JOSHUA 19
19
Simeon Maivei Teidei
1Ahai chena soua Simeon maikhü donou rako zhuyu phaki, puhmai kihikhamai thaifüa puhle vei teidei hai Judah maiye peikhai touyu deiraih hi koute. 2Puletao vei teidei hai Beersheba, Sheba, Moladah, 3Hazarshüal, Balah, Ezem, 4Eltolad, Bethul, Hormeh, 5Ziklag, Bethmar-kaboth, Hazarsüsah, 6Bethlebaoth, alia Sharühen - puhle vei nuh sütao hai kiasüe.
7Süthai-a Aim, Rimmon, Ether alia Ashan - nuh sütao hai adaie. 8Sütao hai Negeb hinou buyu Ramah, Baalathbeer hilo koute-e, süpehao hi buyu nuhdu teitei nou lou-e. Haitao hai Simeon maivei kaalo soua nou puletao ye peiyu teidei taoe. 9Simeon maivei teidei hai Judah maiye peiyu teidei hi kouloue, daiolouzü Judah maiye peiyu teidei hai puletao ye donou dushoyu donou, Simeon maiye puletao dei hinou depeie.
Zebulun Maivei Teidei
10Asü chenasoua Zebulun khüye deih depeie. Puletao vei teidei hai Sarid hi koute-e. 11Süthaisü deiraih hai teinghi loulova kouloua Mareal hi koute-e, sühinou Dabbesheth hilo dailoua Jokhneam vei teinghi palo buyu reitou hi kouwe. 12Sarid hinou teinghi palo hrisakou Khristoth-tabor deiraih hi koute-e; sühinou poa Deberath hi kouloua nou Japhia hi khete-e. 13Sühinou teinghi palo buyu Geth-hepher, Eth-kazin alia Rimmon hilo poa kouh Neah hilo hriloue. 14Süthaisü reilo vei deiraih hai Hannathon haopoa kouh Iphtahel deikho hinou kouh khaisoue. 15Sütao hai Kattath, Nahalal, Shimron, Idalah, alia Bethlehem taowe - puletao vei nuh hai kiahaie. 16Nuh haitao hai Zebulun kikhamai thaifüa peiyu taoe.
Issakar Maiye Peiyu Teidei
17Adai nasoua rako zhuyu hisü Issakar khüye donou pare. 18Puletao vei soua ngaolouyu teidei taohai - Jezreel, Kesuloth, Shunem, 19Hapharaim, Shion, Anaharath, 20Rabbith, Kishion, Ebez, 21Remeth, Engannim, Enhaddah, Beth-pazzez; 22Deiraih hai Tabor, Shahazümah, alia Beth-shemesh hia kou daie, alia deiraih hai Jordan rei hinou kouh khai soue. Sütaohai nuh kiarou-we. 23Teidei haitao hai Issakar kihikhamai thaifüa kaalo ngaolouyu nuh taoe.
Asher Maivei Teidei
24Angou chenasoua rako zhuyu hisü Asher maikhü ye donou popaloue. 25Puletao vei teidei taohai - Hellkath, Hali, Beten, Achshaph, 26Allammelek, Amad, alia Mishal; teinghi loulova hai Karmel alia Shihor Libnath hi kou daie. 27Süthai hai teinghi palo hripoa Bethdagon hi koue, alia Zebulun, Bethemek alia Neiel vei reilo vanou buyu Iphtahal deikho hi khedaie; süthai-a reilo khe Kabul, 28Ebron, Rehob, Hammon, Kanah, alia Duyu Sidon hi khete-e. 29Süthaisü puhle vei deiraih hai Ramah hilo dakhai kouh loua chuh nou khohao khaitouyu Tair nuhdu hi khe-e; sühinou deiraisü dapoa Hosah hi koue, alia kouh Zhai du hinou akhai soue. Nuhdu sütao hai Mahalab, Achzib, 30Ummah, Aphek alia Rehoh - nuh sütao hai kiahai-e. 31Haitao hai Asher khüye puhle kihikhamai thaifüa peiyu kaalo taoe.
Naphtali Khü vei Teidei
32Rako zhuyu vu arou nahai Naphtali khü donou pae, puhle khü hi kiphao buyu thaifüa kaalo sü peie. 33Puhle vei deiraih hai Heleph alia Zaananim hinou lahpoa kou vao süübe buyu hi koue, alia Adaminekeb ae Jabneel hinou Lakkum hi koute-e; alia sühinou kouh Jordan rei hinou khaisoue. 34Süthaisü teinghi loulova dapoa kou Aznoth-tabor hi koue, alia sühinou poa Hukkok hi koue, alia khelo kouh Zebulun dai loua Asher vei teinghi loulova koue, alia Jordan vei teinghi palova buyu Judah hi koue. 35Reihbu soukhai touyu nuhdu taohai Ziddim, Zer, Hammath, Rakkath, Chinnereth, 36Adamah, Ramah, Hazor, 37Kedesh, Edrei, Enhazor, 38Yiron, Migdalel, Horem, Beth-anath, alia Beth-shemesh - nuhdu sütao hai kiaküe. 39Teidei haitao hai Naphtali veie, süsü puhle puo tyatao thaifüa ngaolouyu taoe.
Dan Maivei Teidei
40Anai chenasou-a rako zhuyu hisü Dan khü ye donou pae, alia puletao pfümounah thaifüa dei sü zhipeie. 41Puletao nou ngaolouyu teidei taohai Zorah, Eshtaol, Irshemesh, 42Sha-a-labbin, Aijalon, Ithlah, 43Elon, Timnah, Ekron, 44Elte-keh, Gibbethon, Baalath, 45Jehed, Beneberak, Gath-rimmon, 46Mejarkon, alia Rakkon, süsü Joppa vei teidei tao koa louwe. 47Dan mai ye peire teidei chejüyu donou, Dan maitao nou tapa Leshem maiye reih soure, alia puhtao jünou reih veiloua puhmai vei teidei sü poloue, alia Leshem tea kuyu zhihsü puhmai puopao zhih hinou Dan tea saloue. 48Haitao hai Dan khüvei teidei taoe, puletao kiphao buyu thaifüa nou ngaolouyu nuh haitaoe.
Akhai khasoua Zhipeiyu Deitao
49Puletao nou teidei hai dezhilou cheyuthai, Israel mainou puletao vei za hinou Nun nahpoutu Joshua ye dei depeie. 50Mapao nou paohpeikhai touyu thaifüa puhnou khoyu Timnah-erah touyu nuhdu nahai süsü Ephraim maivei deichi hinou buyu nasü puhye peie; alia puhnou nuhdu sünasü soushu puloua nou sühinou hrüe.
51Napao Eleazar, Nun nahpoutu Joshua alia Israel mai khü hinou tsüsoua buyu maitao nou Mapao nghoujü nou rako sü Shiloh hinou zhua zhikhai touyu teidei taosü haitaoe. Puletao nou teidei sü hainou zhi cheloue.
Currently Selected:
JOSHUA 19: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
