EZEKIEL 17
17
Leche alia Darkhabe vanou Nada Paoyu
1 Mapao nou ahi haibüa nou paoe, 2“Thai bailaiyu mainare, Israel mai hi nada ali paopeio, 3Ramai Mapao nou puletao hi haibüa paoe tea paopeio: Dushoyu leche ali hai veisho-a nou ae shouh hephapoa Lebanon deichitao hi zhaopoa nou ve-e ae sedar süübe zü sü puhnou taosha loure. 4ae puhnou sünasü huha souyu maivei teidei hi pove hupomaivei nuhdu hisü khaipeie. 5Süthaisü puhnou süübetou hai Israel maivei teidei hinou poloua poho dei aveih dzü bukouteyu buh hi shothou peie. 6Süübetou sünasü lopa loure ae napea tea nou veishoyu darkhabe ali soure. Bo khesü vipoa nou puh hilosü koure ae maa sü thousho-a tsüloure. Darkhabe sü botao ae nghou khenou holoure.
7“Dushoyu lüche kukhe ali-a shouh dusho-a ae mai veisho-a nou bue. Ae chuo darkhabe nasü puhvei maa hai puh hilova keipoa nou tare ae puhvei botao-a puh hilova keitare, Puhnou buyu kipei jünou puh hia dzü hai puhye peipu shulai tea puhnou areih sü buloure. 8Ana darkhabe nasü dei aveih buh ae dzü veisho-a buyu buh hinou shokhai peiwure, sübüa darkhabe nasü vipaloua nou rashithou hai veishoa shipei-a nou bue.
9“Südonou Ramai Mapao Enou haibüa noue: Leche arai nanou darkhabe nasü maa nou lalai laimowu, ae süübo khesü sousha laiwua panou kita-a bailai mowu? Hai nasü khouko alao loulai moe moyuma dushoyu tyahrü ali nou pailai moyuma pailai lousüe. 10Ouvai, hai nasü shothou peiwure, ana hriloua vipa lou süvu? Hai nasü sühinou heipalou hoa thaita-a bailaimowu?”
Nada sü Haivanoue tea Paopeiyu
11 Mapao nou ahi haibüa paoe, 12Nada hai nasü puletao nou süho sümoe touyu sü noukhaio. Babilon hi veo nou Jerusalem hi tave veoye ae puhvei peikho maitao hai Babilon hi sapoa tave-o tea puletao hi paopeio. 13Puhnou veo vei kikhamai ali saloua panou puhvei khakhe hinou bulai tea chaachou soua vo ali souloure. Puhnou tyahrü hinou matsüyu mai hrülai hai hukhamai soua nüpoa tare, 14daiolouzü puletao nou vo soukhai touyu nasü pfüthowua khaityapa shulai tea nou nüpoa takhai toure. 15Ana Judah hi veo sünou puhye khaitya Ejipt mai hinou rheitao ae reihmai seive puhye soukha peio tea maiye seiho khotare. Puhnou süsü veilou süwu? Puhnou tupalou süvu? Puhnou veahoyu sü ngaomoa nou vo soukhai touyu nasü pfütho louhoe.
16Ramai Mapao nou paoe, “E hai cheche vujünou hriyu thaifüa Judah hi veo sü Babilon hinou ho thailai, daiolouzü puhnou lah Babilon hi veoye koa chaachou soua puhye vebuh hi panou bure donou vo soukhai touyu nasü pfüthowure. 17Khouko bushoyu Ejipt veo vei reihmaitao-a Babilon mainou reihbu souloua ae deibvü heloa mai alao southare donou reih souyu phaki puhye sü soukha peilou ho-a bailai. 18Puhnou lah chaachou soukhai touyu nasü souphewure ae vo soukhai touyu nasü püthore. Puhnou hai teitei hai soupfüre, südonou chuo puh sü tupa loulai moe.”
19Ramai Mapao nou paoe, “Cheche vuzünou E hai hriyu Ramaiyu thaifüa puhnou avei zhih hinou chaachou soua vo soukhai touyu nasü pfüthouyu donou puhye sü tudee peilai. 20Enou souhuyu maivei besah sü poloua puhye beloulai. Enou puhye sü Babilon hi poho sühinou puhye tudee peilai, daiolouzü puhnou ahi chilee cheche more. 21Puhvei veikayu soureih maitao hai reihbu hinou southawulai ae thaimoa tupa louyu maitaoye sü buh veishi hi hupho rarou laiwulai. Süthaisü puhnou Mapao Enou haisü paowe touyu sü süloulai.”
Areih Buloure donou Ramai nou Paopeiyu
22Ramai Mapao nou haibüa paoe,
“Enou kushoyu sedar süübe ali vei peitaoh hinou zülapayu ali sü sousha loulai;
Enou sünasü kushoyu deichi ali hi pove shopeilai.
23Kukayu Israel maivei deichi hi pove shopeilai,
Sünasü süübo lapa-a rashithou shiloulai,
ae veikayu sedar süübe ali soulai.
Raohou tya teitei nou sühisü ve bulai,
ae sünavei khe nou baibu soua bulai.
24Teidei sühi buyu süübe teitei nou E hai Mapao-e touyu sü süloulai.
Enou süübe kuyu khesü vilai baiwe,
ae süübe taiyu khesü soudu souso peiwe.
Enou süübe veisho-a buyu khesü panou kita-a baiwe,
ae kirürüa buyu süübe khesü soudaiva peiwe.
Mapao Enou hai sü paowe. Enou soulai tea paokhai touyu khesü Enou soupeilai.”
