EZEKIEL 18
18
Mai Alili nou Soure Vah
1-2 Mapao nou ahi haibüa nou paoe, “Israel maivei teidei hi tsüchi hai nasü paoyu thainou paokhai khaiyu sü daivanoue?
‘Pfüpuo nou khaiyu darkha shithou toupeikhaie,
nahmaitao nou kou hu kei-a baiwe.’ ”
3Ramai Mapao nou paoe, “E hai cheche vujünou hriyu Ramai thaifüa tsüchi hai nasü Israel maiye panou paopulai more. 4Mai hrülai vei hrirai hai avei baie, pfüpuo maivei hrirai-a ae nahmai vei hrirai-a avei-e. Mah souyu mai nasü lah puhvei mah donou thai-a bailai.
5“Hakinou mai ali hai chilee cheche-a mai aveih soua bulouzü ae tsüle sheesha tea nou bulouzü, 6ae puhnou Israel maivei basharataoye tho molouzü, moa sheemoyu rathobuh hi posheela peikhai touyu touso sü toumo louzü, puhnou maivei kipfü maiye sabu sazü molouzü ae naotumai nou khoukhou hi zhe ta-a buyu phaki koa sahtou zhomo louzü, 7puhnou mai hi lalumo louzü moa maivei shaotou shaosomo louzü, puopao louyu mainou bandha khaitouyu na khesü puh hi lukhai peilouzü, puhnou touha-a laimaiye touso peilouzü ae sabanü hayu maiye sabanü peilouzü, 8puhnou pousha vea pomoa maiye poupao peilouzü ae vah ashi souba louzü alia tsüle sheesha teanou kaozü hinou maivei chilou kupei louzü, 9sükuyu maitao hai avei kharochi sü züwe ae avei chikha khesü soutaosoua thaifüwe. Sükuyu maitao hai checheyu maitao-e ae puletao sü hriloulai,” tea Ramai Mapao nou paoe.
10“Süthaisü haibüa nou cheche-a vah aveih souyu mai ali nahmai nou maivei shaotou shaoso ae maiye southa louzü ae haibüa vah ashi teitei hai, 11puh puo nou soukhai touyu vah khesü soupfü louzü puhnou cheche moyu rah hi posheela peiyu touso khesü tou louzü ae mai chimai nahmaiye sabu sazü louzü, 12touhayu maiye lalu louzü, maivei shaotou shaoso louzü, poupao louyu puh hi bandha khaitouyu khesü poloure toulouzü, cheche moyu rathoki hi veta louzü ae basharataoye thota louzü, 13maiye poupao peiyu hinou pousha vea soutou louzü, puh sü hrilou süvu? Moe, puh sü thai-a bailai. Daiolouzü puhnou ngaorayu vah veishi hai soupfüre. Südonou puh sü thai bailai. Puh sü lah vei mah donou thai-a baie.
14“Hakinou mai hai nanou nahmai bulouzü, ae puhnou puhvei puo nou mah soukhai touyu khesü ngaoloua puh thaifüa mah soumo louzü, 15puhnou Israel mai hi buyu basharatao thomo louzü moa cheche moyu rahtao posheela peikhai touyu tousotao tou molouzü, puhnou maivei keapfü maiye sabu sazü molouzü, 16moyuma maiye souvea souchoromo louzü moa maivei shaotou shaoso molouzü ae puo pao louyu mainou bandha khaitouyu na khesü pomoa lukhai peilouzü ae touha sohayu maiye peizhi louzü ae sabanü hayu maiye sabanü peilouzü, 17puhnou vah ashi khesü souba louzü ae maiye pousha poupao peiyu hi vea pomo louzü puh sü avei chikhatao hai thaifüa tawe ae avei kharochi hai züwe. Puh sü puh puo mah vanou thailai moe, ana hrilou bailai. 18Puh puo hai mai ashi soua mai vei lutouwe, ae maivei shaotou shaosowe, ae teisa nou vah ashi khesü souwe, südonou puh sü thai bailai, daiolouzü puhnou mah soukhai touyu donou thai bailai.
19“Ana nenou haibüa noue, Daisouyu donou nahmai hai puo nou mah soukhai touyu donou veahoyu sü ngaomolaige? Nah nou kaozüyu vah süsoua baie, ae puhnou avei chikha khesü soutaosoua thaifütou tea nou hrüa bue, südonou puh sü hri vujüa bailai. 20Mah souyu mai nanou thai-a bailai. Puo nou mahmo souyu donou nah nou veahoyu sü ngaolai moe, moa nah nou mah souyu donou puoye panou veahoyu sü daolai moe. Mai aveih maiye sü puhnou vah aveih souyu donou buu peilai ae mai ashi maiye sü puhnou vah ashi souyu thaifüa veahoyu sü peilai.
