JEREMIAH 45
45
Baruk hi Ramai nou Paohpeiyu
1Judah hi veo Josiah nahpoutu Jehoiakim nou vekou louyu po adai kou, Enou paopeiyu chipao khesü Baruk nou rükhai loure. Enou puh hi haibüa paoe: 2“Oh Baruk, Israel maivei Ramai Mapao nou haibüa paowe: 3Nenou haibüa paopeio, ‘Oh E sü daizhou koute veade sarou! Daiolouzü Enou soua buyu pei hinou Mapao nou veahoyu sü thoupu peie. E sü veaho shoa nou lüpoa nou bure, ae soyu halia ngaomore!’
4“Ana Mapao Enou soukhai touyu khesü daphe dapho laiwulai, ae Enou shothou khaitouyu khesü paipa laiwulai. Enou haisü deiphao veishi hi soupeilai. 5Nenou veiloure ludu sü phoua laivu? Süsü phouso; daiolouzü Enou deiphaomai hrülai hi hakayu sü pove peilai, ana nenou tayu buh tarali hia neye panou thaimoa tureipa loulai. Haisü Mapao Enou paowe.”
Currently Selected:
JEREMIAH 45: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