Currently Selected:
EZEKIEL 17: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
EZEKIEL 17
17
Leche alia Darkhabe vanou Nada Paoyu
1 Mapao nou ahi haibüa nou paoe, 2“Thai bailaiyu mainare, Israel mai hi nada ali paopeio, 3Ramai Mapao nou puletao hi haibüa paoe tea paopeio: Dushoyu leche ali hai veisho-a nou ae shouh hephapoa Lebanon deichitao hi zhaopoa nou ve-e ae sedar süübe zü sü puhnou taosha loure. 4ae puhnou sünasü huha souyu maivei teidei hi pove hupomaivei nuhdu hisü khaipeie. 5Süthaisü puhnou süübetou hai Israel maivei teidei hinou poloua poho dei aveih dzü bukouteyu buh hi shothou peie. 6Süübetou sünasü lopa loure ae napea tea nou veishoyu darkhabe ali soure. Bo khesü vipoa nou puh hilosü koure ae maa sü thousho-a tsüloure. Darkhabe sü botao ae nghou khenou holoure.
7“Dushoyu lüche kukhe ali-a shouh dusho-a ae mai veisho-a nou bue. Ae chuo darkhabe nasü puhvei maa hai puh hilova keipoa nou tare ae puhvei botao-a puh hilova keitare, Puhnou buyu kipei jünou puh hia dzü hai puhye peipu shulai tea puhnou areih sü buloure. 8Ana darkhabe nasü dei aveih buh ae dzü veisho-a buyu buh hinou shokhai peiwure, sübüa darkhabe nasü vipaloua nou rashithou hai veishoa shipei-a nou bue.
9“Südonou Ramai Mapao Enou haibüa noue: Leche arai nanou darkhabe nasü maa nou lalai laimowu, ae süübo khesü sousha laiwua panou kita-a bailai mowu? Hai nasü khouko alao loulai moe moyuma dushoyu tyahrü ali nou pailai moyuma pailai lousüe. 10Ouvai, hai nasü shothou peiwure, ana hriloua vipa lou süvu? Hai nasü sühinou heipalou hoa thaita-a bailaimowu?”
Nada sü Haivanoue tea Paopeiyu
11 Mapao nou ahi haibüa paoe, 12Nada hai nasü puletao nou süho sümoe touyu sü noukhaio. Babilon hi veo nou Jerusalem hi tave veoye ae puhvei peikho maitao hai Babilon hi sapoa tave-o tea puletao hi paopeio. 13Puhnou veo vei kikhamai ali saloua panou puhvei khakhe hinou bulai tea chaachou soua vo ali souloure. Puhnou tyahrü hinou matsüyu mai hrülai hai hukhamai soua nüpoa tare, 14daiolouzü puletao nou vo soukhai touyu nasü pfüthowua khaityapa shulai tea nou nüpoa takhai toure. 15Ana Judah hi veo sünou puhye khaitya Ejipt mai hinou rheitao ae reihmai seive puhye soukha peio tea maiye seiho khotare. Puhnou süsü veilou süwu? Puhnou tupalou süvu? Puhnou veahoyu sü ngaomoa nou vo soukhai touyu nasü pfütho louhoe.
16Ramai Mapao nou paoe, “E hai cheche vujünou hriyu thaifüa Judah hi veo sü Babilon hinou ho thailai, daiolouzü puhnou lah Babilon hi veoye koa chaachou soua puhye vebuh hi panou bure donou vo soukhai touyu nasü pfüthowure. 17Khouko bushoyu Ejipt veo vei reihmaitao-a Babilon mainou reihbu souloua ae deibvü heloa mai alao southare donou reih souyu phaki puhye sü soukha peilou ho-a bailai. 18Puhnou lah chaachou soukhai touyu nasü souphewure ae vo soukhai touyu nasü püthore. Puhnou hai teitei hai soupfüre, südonou chuo puh sü tupa loulai moe.”
19Ramai Mapao nou paoe, “Cheche vuzünou E hai hriyu Ramaiyu thaifüa puhnou avei zhih hinou chaachou soua vo soukhai touyu nasü pfüthouyu donou puhye sü tudee peilai. 20Enou souhuyu maivei besah sü poloua puhye beloulai. Enou puhye sü Babilon hi poho sühinou puhye tudee peilai, daiolouzü puhnou ahi chilee cheche more. 21Puhvei veikayu soureih maitao hai reihbu hinou southawulai ae thaimoa tupa louyu maitaoye sü buh veishi hi hupho rarou laiwulai. Süthaisü puhnou Mapao Enou haisü paowe touyu sü süloulai.”
Areih Buloure donou Ramai nou Paopeiyu
22Ramai Mapao nou haibüa paoe,
“Enou kushoyu sedar süübe ali vei peitaoh hinou zülapayu ali sü sousha loulai;
Enou sünasü kushoyu deichi ali hi pove shopeilai.
23Kukayu Israel maivei deichi hi pove shopeilai,
Sünasü süübo lapa-a rashithou shiloulai,
ae veikayu sedar süübe ali soulai.
Raohou tya teitei nou sühisü ve bulai,
ae sünavei khe nou baibu soua bulai.
24Teidei sühi buyu süübe teitei nou E hai Mapao-e touyu sü süloulai.
Enou süübe kuyu khesü vilai baiwe,
ae süübe taiyu khesü soudu souso peiwe.
Enou süübe veisho-a buyu khesü panou kita-a baiwe,
ae kirürüa buyu süübe khesü soudaiva peiwe.
Mapao Enou hai sü paowe. Enou soulai tea paokhai touyu khesü Enou soupeilai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.