maiwu?” tea noue. 7Alia puhnou Jisu hai Herod vei khakhe hinou hrüyu mailie touyu sülouyu kisü, puhnou puhye sü Herod hi seive, daiolouzü Herod-a süpha kisü Jerusalem hi bue. 8Herod nou Jisu ye ngaolouyu kisü puh lesü sasho loure daiolouzü puhnou puh kosü raichoki nou choulouyu donou teile phasho puhye sü ngaonüshoa bure, alia puhnou khupa vahtao soua panou puhye ngaolai mosa tea tsü choda-a bue. 9Südonou puhnou Jisu hi chi alaosou noue; ana puhnou chila lia peimoe. 10Alia napao adu maitao ea razhai dou-apei maitao nou tashu laloua Jisu pei hi sü soutaosoua mah dukhai loure. 11Alia Herod nou puhvei reihmai taoye koa Jisu ye sü ngaophou khaimoa konü peire; süthaisü puletaoye panou puh hisü veishoyu zaoduna ali noupeiwu-a puhye sü Pilat hi seikhai vere. 12Alia teithe süzhounou Herod ea Pilat sü samai souloure, daiolouzü süjühi louzü puhaisü alinou liye ngaoba-a bue.
Jisu ye Southeare Lüpeiyu
(Mt 27.15-26; Mk 15.6-15; Jn 18.39—19.16)
13Süthaisü Pilatnou napao adumaitao, teidei khomaitao ea maisouye kuve dzüloua, 14puletao hi paoe, “Maikhe maiye sümah peiwe tea neletao nou mai hainaye Ahi savewe; alia zhukhaio, Enou neletao nghojünou puhye zhai zhuyu kisü, Enou mai haina hinou neletao nou puh pei hi dukhaiyu mah lia ngaolou moe; 15alia Herod koutenou-a ngaolou moe, daiolouzü puhnou puhye sü Eletao hi seikhaive peire. Zhukhaio, thai züdouyu mah lia puhnou soumoe. 16Südonou Enou puhye souveasho peiwu-a phapeilai.” 17(Chuo Tachonüh sasü Pilatnou puletaoye donou hukhahi buyu mai aliye phapei vuzüyu zhai bue.)
18Ana maisou teiteinou shusouloua “Mai hainaye southeawo! Eletaoye donou Barabbas ye phapeio!” tea shaloure. 19Barabbasye nuhdu hi chi bvüpayu ea maiye southeawuyu sünavei vanou hukhahi thoukhai toue.
20Pilatnou Jisu ye phapeinüa maisouhi shusoua paopue. 21Ana puletao nou shusoua shada khaire, “Puhye veatheawo! Puhye veatheawo!”
22Pilat nou puletao hi lüh asü chena koute paoe, “Daidonoue, puhnou dai ashi soure? Enou puh hinou thai züdouyu mahlia ngaomoe; südonou Enou puhye souveasho peiwu-a pha peilai.”
23Ana puletao nou pai-rao kusholoua puhye sü veatheawo tea khokhai khaire. Alia puletao vei pai-rao sünanou akhai hisü koloure. 24Südonou puletao kho thaifüa soupeire donou Pilatnou chi lükou peire. 25Alia puhnou chi soubvü peiyu ea maiye southeawuyu vanou hukhahi thoukhai touyu, puletao nou züpayu mai sünaye sü puhnou phapeire; ana puhnou Jisu ye puletao vei züpa panou souloure donou thoupeire.
Jisu ye Veatheayu
(Mt 27.32-44; Mk 15.21-32; Jn 19.17-27)
26Alia puletao nou puhye süthaipoa tapayu kisü, nuhfü hilonou taveyu Kurini himai Simonye puletao nou daoloua niloure, alia Jisu thailonou kros nasü panou pfütare donou puh vahi süsü pokhai peire.
27Alia sühisü maisou alaosou ea Jisu ye donou do-a khao khoua kra-a laiyu naotumai taoli puhthai füa tawe. 28Ana Jisu nou puletao hi reiveloua paoe, “Jerusalem hi naotumaitao, Eye donou krawuso, ana neletao lah donou ea neletao vei nahmaitao donou kraloubaio. 29Daiolouzü zhukhaio, maikhe mainou ‘Nah hayu, nah hrükhai moyu, alia nahmaiye panou naokhai moyu naotumai taosü daizhozhou rako veisa!’ tea paolaiyu teithe taosü velai. 30Sükisü puletao nou deichidu taohi, ‘Eh pei hi dukou loupeio!’ alia deichitai taohi, ‘Eh ye mikou paopeio!’ tea paoshu talai. 31Daiolouzü puletao nou hri-a buyu süübehi sübüyu vah taosü soupei louzü, süübe athaina hiwo dai palaisa?”
