JEREMIAH 47
47
Philistin mai vanou Mapao nou Paoyu
1Ejipt hi veo nou Gaza hi reih huloumo jünou, Mapao nou Philistin mai vanou ahi haibüa paoe:
2“Zhukhaio! Reilova nou dzü dusho pare,
ae dzüdu veyu büa kükou laire.
Puletao nou teidei veishi sü holoulai,
nuhdutao ae sühinou hrüa buyu mai hrülaiye sü paoloulai.
Maikhe mainou shusoua soukha peio tea kholai;
ae deiphao mai hrülai dopfüa kralai.
3Puletao nou rhei phi kho sü choulai,
rheiluki nou tayu phikho sü choulai.
Pfüpuo maitao nou lahvei nahmaitaoye reikhaive zhulai moe;
puletao vei bah sü lülou hoa bailai,
4daiolouzü Philistin maiye souhare teile sü vere,
Tair ae Sidon ye soukha louveiyu ludu veishi sü soude laiwulai.
Mapao Enou Kaphtor zaipe hinou shokhaitoua buyu Philistin maiye sü souhalai.
5Gaza mai sü leveayu donou pei saiwulai,
Ashkelon sü hata-a bailai.
Oh shokhaitoua buyu Anakim maitaore,
neletao teile kaso dopfüa bulaige?
6Oh Mapao vei khoche!
Teile daisho nenou reikou reikhe-a bulaige?
Ne khokhabvü hisü loubu ta-o,
sühinou ngasou solo!
7Enou taho vah soukhaio tea paopeiyu thaisü
hai nasü kabüa ngasou bulou khailai?
Enou hai nasü Ashkelon maiye dukhaio ae zaipe hinou hrüyu maitaoye reih soukhaio tea kharochi peiwure.”
Currently Selected:
JEREMIAH 47: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
