EZEKIEL 15
15
Darkhabe vei Nada
1 Mapao nou ahi haibüa paoe, 2“Thai-a bailaiyu mainare, kabüa nou darkhabe ali hai süübe ye poa nadalai? Darkhabe li hai vaohro hi buyu süübe aliye poa nadayu sü dai-e veiyu bue? 3Nenou sünasü poa daivah soulou süe? Nenou sünasü poa hana khaire donou ka dolou süvu? 4Sünasü poa mei deire donou veiyu likhei baie, ae sünasü pei tei meideiyu thai sü teiva nou meivi datare, sünasü nenou poa daili soulou süge? 5Hainasü poa meideimo jüa koyu halia ha-e, chuo meideire ae meivi datare, poa vah souloure donou veiyu sü halia hazei toure.”
6Ramai Mapao nou chuo haibüa nou paowe, “Darkhabe nasü vaohro hinou poloua meideiyu büa Enou Jerusalem hinou hrüyu maitaoye sü poloulai, 7ae puletaoye sü Enou tudee peilai. Puletao hai mei ali hinou turei paloure, ana chuo Enou puletaoye sü mei hi thou deiwulai. Enou puletaoye tudee peiyu phaki, neletao sü süloulai. 8Puletao hai ahi chilee cheche moe, südonou Enou puletao vei teidei sü panou hihro vaohro vitawulai.” Ramai Mapao nou haisü paowe.
Currently Selected:
EZEKIEL 15: POUMBSI
Highlight
Copy
Compare
Share
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