32Alia ashi vah souyu kukhe mai ahaiye-a Jisu ye koa southeare donou süthai satare. 33Alia puletao nou “Kalvari” tea kuyu buh hi tave louyu kisü, sühinou puletao nou puhye sü kros vanou veatheare ea ashi vah souyu sühaiye sü aliye puh bahkha zhoulohi ea kukhe sünaye puh bahkha nalohi nou veatheare. 34Alia Jisu nou paoe, “Apuo, puletaoye khaipeio! Daiolouzü puletao nou dai sousa touyusü puletao nou sümoe.”
Alia puletao hrohinou rakovei zhua puhvei sahnü taosü zhiloure. 35Alia maikhemai taonou la-a zhua bue; ana Jihudimai peichamai taonou puh hisü konüa paoe, “Puhnou kukhe maiye khailu peiwe; puh hai Ramai nou dopawuyuna Khristae toulouzü puhlah puhye panou khailulouwo!”
36Alia reihmai taonou-a puh ngheikihi takouloua puh hi khairouyu darkha zhaohnou popeia puhye konüa paoe, 37“Ne sü Jihudimai veo-e toulouzü nelah khailulouwo!”
38Alia puh peikou hisü, “Haisü Jihudimai Veo nasüe,” tea rüthoukhai touyu chahkhao nasü-a bue.
39Alia kros vahinou khiyu khaitoua buyu ashi souyu maisühai hinou ali nanou Jisu ye ngaophou khaimoa paoe, “Newo Khrista süna mowu? Nelah neye-a Ehye-a khailu peilo!”
40Ana kukhe alinanou puh hi tukhayu noupu züpeia paoe, “Newo Ramaiye pimowu? Daiolouzü ne-a mah-e tea chi lükou peiyu hisü kheihao-a zha ngaozhobaie. 41Alia Ahaiwo louzü chechenou ngaozüe; daiolouzü Ahaiwo Ahainou sou-pfüyu vah sütaovei ngaozüyu buusü ngaobaie; ana mai hainawo ha mahlia soumoe.” 42Alia puhnou Jisu hi paoe, “He Mapao, nenou nevei vedeihi veyu kisü Eye li-chopeio!”
43Jisu nou puh hi paoe, “Chekhaoa, Enou nehi paowe, zhouh teithe hinou nenou Eye koa Paradise hinou ve bulai.”
Jisu Thaiyu
(Mt 27.45-56; Mk 15.33-41; Jn 19.28-30)
44Alia sükisü heako teilecho kiahaipha tare, alia teidei teitei hisü koukhe teilecho asü koutesü maitei loure, 45daiolouzü teinghisü vakhai more, alia Rathokihi sah hakhai touyu nasü tsühle hinou pavai tare. 46Sükisü Jisu nou pai kusholoua, “Apuo, nebah hi Arakosü thoupeire!” tea paoe. Alia sübüa paowu-a puhsü thaire.
47Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”
48Alia süsü zhure donou sühinou vedzüa buyu maikhemai hrülainou sübüa payusü ngaolouyu kisü, le veasholoua puletao sü khao khoua ki hilo khaitare. 49Alia puhye sükhoyu maitao hrülai ea Galilee hinou puhthai füa taveyu naotumaitao nou sütao teiteisü adoukounou la-a zhua bue.
Jisu ye Vuyu
(Mt 27.57-61; Mk 15.42-47; Jn 19.38-42)
50Chuo sühisü tsümehi louyu Josef tea kuyu veishoyu ea checheyu mai ali bue. 51Puhwo tsümehi loukhai-a puletao nou li-choyu ea puletao vei vah hisü aetou moe. Puhsü Jihudimai vei nuhdu Arimathea hinou veyu ea Ramai Vedei vere zhia buyu mai alie. 52Mai hainanou Pilat hi taveloua Jisu pfüphao sü kholoure. 53Süthaisü puhnou pfüphao nasü pokouloua jüyusah alinou süsü pozüre, alia raichoki maitaliye povukhai moyu chuhrao hinou raothouloua soukhai touyu khüh hinou puhye sü pothou khaire. 54Teithe süsü soudayu teithe-e, alia Soteithesü ngheitei koure.
55Alia Jisu ye koa Galilee hinou taveyu naotumai taonou Josefye koa taveloua khüh alia puhvei pfüphaosü kabüa pokhairesa touyusü ngaoe. 56Süthaisü puletao nou khaiveloua kainü veiyu na ea vasouhi noure kaivei theadzü sü souda loure.
Alia Soteithe kisü puletao nou chikha thaifüa souloure.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.