21“Hakinou mai ashi mai ali nou mah souyu thaowua avei chikha hai züloure toulouzü ae puhnou kaozüyu vah sü souloua mai aveih souta louzü, puh sü thailai moe, hrilou vuzüa bailai. 22Puhvei mah veishi hai khaipeia bailai ae puh sü hriloua bailai, daiolouzü puhnou kaozü vah sü soutare. 23Mai ashi mai nou thaitayu sü E lesawe tea neletao tsüchowe? Moe, Ewo mai ashi mai ali nou ledaloua hrilouyu jüpawe” tea Ramai Mapao nou paoe.
24“Ana checheyu mai ali nou vah aveih souyu sü soupu moa vah ashi souta louzü, ae ngaorayu maishi mainou souyu vah khesü puhnou souta louzü puh sü hrilou süwu? Moe! puhnou vah aveih soukhai touyu teitei-a lichopu peilai moe. Puh sü thai-a bailai daiolouzü puh sü chilee cheche more ae puhvei mah donou puh sü thai bailai.
25“Ana nenou haibüa paoe, ‘Mapao nou souyu sü kaomoe’ Israel maitaore, Enou paoyu achi sü keilo. Enou soupfüyu khesü neletao kaomoe tea neletao tsü chowu? neletao nou kaomoyu hinou tsücho-a baie. 26Mai aveih mai ali nou vah aveih soupu moa vah ashi souta-a puh hai thaire toulouzü, puhsü lah vah ashi souyu donou thai-a baie. 27Maishi mai ali nou mahmo soupu moa kaozü vah ae vah aveih souta louzü, puh sü puh hrü hai khailupa loulai. 28Puhnou mah souyu sü kaomore tea puh sü süloure, südonou puh sü thailai moe, ana hriloua bailai. 29Israel maitaore, neletao nou haibüa paoe, ‘Mapao nou soupfüyu sü kaomoe’ Neletao nou avei ludu sü kaomoe tea tsü chowe ana neletao vei ludu sünou kaomoa nou baie.
30“Chuo Ramai Mapao Enou Israel hrülaiye lahkuku nou soukhai touyu thaifüa chikulai tea paowe. Neletao nou vah ashi soupfüa buyu khesü thaokhaiwu-o, ae neletao vei mahnou pa neletaoye souhaso. 31Neletao nou vah ashi soua buyu teitei thaokhaiwu-o, ae neletao tsüle ashu nasü polo. Israel maitaore, neletao daisounou thai nüwe? 32Ewo maitaralia panou thai nümoe, neletao vei mah hinou tarei talo ae hrilo,” tea Ramai Mapao nou paowe.
Currently Selected:
EZEKIEL 18: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 18
18
Mai Alili nou Soure Vah
1-2 Mapao nou ahi haibüa nou paoe, “Israel maivei teidei hi tsüchi hai nasü paoyu thainou paokhai khaiyu sü daivanoue?
‘Pfüpuo nou khaiyu darkha shithou toupeikhaie,
nahmaitao nou kou hu kei-a baiwe.’ ”
3Ramai Mapao nou paoe, “E hai cheche vujünou hriyu Ramai thaifüa tsüchi hai nasü Israel maiye panou paopulai more. 4Mai hrülai vei hrirai hai avei baie, pfüpuo maivei hrirai-a ae nahmai vei hrirai-a avei-e. Mah souyu mai nasü lah puhvei mah donou thai-a bailai.
5“Hakinou mai ali hai chilee cheche-a mai aveih soua bulouzü ae tsüle sheesha tea nou bulouzü, 6ae puhnou Israel maivei basharataoye tho molouzü, moa sheemoyu rathobuh hi posheela peikhai touyu touso sü toumo louzü, puhnou maivei kipfü maiye sabu sazü molouzü ae naotumai nou khoukhou hi zhe ta-a buyu phaki koa sahtou zhomo louzü, 7puhnou mai hi lalumo louzü moa maivei shaotou shaosomo louzü, puopao louyu mainou bandha khaitouyu na khesü puh hi lukhai peilouzü, puhnou touha-a laimaiye touso peilouzü ae sabanü hayu maiye sabanü peilouzü, 8puhnou pousha vea pomoa maiye poupao peilouzü ae vah ashi souba louzü alia tsüle sheesha teanou kaozü hinou maivei chilou kupei louzü, 9sükuyu maitao hai avei kharochi sü züwe ae avei chikha khesü soutaosoua thaifüwe. Sükuyu maitao hai checheyu maitao-e ae puletao sü hriloulai,” tea Ramai Mapao nou paoe.
10“Süthaisü haibüa nou cheche-a vah aveih souyu mai ali nahmai nou maivei shaotou shaoso ae maiye southa louzü ae haibüa vah ashi teitei hai, 11puh puo nou soukhai touyu vah khesü soupfü louzü puhnou cheche moyu rah hi posheela peiyu touso khesü tou louzü ae mai chimai nahmaiye sabu sazü louzü, 12touhayu maiye lalu louzü, maivei shaotou shaoso louzü, poupao louyu puh hi bandha khaitouyu khesü poloure toulouzü, cheche moyu rathoki hi veta louzü ae basharataoye thota louzü, 13maiye poupao peiyu hinou pousha vea soutou louzü, puh sü hrilou süvu? Moe, puh sü thai-a bailai. Daiolouzü puhnou ngaorayu vah veishi hai soupfüre. Südonou puh sü thai bailai. Puh sü lah vei mah donou thai-a baie.
14“Hakinou mai hai nanou nahmai bulouzü, ae puhnou puhvei puo nou mah soukhai touyu khesü ngaoloua puh thaifüa mah soumo louzü, 15puhnou Israel mai hi buyu basharatao thomo louzü moa cheche moyu rahtao posheela peikhai touyu tousotao tou molouzü, puhnou maivei keapfü maiye sabu sazü molouzü, 16moyuma maiye souvea souchoromo louzü moa maivei shaotou shaoso molouzü ae puo pao louyu mainou bandha khaitouyu na khesü pomoa lukhai peilouzü ae touha sohayu maiye peizhi louzü ae sabanü hayu maiye sabanü peilouzü, 17puhnou vah ashi khesü souba louzü ae maiye pousha poupao peiyu hi vea pomo louzü puh sü avei chikhatao hai thaifüa tawe ae avei kharochi hai züwe. Puh sü puh puo mah vanou thailai moe, ana hrilou bailai. 18Puh puo hai mai ashi soua mai vei lutouwe, ae maivei shaotou shaosowe, ae teisa nou vah ashi khesü souwe, südonou puh sü thai bailai, daiolouzü puhnou mah soukhai touyu donou thai bailai.
19“Ana nenou haibüa noue, Daisouyu donou nahmai hai puo nou mah soukhai touyu donou veahoyu sü ngaomolaige? Nah nou kaozüyu vah süsoua baie, ae puhnou avei chikha khesü soutaosoua thaifütou tea nou hrüa bue, südonou puh sü hri vujüa bailai. 20Mah souyu mai nanou thai-a bailai. Puo nou mahmo souyu donou nah nou veahoyu sü ngaolai moe, moa nah nou mah souyu donou puoye panou veahoyu sü daolai moe. Mai aveih maiye sü puhnou vah aveih souyu donou buu peilai ae mai ashi maiye sü puhnou vah ashi souyu thaifüa veahoyu sü peilai.
21“Hakinou mai ashi mai ali nou mah souyu thaowua avei chikha hai züloure toulouzü ae puhnou kaozüyu vah sü souloua mai aveih souta louzü, puh sü thailai moe, hrilou vuzüa bailai. 22Puhvei mah veishi hai khaipeia bailai ae puh sü hriloua bailai, daiolouzü puhnou kaozü vah sü soutare. 23Mai ashi mai nou thaitayu sü E lesawe tea neletao tsüchowe? Moe, Ewo mai ashi mai ali nou ledaloua hrilouyu jüpawe” tea Ramai Mapao nou paoe.
24“Ana checheyu mai ali nou vah aveih souyu sü soupu moa vah ashi souta louzü, ae ngaorayu maishi mainou souyu vah khesü puhnou souta louzü puh sü hrilou süwu? Moe! puhnou vah aveih soukhai touyu teitei-a lichopu peilai moe. Puh sü thai-a bailai daiolouzü puh sü chilee cheche more ae puhvei mah donou puh sü thai bailai.
25“Ana nenou haibüa paoe, ‘Mapao nou souyu sü kaomoe’ Israel maitaore, Enou paoyu achi sü keilo. Enou soupfüyu khesü neletao kaomoe tea neletao tsü chowu? neletao nou kaomoyu hinou tsücho-a baie. 26Mai aveih mai ali nou vah aveih soupu moa vah ashi souta-a puh hai thaire toulouzü, puhsü lah vah ashi souyu donou thai-a baie. 27Maishi mai ali nou mahmo soupu moa kaozü vah ae vah aveih souta louzü, puh sü puh hrü hai khailupa loulai. 28Puhnou mah souyu sü kaomore tea puh sü süloure, südonou puh sü thailai moe, ana hriloua bailai. 29Israel maitaore, neletao nou haibüa paoe, ‘Mapao nou soupfüyu sü kaomoe’ Neletao nou avei ludu sü kaomoe tea tsü chowe ana neletao vei ludu sünou kaomoa nou baie.
30“Chuo Ramai Mapao Enou Israel hrülaiye lahkuku nou soukhai touyu thaifüa chikulai tea paowe. Neletao nou vah ashi soupfüa buyu khesü thaokhaiwu-o, ae neletao vei mahnou pa neletaoye souhaso. 31Neletao nou vah ashi soua buyu teitei thaokhaiwu-o, ae neletao tsüle ashu nasü polo. Israel maitaore, neletao daisounou thai nüwe? 32Ewo maitaralia panou thai nümoe, neletao vei mah hinou tarei talo ae hrilo,” tea Ramai Mapao nou paowe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.